​ພິ​ທີເປີດຂະບວນການແຂ່ງຂັນນັກຮ້ອງສຽງດີຂອງໝ່ວຍສະຫະພັນແມ່ຍິງ - ຊາວໜຸ່ມຫໍສະໝຸດກອງທັບ

   ໃນວັນທີ 30 ມີຖຸນາ 2023, ທີສະໂມສອນຫໍສະໝຸດກອງທັບໄດ້ຈັດຕັ້ງເປີດຂະບວນການແຂ່ງຂັນນັກຮ້ອງສຽງດີຂອງໝ່ວຍສະຫະພັນແມ່ຍິງ - ຊາວໜຸ່ມຫໍສະໝຸດກອງທັບ ເພື່ອຂຳນັບຮັບຕ້ອງກອງປະຊຸມໃຫຍ່ຄັ້ງທີ III ຂອງໜ່ວຍພັກ, ກອງປະຊຸມໃຫຍ່ຄັ້ງທີ IV ຂອງໜ່ວຍຊາວໜຸ່ມ ຫໍສະໝຸດກອງທັບ ແລະ ວັນສ້າງຕັ້ງສະຫະພັນແມ່ຍິງລາວຄົບຮອບ 68 ປີ ທີ່ໄກ້ຈະມາເຖິງໃຫ້ມີບັນຍາກາດຝົດຟື້ນມ່ວນຊີື່ນ.

   ໃຫ້ກຽດເຂົ້າຮ່ວມມີ ສະຫາຍ ພັ.ທ ນ ຄູນທອງ ທຳມະວົງ ຮອງອຳນວຍການຫໍສະໝຸກອງທັບ ເປັນປະທານ (ກ່າວເປີດພິທີ), ມີ ສະຫາຍ ພັ.ທ ຈັນນະຄອນ ອາດສະໝຸດ ຫົວໜ້າພະແນກຊາວໜຸ່ມຫ້ອງການເມືອງກົມໃຫຍ່ການເມືອງກອງທັບ, ມີ ພັ.ຕ ນ ມະ​ໂນ​ລັກ ປັນ​ຍາ​ທອງ ຫົວໜ້າພະແນກແມ່ຍິງຫ້ອງການເມືອງກົມໃຫຍ່ການເມືອງກອງທັບ ພ້ອມດ້ວຍບັນດາສະຫາຍ ສະມາຊິກຊາວໜຸ່ມ ແມ່ຍິງຫໍສະໝຸດເຂົ້າຮ່ວມຢ່າງພ້ອມພຽງ.

   ໂອກາດດັ່ງກ່າວ ສະຫາຍ ພັ.ຕ ນ ແກ່ນສີ ຄຳພາວົງ ເລຂາໜ່ວຍແມ່ຍິງ ຫໍສະໝຸດກອງທັບຂື້ນຜ່ານ ແຜນການ, ເຜີຍແຜ່ລະບຽບຂອງການແຂ່ງຂັນ, ພິທີດັ່ງກ່າວຍັງໄດ້ຮັບຊົມການສະແດງບົດຟ້ອນ ມາດຖານລຳວົງລາວ, ບົດເຕັ້ນ ບາສະລົບ ແລະ ຮັບຟັງການຮ້ອງເພງ, ປິດທ້າຍພິທີ.