ພະແນກປະຫວັດສາດ ຫ້ອງອົບຮົມຄົ້ນຄ້ວາວິທະຍາສາດ ໂຮງໝໍສູນກາງ 103 ມາແລກປ່ຽນບົດຮຽນ ກັບ ຫໍສະໝຸດກອງທັບ.

  ໃນຕອນເຊົ້າຂອງວັນທີ່ 22 ສີງຫາ 2024 ທີ່ຫ້ອງສະໝຸດກອງທັບ ໄດ້ຕ້ອນຮັບພະນັກງານ ມາຈາກ ຫ້ອງສະໝຸດ ໂຮງໝໍສູນກາງ 103 ມາແລກປ່ຽນບົດຮຽນ ນຳຫໍສະໝຸດກອງທັບ, ນຳໂດຍສະຫາຍ ພັທ ນ. ມະໄລພອນ ອໍລະໄມ ຫົວໜ້າພະແນກປະຫວັດສາດ ພ້ອມດ້ວຍຄະນະ, ໃຫ້ກຽດຕ້ອນຮັບໂດຍ ທ່ານ ພັທ ນ.​ຄູນທອງ ທຳມະວົງ ຮອງອຳນວຍການຫໍສະໝຸດກອງທັບ ພ້ອມດວ້ຍຄະນະ ແລະ ມີຫົວໜ້າພະແນກທີ່ກ່ຽວຂ້ອງເຂົ້າຮວ່ມ.

   ໃນເບື້ອງຕົ້ນ ທ່ານ ນ. ມະໄລພອນ ອໍລະໄມ ຫົວໜ້າພະແນກປະຫວັດສາດ ໄດ້ກ່າວຈຸດປະສົງ ໃນການລົງມາແລກປ່ຽນບົດຮຽນ ແມ່ນຂໍເບີ່ງພາບລວມໃນການຈັດປື້ມ ການບໍລິຫານຫໍສະໝຸດເບື້ອງຕົ້ນ ແລະ ສະເໜີບາງບັນຫາເພື່ອແລກປ່ຽນຄຳຄິດເຫັນ. ຈາກນັ້ນ ທ່ານ ພັທ ນ. ຄູນທອງ ທຳມະວົງ ຮອງອຳນວຍການຫໍສະໝຸດກອງທັບ ກໍ່ໄດ້ກ່າວຍີນດີຕ້ອນຮັບ ແລະ ມີຄຳເຫັນຊີ້ແຈງຕາມຄຳສະເໜີ ພ້ອມທັງລາຍງານການເຄື່ອນໄຫວວຽກງານຫໍສະໝຸດໂດຍຫໍ້ຍ ໃນໄລຍະຜ່ານມາ ແລະ ກໍ່ໄດ້ປຶກສາຫາລືກັນ ເພື່ອຈະໄດ້ປັບປຸງຊຸກຍູ້ຫ້ອງສະໝຸດ ໃຫ້ພັດທະນາກ້າວໜ້າຂື້ນເລື່ອຍໆ ຫຼັງຈາກນັ້ນ ຫໍສະໝດກອງທັບກໍ່ໄດ້ມອບປື້ມຈຳນວນ 43 ຫົວ ມູນຄ່າ 2,365,000 ກີບ ໃຫ້ກັບຫ້ອງສະໝຸດ ໂຮງໝໍສູນກາງ 103 ເພື່ອເປັນການປະກອບສວ່ນ ໃນການສົ່ງເສີມການອ່ານໃຫ້ ພະນັກງານ - ນັກຮົບໄດ້ຊອກຮູ້ຮ່ໍາຮຽນຫຼາຍຂື້ນ.