ພະເເນກຊາວໜຸ່ມ ກົມໃຫຍ່ການເມືອງກອງທັບ ລົງຊຸກຍູ້ການຈັດຕັ້ງປະຕິບັດ

ຂໍ້ເເຂ່ງຂັນຊາວໜຸ່ມ 04 ບຸກ ຂອງໜ່ວຍຊາວໜຸ່ມຫໍສະໝຸດກອງທັບ ປະຈຳປີ 2024.

      ໃນເວລາ 14:00’ ຂອງແລງວັນທີ່ 30 ພຶດສະພາ 2024, ທີ່ຫ້ອງປະຊຸມຊັ້ນ II ຫໍສະໝຸດກອງທັບໄດ້ມີກອງປະຊຸມປະເມີນການຈັດຕັ້ງປະຕິບັດຂໍ້ແຂ່ງຂັນຊາວໜຸ່ມ 04 ບຸກຂຶ້ນ.

    ໂດຍການໃຫ້ກຽດເປັນປະທານຂອງ ສະຫາຍ ພັ.ທ ນ. ຄູນທອງ ທຳມະວົງ ຮອງອຳນວຍການຫໍສະໝຸດກອງທັບ ຜູ້ຊີ້ນຳອົງການຈັດຕັ້ງມະຫາຊົນ ແລະ ພັນໂທ ຈັນນະຄອນ ອາດສະໝຸດ ຫົວໜ້າພະເເນກຊາວໜຸ່ມ ກົມໃຫ່ຍການເມືອງກອງທັບ.

   ໃນພິທີ ສະຫາຍ ຮ້ອຍເອກ​ ນ.​ພົນເມກ​ ດາລາວົງ ເລຂາໜ່ວຍຫໍສະໝຸດກອງທັບ ໄດ້ຂື້ນຜ່ານບົດສະຫລຸບການຈັດຕັ້ງປະຕິບັດເນື້ອໃນຂໍ້ເເຂ່ງຂັນຊາວໜຸ່ມ 04 ບຸກປະຈຳປີ 2024 ຂອງໜ່ວຍຊາວໜຸ່ມຫໍສະໝຸດກອງທັບ.

        ຈາກນັ້ນ ສະຫາຍ ພັນໂທ ຈັນນະຄອນ ອາດສະໝຸດ ຫົວໜ້າພະເເນກຊາວໜຸ່ມ ກົມໃຫ່ຍການເມືອງກອງທັບ ກໍ່ໄດ້ຂຶ້ນກ່າວຄຳເຫັນຍັ້ງຍືນຕໍ່ການປະເມີນຄຸນນະພາບຂອງສະມາຊິກຊາວໜຸ່ມໃນໜ່ວຍເຫັນວ່າມີຄວາມເຫັນດີເໝາະສົມຕາມການສະຫຼຸບຂອງສະຫາຍເລຂາໜ່ວຍ.

    ເພື່ອເຮັດໃຫ້ກອງປະຊຸມມີເນື້ອໃນຄວາມໝາຍສຳຄັນສະຫາຍ ພັ.ທ ນ. ຄູນທອງ ທຳມະວົງ ຮອງອຳນວຍການຫໍສະໝຸດກອງທັບ ປະທານກອງປະຊຸມ ກໍ່ໄດ້ໃຫ້ກຽດຂຶ້ນມີຄຳເຫັນໂອ້ລົມເຊິ່ງສະຫາຍໄດ້ຍົກໃຫ້ເຫັນຫຼາຍບັນຫາທີ່ສຳຄັນ, ສະຫາຍຍັງໄດ້ຍ້ອງຍໍຊົມເຊີຍຕໍ່ຜົນງານທີ່ໜ່ວຍຊາວໜຸ່ມຍາດມາໄດ້ຈາກນັ້ນ ສະຫາຍກໍ່ໄດ້ຍົກໃຫ້ເຫັນບາງບັນຫາທີ່ຄວນເອົາໃຈໃສ່. ຕອນທ້າຍ ສະຫາຍໄດ້ຍັ້ງຍືນຕໍ່ການປະເມີນຄຸນນະພາບຂອງໜ່ວຍຊາວໜຸ່ມເຫັນວ່າເໝາະສົມຕາມຄວາມເປັນຈິງ.

   ຕໍ່ມາສະຫາຍ ພະນັກງານວິຊາການຂອງພະແນກຊາວໜຸ່ມກໍ່ໄດ້ຂຶ້ນຜ່ານບົດບັນທຶກຜົນຂອງກອງປະຊຸມ. ກອງປະຊຸມໄດ້ອັດລົງໃນເວລາ 15:00’ ຂອງແລງວັນດຽວກັນນີ້ດ້ວຍຜົນສຳເລັດອັນຈົບງາມ.