ພິທີແລກປ່ຽນບົດຮຽນລະຫວ່າງ ຫໍສະໝຸດກອງທັບ ກັບ ກົມວັນນະຄະດີ ແລະ ພີມຈຳໜ່າຍ 

  ໃນຕອນເຊົ້າຂອງວັນທີ່ 23 ກໍລະກົດ 2024 ຢູ່ທີ່ຫໍສະໝຸດກອງທັບ, ໄດ້ມີພິທີຕ້ອນຮັບ ແລະ ເຮັດວຽກຮວ່ມກັບພາກສວ່ນ ກົມວັນນະຄະດີ ແລະ ພີມຈຳໜ່າຍ ກະຊວງຖະແຫຼ່ງຂ່າວວັດທະນະທຳ ແລະ ທ່ອງທ່ຽວ ນຳໂດຍ ທ່ານ ນ. ພວງວັນ ພົມມີໄຊ ຮອງຫົວໜ້າກົມ ວັນນະຄະດີ ແລະ ພີມຈຳໜ່າຍ ເປັນຫົວໜ້າຄະນະ ພ້ອມດ້ວຍພະນັກງານຈຳນວນໜື່ງ. ໃຫ້ກຽດຕ້ອນຮັບໂດຍ ທ່ານ ພັອ ວຽງທອງ ວີດພາວົງ ອຳນວຍການຫໍສະໝຸດກອງທັບ ພ້ອມດວ້ຍຄະນະ, ມີບັນດາ ຫົວໜ້າພະແນກທີ່ກຽ່ວຂ້ອງເຂົ້າຮວ່ມ.

  ໃນເບື້ອງຕົ້ນ ທ່ານ ນ. ພວງວັນ ພົມມີໄຊ ຮອງຫົວໜ້າກົມ ວັນນະຄະດີ ແລະ ພີມຈຳໜ່າຍ ໄດ້ຂື້ນກວ່າຈຸດປະສົງໃນການລົງມາເຮັດວຽກແລກປ່ຽນບົດຮຽນ, ເກັບກຳສະຖິຕິຫ້ອງສະໝຸດ, ປັບປຸງກົດໝາຍວ່າດ້ວຍຫໍສະໝຸດ, ກະກຽມເປີດກອງປະຊຸມສະມາຄົມຫໍສະໝຸດທົ່ວປະເທດ ແລະ ສະເໜີບາງບັນຫາເພື່ອແລກປ່ຽນຄຳຄິດເຫັນ. ຈາກນັ້ນ ທ່ານ ພັອ ວຽງທອງ ວີດພາວົງ ອໍານວຍການຫໍສະໝຸດກອງທັບ ກໍ່ໄດ້ຂຶື້ນກ່າວຕ້ອນຮັບ ແລະ ມີຄຳເຫັນຊີ້ແຈ້ງຕາມຄຳສະເໜີ ພ້ອມທັງລາຍງານການເຄື່ອນໄຫວວຽກງານຫໍສະໝຸດຢູ່ໃນກອງທັບ ໃນໄລຍະຜ່ານມາມີຫຼາຍອັນທີ່ພົນເດັ່ນ ແລະ ເຕີບໃຫ່ຍຂະຫຍາຍຕົວເປັນກ້າວໆມາ. ຫຼັງຈາກນັ້ນ ທ່ານ ນ. ພວງວັນ ພົມມີໄຊ ຮອງຫົວໜ້າກົມວັນນະຄະດີ ແລະ ພີມຈຳໜ່າຍ ກໍ່ໄດ້ມີການມອບປື້ມຈຳນວນໜື່ງໃຫ້ຫໍສະໝຸດກອງທັບ ທັ້ງນີ້ເພື່ອເປັນການປະກອບສວ່ນໃຫ້ ຫໍສະໝຸດກອງທັບໄດ້ມີຄວາມອຸດົມສົມບູນທາງດ້ານສັບພະຍາກອນປື້ມອ່ານ ໄວ້ບໍລິການແຂກເຂົ້າມາອ່ານ ແລະ ຄົ້ນຄວ້າຮໍ່າຮຽນ.