ພິທີມອບ-ຮັບປື້ມລະຫວ່າງສຳນັກພິມ-ຈັດຈຳໜ່າຍປື້ມແຫ່ງລັດ ແລະ ຫ້ອງການກົມໃຫ່ຍການເມືອງກອງທັບ ກັບ ຫໍສະໝຸດກອງທັບ. 

     ໃນເວລາ 9:00 ຂອງວັນທີ່ 29 ພຶດສະພາ 2024 ທີ່ຫ້ອງປະຊຸມຊັ້ນ II ຫໍສະໝຸດກອງທັບ. ໄດ້ມີ ພິທີມອບ-ຮັບປື້ມລະຫວ່າງ ສຳນັກພິມ-ຈັດຈຳໜ່າຍປື້ມແຫ່ງລັດ  ແລະ  ຫ້ອງການກົມໃຫ່ຍການເມືອງກອງທັບ ກັບ ຫໍສະໝຸດກອງທັບ. ໂດຍໃຫ້ກຽດເຂົ້າຮວ່ມເປັນປະທານຮວ່ມຂອງ ທ່ານ ໄຊຍະພອນ ອານຸລາດ ຄະນະກະຊວງທະແຫຼ່ງຂ່າວ-ວັດທະນາທຳ ແລະ ທ່ານ ພັອ ວຽງທອງ ວິດພາວົງ ອຳນວຍການຫໍສະໝຸດກອງທັບ. ພາຍຫຼັງພິທີໄດ້ກ້າວເຂົ້າສູ່ຄວາມເປັນລະບຽບຮຽບຮ້ອຍແລ້ວ. ທ່ານ ໄຊຍະພອນ ອານຸລາດ ແລະ ທ່ານ ພັອ ວັນໄຊ ຄຳພາວົງ ຮອງຫົວໜ້າຫ້ອງການກົມໃຫ່ຍການເມືອງກອງທັບ ກໍ່ໄດ້ໃຫ້ກຽດກ່າວມອບ. ປື້ມທີ່ນຳມາມອບໃນຄັ້ງນີ້ລ້ວນແຕ່ມີຄຸນຄ່າ ແລະ ມີຄວາມສຳຄັນຫຼາຍ, ຈາກນັ້ນກໍ່ໄດ້ມີການມອບ-ຮັບປື້ມຈາກ 2 ພາກສວ່ນທີ່ກ່າວມາຂ້າງເທີງ ເຊີ່ງມີປື້ມຈຳນວນ 298 ຫົວ. ລວມມູນຄ່າ 25 ລ້ານກ່າວກີບ, ຕໍ່ມາທ່ານ ພັທ ໄຊຊະນະ ສະເຫຼີມສັກ ຮອງຫົວໜ້າກົມໂຄສະນາອົບຮົມກົມໃຫ່ຍການເມືອງກອງທັບ ກໍ່ໄດ້ໃຫ້ກຽດຂື້ນມອບໃບສົມມະນາຄຸນ ໃຫ້ແກ່ ສຳນັກພິມ-ຈັດຈຳໜ່າຍປື້ມແຫ່ງລັດ ເພື່ອເປັນການສະແດງຄວາມຂອບໃຈ ແລະ ຮູ້ບຸນຄູນຕໍ່ພາກສວ່ນດັ່ງກ່າວ.

   ຫຼັງຈາກນັ້ນ ທ່ານ ພັອ ວຽງທອງ ວິດພາວົງ ອຳນວຍການຫໍສໝຸດກອງທັບ ກໍ່ໄດ້ຂື້ນກ່າວສະແດງຄວາມຂອບໃຈຕໍ່ການມາມອບປື້ມຈາກ 2 ພາກສວ່ນດັ່ງກ່າວ. ພິທີໄດ້ສຳເລັດລົງໃນເວລາ 10:30 ຂອງເຊົ້າວັນດຽວກັນ ຢ່າງມີເນື້ອໃນຄວາມໝາຍສຳຄັນຢ່າງເລີກເຊີ່ງ.