ພິທີເປີດຊຸດຝຶກອົບຮົມວຽກງານຫໍສະໝຸດກອງທັບໃຫ້ແກ່ພະນັກງານຫໍສະໝຸດວິທະຍາຄານນາຍທະຫານບົກກົມມະດຳ

ວັນ​ທີ່ 5/6/2023 ທີ່​ຫໍສະໝຸດກອງທັບ​ໄດ້​ມີ​ພິ​ທີ​ເປີດ​ຊຸດ​ຝຶກ​ອົບ​ຮົມ​ວຽກ​ງານ​ຫໍ​ສະ​ໝຸດໄລຍະສັ້ນ​ໃຫ້​ແກ່​ພະ​ນັກ​ງານ​ຫໍ​ສະ​ໝຸດວິທະຍາຄານນາຍທະຫານບົກກົມມະດຳ​ ເລີ່ມ​ແຕ່​ວັນ​ທີ່ 5-9/6/2023 ເປັນ​ກຽດ​ເຂົ້າ​ຮ່ວມ​ມີ​ທ່ານ ພັ/ອ ວຽງທອງ ວິດພາວົງ ​ອຳ​ນວຍ​ການ​ຫໍ​ສະ​ໝຸດກອງ​ທັບ ພ້ອມ​ດ້ວຍ​ພະ​ນັກ​ງານ​​ຫໍສະໝຸດກອງທັບ ພາຍຫຼັງ​ພິ​ທີ​ເຂົ້າ​ສູ່​ຄວາມ​ເປັນ​ລະ​ບຽບ​ຮຽບ​ຮ້ອຍ​ແລ້ວ ສະ​ຫາຍ​ ພັ/ອ ວຽງທອງ ວິດພາວົງ ​ອຳ​ນວຍ​ການ​ຫໍ​ສະ​ໝຸດກອງ​ທັບ ​ກໍ່​ໄດ້​ຂື້ນ​ກ່າວ​ເປີດ​ພິ​ທີ​ຢ່າງ​ເປັນ​ທາງ​ ແລະ ຍັງໄດ້ກ່າວຕື່ມອີກວ່າ: ການຝຶກອົບຮົມໃນຄັ້ງນີ້ ເປັນບາດກ້າວໜຶ່ງເພື່ອຍົກລະດັບວຽກງານວິຊາສະເພາະຫໍສະໝຸດກອງທັບໃຫ້ມີຄວາມຊຳນິຊຳນານໂດຍສະເພາະແມ່ນ ວິທີການພິມກາໝາຍໃຫ້ແກ່ຜະລິດຕະພັນ, ວິທີສ້າງບາໂຄດບັດເພື່ອນນັກອ່ານ, ວິທີອັບເດດໂປຣແກຣມອິນໂຟລິບ ແລະ ກວດກາແກ້ໄຂເຕັກນິກລະບົບໂປຣແກຣມ.ພ້ອມນັ້ນ ເພື່ອເຮັດໃຫ້ກົມກອງກໍ່ຄືການຄຸ້ມຄອງ ແລະ ການບໍລິການຫ້ອງສະໝຸດຮັບປະກັນສະໜອງຂໍ້ມູນຂ່າວສານໃຫ້ນາຍ ແລະພົນທະຫານໄດ້ສຶກສາຄົ້ນຄ້ວາທົ່ວເຖິງ.