ພິທີມອບ-ຮັບປື້ມ ລະຫວ່າງຫໍສະໝຸດກອງທັບ - ກອງວິທະຍຸກະຈາຍສຽງກອງທັບ.   

     ໃນເວລາ 14:00 ຂອງວັນທີ່ 25 ກັນຍາ 2025. ທີ່ຫໍສະໝຸດກອງທັບ. ໄດ້ມີພິທີມອບ-ຮັບປື້ມ ລະຫວ່າງຫໍສະໝຸດກອງທັບ - ກອງວິທະຍຸກະຈາຍສຽງກອງທັບ. ໂດຍການກ່າວມອບຂອງ ສະຫາຍ ພັທ ນ. ຄູນທອງທໍາມະວົງ ຜູ້ຮັກສາການອໍານວຍການຫໍສະໝຸດກອງທັບ. ເພື່ອໃຫ້ນັກຂ່າວວິທະຍຸກະ ຈາຍສຽງກອງທັບ ນໍາໄປຄົ້ນຄ້ວາຮັບໃຊ້ເຂົ້າໃນໜ້າທີ່ວຽກງານໃຫ້ມີປະສິດທິຜົນດີຂື້ນ ແລະ ກ່າວຮັບໂດຍ ສະຫາຍ ພັທ ສີສະໝອນ ແສນມິດ ຮອງຫົວໜ້າການເມືອງ ກອງວິທະຍຸກະຈາຍສຽງກອງທັບ ພ້ອມກ່າວສະແດງຄວາມຂອບໃຈ ຕໍ່ຫໍສະໝຸດກອງທັບ ທີ່ໄດ້ນໍາເອົາປື້ມທີ່ມີປະໂຫຍດມາມອບໃຫ້ແກ່ກອງວິທະຍຸກະຈາຍສຽງກອງທັບໃນຄັ້ງນີ້ ສະຫາຍ ຍັງໄດ້ໃຫ້ຄໍາໝັ້ນສັນຍາວ່າ ຈະພະຍາຍາມ ນໍາໃຊ້ໃຫ້ເກີດປະໂຫຍດໃນໜ້າທີ ແລະ ຊຸກຍູ້ພະນັກງານ-ນັກຮົບໃນກົມກອງເຂົ້າເຖີງຂໍ້ມູນຂ່າວສານຢ່າງທົ່ວເຖີງ, ປື້ມທີ່ນໍາມາມອບໃນຄັ້ງນີ້ ມີຈໍານວນ 33 ຫົວ, ມູນຄ່າ 1,385,000 ກີບ. ຈາກນັ້ນກອງວິທະຍຸກະຈາຍສຽງກອງທັບ ກໍ່ໄດ້ນໍາເອົາກະຕ່າຂອງຂັວນມອບໃຫ້ແກ່ ຫໍສະໝຸດກອງທັບເພື່ອເປັນການກ່າວຄໍາຂອບໃຈ ແລະ ຄໍາອວຍພອນ.

   ພິທີມອບ-ຮັບປື້ມໄດ້ສີ້ນສຸດລົງໃນເວລາ 15:00 ຂອງວັນດຽວກັນ ດ້ວຍບັນຍາກາດແຫ່ງຄວາມສາມັກຄີຮັກແພງລະຫວ່າງສອງກົມກອງ.