ພິທີເປີດຝຶກອົບຮົມວຽກງານວິຊາສະເພາະໃຫ້ບັນດາກົມກອງ

ອອ້ມຂ້າງກອງບັນຊາການທະຫານແຂວງຊຽງຂວາງ.

       ໃນເວລາ 8:30 ຂອງເຊົ້າວັນທີ່ 13 ພຶດສະພາ 2024, ທີ່ສະໂມສອນ ກອງບັນຊາການທະຫານແຂວງຊຽງຂວາງໄດ້ຈັດພິທິເປີດຊຸດຝຶກອົບຮົມວິຊາສະເພາະໃຫ້ແກ່ພະນັກງານຫໍສະໝຸດອອ້ມຂ້າງກອງບັນຊາການທະຫານແຂວງຊຽງຂວາງຂື້ນ. ໂດຍການໃຫ້ກຽດເປັນປະທານຂອງ ທ່ານ ພັທ ຄູນທອງ ທຳມະວົງ ຮອງອຳນວຍການ ຫໍສະໝຸດກອງທັບ ແລະ ທ່ານ ພັອ ວົງສອນ ຢ່າຈົ່ງຕົວ ຫົວຫນ້າຫ້ອງການເມືອງ, ຄະນະກອງບັນຊາການທະຫານແຂວງຊຽງຂວາງປະທານຮວ່ມ, ມີຄະນະພັກ - ຄະນະບັນຊາ ກອງພັນໃຫ່ຍ702, ກອງພັນໃຫ່ຍ643, ໂຮງໝໍບໍລິເວນ101, ພ້ອມພະນັກງານຄູອາຈານ ແລະ ນັກສຳມະນາກອນເຂົ້າຮວ່ມ ຈຳນວນ 18 ສະຫາຍ.

      ໃນພິທີ ສະຫາຍ ສະຫວຽງ ຈັນທະວົງ ຄະນະຄູຝຶກໄດ້ຂື້ນຜ່ານຂໍ້ຕົກລົງຂອງກົມໃຫ່ຍການເມືອງກອງທັບ ວ່າດວ້ຍອານຸມັດໃຫ້ ຫໍສະໝຸດກອງທັບເປີດຊຸດຝຶກອົບຮົມ ໃຫ້ບັນດາກົມກອງພາກເໜືອ, ຈາກນັ້ນ ສະຫາຍກໍ່ໄດ້ຜ່ານແຜນການຝຶກອົບຮົມ. ຕໍ່ມາ ສະຫາຍ ພັອ ວົງສອນ ຢ່າຈົ່ງຕົວ ຕ່າງຫນ້າຄະນະພັກ - ຄະນະບັນຊາ ກອງບັນຊາການທະຫານແຂວງຊຽງຂວາງ ( ໃນນາມປະທານຮວ່ມ ) ກໍ່ໄດ້ຂື້ນກ່າວສະແດງຄວາມຕ້ອນຮັບ ແລະ ການມາຝຶກອົບຮົມຂອງທີມງານຫໍສະໝຸດກອງທັບໃນຄັ້ງນີ້. ຈາກນັ້ນ ສະຫາຍ ພັທ ຄູນທອງ ທຳມະວົງຄະນະຊີ້ນຳບັ້ນຝຶກອົບຮົມ ກໍ່ໄດ້ມີຄຳເຫັນກ່າວເປີດຊຸດຝຶກອົບຮົມຢ່າງເປັນທາງການ. ພິທີໄດ້ສີ້ນສຸດລົງເວລາ 9:30 ຂອງວັນດຽວກັນນີ້ດ້ວຍບັນຍາກາດທີ່ເບີກບານມວ່ນຊື່ນແຫ່ງຄວາມສາມັກຄີທີ່ດີຕໍ່ກັນ.