ຫໍສະໝຸດກອງທັບ ລົງຈັດກິດຈະກຳແຂ່ງຂັນ ຖາມ-ຕອບຄວາມຮູ້ຮອບຕົວ 

ຮວ່ມກັບ ກອງພັນໃຫ່ຍທະຫານຮາບຍານເກາະທີ 11. 

     ໃນເວລາ 08:30 ຂອງເຊົ້າວັນທີ່ 15 ມັງກອນ 2025. ທີ່ສະໂມສອນ ກອງພັນໃຫ່ຍທະຫານຮາບຍານເກາະທີ 11 ໄດ້ຈັດກິດຈະກຳແຂ່ງຂັນ ຖາມ-ຕອບ ຄວາມຮູ້ຮອບຕົວ ລະຫວ່າງ ຫໍສະໝຸດກອງທັບ ກັບ ກອງພັນໃຫ່ຍທະຫານຮາບຍານເກາະທີ 11 ຂື້ນ, ໂດຍໃຫ້ກຽດເປັນປະທານຮ່ວມ ຂອງທ່ານ ພັທ ໄມທອງ ຫຼີນລໍວັນ ຄະນະພັກກອງພັນໃຫ່ຍ ຮອງພະແນກການເມືອງ ກອງພັນໃຫ່ຍທະຫານຮາບຍານເກາະທີ 11 ແລະ ທ່ານ ພັທ ນ. ຄູນທອງ ທຳມະວົງ ຮອງອຳນວນການ ຫໍສະໝຸດກອງທັບ, ພ້ອມທັງພະນັກງານວິຊາການຈຳນວນໜື່ງ ແລະ ພະນັກງານ-ນັກຮົບພາຍໃນກອງພັນໃຫ່ຍເຂົ້າຮວ່ມຢ່າງພ້ອມພຽງ.

     ພາຍຫຼັງພິທີໄດ້ກ້າວເຂົ້າສູ່ຄວາມເປັນລະບຽບຮຽບຮ້ອຍແລ້ວ ສະຫາຍ ພັທ ນ. ຄູນທອງ ທຳມະວົງ ຮອງອຳນວຍການຫໍສະໝຸດກອງທັບ ກໍ່ໄດ້ກ່າວເປີດພິທີຢ່າງເປັນທາງການ, ຕໍ່ມາ ພິທີກອນທັງ2ສະຫາຍ ກໍ່ໄດ້ດຳເນີນລາຍການແຂ່ງຂັນ ຖາມ-ຕອບ ຢ່າງມີບັນຍາກາດເບີກບານມວ່ນຊື່ນ.

ຜົນການແຂ່ງຂັນ ຖາມ-ຕອບ ປະເພດ I ໄດ້ແກ່ ກອງຮ້ອຍປືນໃຫ່ຍ, ປະເພດ II ໄດ້ແກ່ກອງພັນນ້ອຍ 705 ແລະ ປະເພດ III ໄດ້ແກ່ ກອງຮ້ອຍສື່ສານ ແລະ ລາງວັນຊົມເຊີຍ ມີ 13 ພາກສວ່ນ.

       ຈາກນັ້ນ ທ່ານ ພັທ ໄມທອງ ຫຼີນລໍວັນ ຄະນະພັກກອງພັນໃຫ່ຍ ຮອງພະແນກການເມືອງ ກອງ ພັນໃຫ່ຍ ທະຫານຮາບຍານເກາະທີ 11 ກໍ່ໄດ້ກ່າວສະແດງຄວາມຂອບໃຈ ແລະ ຮູ້ບຸນຄຸນຕໍ່ຫໍສະໝຸດກອງທັບທີ່ໄດ້ລົງມາຈັດກິດຈະກຳ ຖາມ-ຕອບ ຄວາມຮູ້ຮອບຕົວໃນຄັ້ງນີ້ ດ້ວຍຜົນສຳເລັດອັນຈົບງາມ. ຕໍ່ມາ ທ່ານ ພັທ ນ. ຄູນທອງ ທຳມະວົງ ຮອງອຳນວຍການຫໍສະໝຸດກອງທັບ ກໍ່ໄດ້ມອບປື້ມຈຳນວນ 36 ຫົວ, ມູນຄ່າ 1,685,000 ກີບ. ໃຫ້ແກ່ ຫ້ອງສະໝຸດ ກອງພັນໃຫ່ຍທະຫານຮາບຍານເກາະທີ 11 ພ້ອມທັງກ່າວປິດພິທີຢ່າງເປັນທາງການ, ພິທີໄດ້ປິດລົງໃນ ເວລາ 11:00 ຂອງເຊົ້າວັນດຽວກັນນີ້ ດ້ວຍຜົນສຳເລັດຢ່າງຈົບງາມ.