ພະແນກສະຫະພັນແມ່ຍິງ ກົມໃຫຍ່ການເມືອງກອງທັບ ເຄື່ອນໄຫວຊຸກຍູ້ການປະຕິບັດຂໍ້ແຂ່ງຂັນ 3 ດີ ຢູ່ໜວ່ຍສະຫະພັນແມ່ຍີງ ຫໍສະໝຸດກອງທັບ

ໃນເວລາ 13:30 ຂອງວັນທີ່ 14 ກໍລະກົດ 2025 ນີ້, ທີ່ຫໍສະໝຸດກອງທັບ, ໄດ້ຕ້ອນຮັບພະແນກສະຫະພັນແມ່ຍີງ ຫ້ອງການເມືອງ ກົມໃຫ່ຍການເມືອງກອງທັບ ລົງມາເຄື່ອນໄຫວຊຸກຍູ້ຂະບວນການປະຕິບັດຂໍ້ແຂ່ງຂັນ 3 ດີ ຢູ່ໜວ່ຍສະຫະພັນແມ່ຍີງຫໍສະໝຸດກອງທັບ. ໂດຍການໃຫ້ກຽດເປັນປະ ທານຮວ່ມຂອງສະຫາຍ ພັທ ນ. ຄູນທອງ ທໍາມະວົງ ຮັກສາການອໍານວຍການຫໍສະໝຸດກອງທັບ ຜູ້ຊີ້ນຳວຽກງານອົງການຈັດຕັ້ງມະຫາຊົນ ແລະ ສະຫາຍ ພັຕ ນ. ມະໂນລັກ ປັນຍາທອງ ຫົວໜ້າພະແນກສະຫະພັນແມ່ຍີງ ຫ້ອງການເມືອງ ກົມໃຫ່ຍການເມືອງກອງທັບ ພ້ອມດ້ວຍສະມາຊິກສະຫະ ພັນແມ່ຍິງຫໍສະໝຸດກອງທັບເຂົ້າຮ່ວມຢ່າງພ້ອມພຽງ.

  ພາຍຫຼັງພິທີເຂົ້າສູ່ຄວາມເປັນລະບຽບຮຽບຮ້ອຍແລ້ວ ສະຫາຍ ພັຕ ນ. ແກ່ນສີ ຄຳພາວົງ ເລ ຂາໜວ່ຍ ສະຫະພັນແມ່ຍິງ ຫໍສະໝຸດກອງທັບ ໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ໃນໄລຍະ 1 ປີ ຜ່ານມາ ແລະ ວາງທິດທາງແຜນການປະຈຳປີ 2026. ຄະນະໜວ່ຍສະຫະພັນແມ່ຍິງ ໄດ້ເອົາໃຈໃສສຶກສາອົບຮົມການເມືອງ-ແນວຄິດ ໃຫ້ສະຫະພັນແມ່ຍີງ ມີທັດສະນະຫຼັກໝັ້ນ, ປະຕິບັດຂໍ້ກຳນົດ, ກົດລະບຽບຂອງກອງທັບ, ຕາມແຜນງານພັດທະນາແມ່ຍິງ ກົມໃຫ່ຍການເມືອງກອງທັບວາງອອກ 10 ແຜນງານ 29 ໂຄງການ, ຍົກສູງຄວາມຮັບຜິດຊອບຕໍ່ໜ້າທີ່ວຽກງານທີ່ໄດ້ຮັບການມອບໝາຍໃຫ້ເປັນຢ່າງດີ. ເຊີ່ງພາຍໃນໜ່ວຍສະຫະພັນແມ່ຍິງ ຫໍສະໝຸດກອງທັບ ມີສະມາຊິກສະຫະພັນແມ່ຍິງ ທັງໝົດ 22 ສະຫາຍ ເຊິ່ງໄດ້ແບ່ງອອກເປັນ 3 ຈຸ ແລະ ຈາກຜົນງານດັ່ງກ່າວ ສາມາດຄັດເລືອກໄດ້ແມ່ຍິງ 3 ດີດັ່ງນີ້. ພົນລະເມືອງດີ ຈຳນວນ 22 ສະຫາຍ ກວມເອົາ 100%, ພັດທະນາດີ ຈຳນວນ 22 ສະຫາຍ ກວມເອົາ 95% , ຄອບຄົວດີ ຈຳນວນ 22 ສະຫາຍ ກວມເອົາ 98%, ບຸກຄົນ 3 ດີປະເພດ I ໄດ້ 22 ສະຫາຍ.

ຈາກນັ້ນ ສະມາຊິກໃນໜ່ວຍກກໍ່ໄດ້ປະກອບຄໍາເຫັນເພີມ ເພື່ອໃຫ້ບົດສະຫຼຸບ ແລະ ທິດທາງແຜນການມີເນື້ອໃນຄົບຖ້ວນຂື້ນຕື່ມ.

  ຕໍ່ມາ ສະຫາຍ ພັຕ ນ. ມະໂນລັກ ປັນຍາທອງ ຫົວໜ້າພະແນກສະຫະພັນແມ່ຍີງ ກົມໃຫ່ຍການເມືອງກອງທັບ ກໍ່ໄດ້ໃຫ້ທິດຊີ້ນຳເພີ່ມເພື່ອໃຫ້ການຈັດຕັ້ງປະຕິບັດວຽກງານແຂ່ງຂັນ 3 ດີໄດ້ຮັບຜົນດີກວ່າເກົ່າ.

    ສະຫາຍ ພັທ ນ. ຄູນທອງ ທຳມະວົງ ຮັກສາການອໍານວຍການຫໍສະໝຸດກອງທັບ ປະທານປະຊຸມ ກໍ່ໄດ້ໃຫ້ກຽດຂື້ນໂອລົມ ເຊີ່ງໄດ້ຍ້ອງຍໍ້ຊົມເຊີຍຕໍ່ຜົນງານທີ່ໜ່ວຍສະຫະພັນແມ່ຍິງ ຫໍສະໝຸດກອງທັບຍາດມາໄດ້ໃນໄລຍະຜ່ານມາ ພ້ອມນັ້ນ ສະຫາຍກໍ່ໄດ້ຍົກໃຫ້ເຫັນຫຼາຍບັນຫາທີ່ສຳຄັນ. ຈາກນັ້ນ ສະຫາຍໄດ້ຢັ້ງຢືນເຖິງຜົນງານຂອງໜ່ວຍສະຫະພັນແມ່ຍິງ ຫໍສະໝຸດກອງທັບ ຕໍ່ຄະນະກວດກາ ແລະ ສະເໜີຂັ້ນເທີງຂໍຮັບຮອງເປັນໜ່ວຍ 3 ດີ ສະໄໝທີ່ 5 ແລະ ສະຫາຍຍັງໄດ້ຮຽກຮ້ອງໃຫ້ເອື້ອຍນ້ອງສະຫະພັນແມ່ຍິງປະຕິບັດຕາມແຜນການທີ່ວາງໄວ້, ເອົາໃຈໃສປະຕິບັດໜ້າທີ່ວຽກງານໃຫ້ມີຜົນສຳ ເລັດ ແລະ ພ້ອມກັນຮັກສາມູນເຊື້ອຂອງໜ່ວຍ ແລະ ກົມກອງຕະຫຼອດໄປ.