ສະຫາຍ ພັນໂທ ສິດທິພອນ ຫລ້າບຸນມີ ຫົວໜ້າພະແນກຂ່າວເສດຖະກິດ - ວັດທະນາທຳສັງຄົມ ໜັງສືພິມກອງທັບປະຊາຊົນລາວ ໄດ້ມອບປື້ມ ໃຫ້ຫໍສະໝຸດກອງທັບປະຊາຊົນລາວ. 

      ສະຫາຍ ພັນໂທ ສິດທິພອນ ຫລ້າບຸນມີ ຫົວໜ້າພະແນກຂ່າວເສດຖະກິດ - ວັດທະນາທຳສັງຄົມ ໜັງສືພິມກອງທັບປະຊາຊົນລາວ, ໄດ້ມອບປື້ມເພີ່ມທະວີການສຶກສາອົບຮົມການເມືອງ-ແນວຄິດໃຫ້ພະນັກງານ-ນັກຮົບ ຢູ່ເຫຼົ່າຮົບທະຫານຊາຍແດນກອງທັບປະຊາຊົນລາວໃຫ້ຫໍສະໝຸດກອງທັບປະຊາຊົນລາວ.

ໃນຕອນເຊົ້າຂອງວັນທີ 20 ກຸມພາ 2024 ນີ້, ສະຫາຍ ພັນໂທ ສິດທິພອນ ຫລ້າບຸນມີ ຫົວໜ້າພະແນກຂ່າວເສດຖະກິດ - ວັດທະນາທຳສັງຄົມ ໜັງສືພິມກອງທັບປະຊາຊົນລາວ,ໄດ້ມອບປື້ມເພີ່ມທະວີການສຶກສາອົບຮົມການເມືອງ-ແນວຄິດໃຫ້ພະນັກງານ-ນັກຮົບ ຢູ່ເຫຼົ່າຮົບທະຫານຊາຍແດນກອງທັບປະຊາຊົນລາວໃຫ້ຫໍສະໝຸດກອງທັບປະຊາຊົນລາວ, ກ່າວຮັບໂດຍ ສະຫາຍ ພັ.ຕ ນະພາພອນ ທຳມະສອນຫົວໜ້າຂະແໜງຢືມ - ສົ່ງປື້ມ ຫໍສະໝຸດກອງທັບປະຊາຊົນລາວ. ປື້້ມທີ່ນຳມາມອບໃນຄັ້ງນີ້ແມ່ນເພື່ອປະກອບສ່ວນເຂົ້າໃນການສົ່ງເສີມການອ່ານ, ການຄົ້ນຄ້ວາໃນກອງທັບໃຫ້ກ້ວາງຂວາງ ເພື່ອເຮັດໃຫ້ຫໍສະໝຸດມີຜະລິດຕະພັນທີ່ອຸດົມສົມບູນ ແລະ ເພື່ອເຮັດໃຫ້ພະນັກງານ - ນັກຮົບໄດ້ເຂົ້າເຖິງແຫຼ່ງຂໍ້ມູນຂ່າວສານດ້ວຍຫຼາຍຊ່ອງທາງ.