ໃນຕອນເຊົ້າຂອງວັນທີ 10 ຕຸລາ 2023 ນີ້, ສະຫາຍ ພັນຕີ ຄຳຂຽນ ເພັງພະຈັນ ຊ່ວຍວຽກຂະແໜງໂຄສະນາ ກອງພັນໃຫຍ່ປ້ອງກັນອາກາດ 641, ໄດ້ມອບປື້ມວິທະຍານິພົນປະລິນຍາໂທວິຈິດສິນ ໃຫ້ຫໍສະໝຸດກອງທັບປະຊາຊົນລາວ, ກ່າວຮັບໂດຍ ສະຫາຍ ພັ.ທ ນ. ຄູນທອງ ທຳມະວົງ ຄະນະອຳນວຍການຫໍສະໝຸດກອງທັບ. ປື້ມທີ່ນຳມາມອບໃນຄັ້ງນີ້ແມ່ນເພື່ອປະກອບສ່ວນເຂົ້າໃນການສົ່ງເສີມການອ່ານ, ການຄົ້ນຄ້ວາໃນກອງທັບໃຫ້ກ້ວາງຂວາງ ເພື່ອເຮັດໃຫ້ຫໍສະໝຸດມີຜະລິດຕະພັນທີ່ອຸດົມສົມບູນ ແລະ ເພື່ອເຮັດໃຫ້ພະນັກງານ - ນັກຮົບໄດ້ເຂົ້າເຖິງແຫຼ່ງຂໍ້ມູນຂ່າວສານດ້ວຍຫຼາຍຊ່ອງທາງ.