ພິທີມອບ - ຮັບປື້ມ ລະຫວ່າງ ທ່ານ ນ. ຈັນຖະໜອມ ມະໂນທໍາ - ຫໍສະໝຸດກອງທັບ.

   ໃນເວລາ 10:00 ຂອງເຊົ້າວັນທີ່ 9 ກໍລະກົດ 2024 ທີ່ຫໍສະໝຸດກອງທັບ ໄດ້ມີພິທີ່ມອບ-ຮັບປື້ມຂື້ນຢ່າງເປັນທາງການ ຈາກທ່ານ ນ. ຈັນຖະໜອມ ມະໂນທໍາ ອາດີດ ຫົວໜ້າຫ້ອງການ ກະຊວງສາທາລະນະສຸກ ແລະ ອາດີດຄະນະອຳນວຍການ ມະຫາວິທະຍາໄລການແພດສາດ.

   ໃຫ້ກຽດເຂົ້າຮວ່ມ ໂດຍທ່ານ ພັອ ວຽງທອງ ວິດພາວົງ ອໍານວຍການຫໍສະໝຸດກອງທັບ ພ້ອມດ້ວຍພະນັກງານຫໍສະໝຸດຈຳນວນໜື່ງ.

   ພາຍຫຼັງພິທີໄດ້ກ້າວເຂົ້າສູ່ຄວາມເປັນລະບຽບຮຽບຮ້ອຍແລ້ວ ສະຫາຍ ພັທ ນ. ຄູນທອງ ທໍາມະວົງ ຮອງອຳນວຍການຫໍສະໝຸດກອງທັບ ໃນນາມຄະນະຈັດຕັ້ງໄດ້ຮຽນເຊີນ ທ່ານ ນ. ຈັນຖະໜອມ ມະໂນທຳ ຂື້ນກວ່າມອບ ແລະ ນຳສະເໜີທີ່ມາຂອງປື້ມເຊີ່ງມີປື້ມທັງໝົດ 570 ຫົວ. ມູນຄ່າ 18,420,000 ກີບ.

   ຈາກນັ້ນ ທ່ານ ພັອ ວຽງທອງ ວີດພາວົງ ອໍານວຍການຫໍສະໝຸດກອງທັບ ກໍ່ໄດ້ຂື້ນກ່າວຮັບ ແລະ ສະແດງຄວາມຂອບໃຈຕໍ່ທ່ານ ນ. ຈັນຖະໜອມ ມະໂນທໍາ ພ້ອມຄອບຄົວລູກຫຼານທີ່ໄດ້ນໍາເອົາປື້ມທີ່ດີມີຄຸນຄ່າສູງເຊີ່ງແມ່ນຊັບສີນທັງປັນຍາ ນັບວ່າເປັນບຸນກຸສົນອັນຍີ່ງໃຫ່ຍ ນຳມາມອບໃຫ້ແກ່ຫໍສະໝຸດກອງທັບພວກເຮົາ ເພື່ອເປັນການປະກອບສວ່ນສ້າງໃຫ້ຫໍສະໝຸດກອງທັບ ໃຫ້ມີຄວາມເຕີບໃຫ່ຍຂະຫຍາຍຕົວຂື້ນເລື່ອຍໆ ພ້ອມນີ້ກໍ່ເພື່ອໃຫ້ພະນັກງານ-ນັກຮົບ ແລະ ປັນຍາຊົນທົ່ວໄປໄດ້ມາຄົ້ນຄວ້າສຶກສາຮໍ່າຮຽນ ຈາກນັ້ນທ່ານກໍ່ໄດ້ມອບໃບສົມມະນາຄຸນ ແລະ ກະຕ່າຂອງຂ້ວນໃຫ້ແກ່ທ່ານ ນ. ຈັນຖະໜອມ ມະໂນທຳ ເພື່ອສະແດງຄວາມຂອບໃຈ ພິທີໄດ້ສຳເລັດລົງໃນເວລາ 10:30 ຂອງເຊົ້າວັນດຽວກັນນີ້ຢ່າງມີຄວາມໝາຍສຳຄັນເລີກເຊີ່ງ.