ພິທີປິດຊຸດຝຶກອົບຮົມວຽກງານວິຊາສະເພາະໃຫ້ພະນັກງານຫໍສະໝຸດ ບັນດາກົມກອງອ້ອມຂ້າງກອງບັນຊາການທະຫານແຂວງຊຽງຂວາງ

  ໃນເວລາ 8:00 ຂອງເຊົ້າວັນທີ່ 17 ພຶດສະພາ 2024 ທີ່ຫ້ອງປະຊຸມຊັ້ນ II ຫ້ອງພະລາທິການ ກອງບັນຊາການທະຫານແຂວງຊຽງຂວາງ ໄດ້ມີ ພິທີປິດຊຸດຝຶກອົບຮົມລົງຢ່າງເປັນທາງການ ພາຍໃຕ້ການເປັນ ປະທານຮວ່ມ ຂອງທ່ານ ພັທ ນາງ ຄູນທອງ ທຳມະວົງ ຮອງອຳນວຍການຫໍສະໝຸດກອງທັບ ຫົວຫນ້າຄະນະບັ້ນຝຶກອົບຮົມ ແລະ ທ່ານ ພັອ ວົງສອນ ຢ່າຈົ່ງຕົວ ຫົວຫນ້າຫ້ອງການເມືອງ ຄະນະກອງບັນຊາການທະຫານແຂວງຊຽງຂວາງ, ມີຄະນະພັກ - ຄະນະບັນຊາ ກອງພັນໃຫ່ຍ 702, ກອງພັນໃຫ່ຍ 643 ແລະ ໂຮໝໍບໍລິເວນ 101, ພ້ອມພະນັກງານ - ຄູອາຈານ ແລະ ນັກສຳມະນາກອນ ຈຳນວນ 20 ກວ່າສະຫາຍກໍ່ມີໜ້າເຂົ້າຮວ່ມ.

     ພາຍຫຼັງພິທີໄດ້ກ້າວເຂົ້າສູ່ຄວາມເປັນລະບຽບຮຽບຮ້ອຍແລ້ວ ສະຫາຍ ສະຫວຽງ ຈັນທະວົງ ຄະນະຄູຝຶກກໍ່ໄດ້ຂື້ນຜ່ານບົດສະຫຼຸບບັ້ນຝຶກອົບຮົມໄລຍະສັ້ນ 01 ອາທິດ ເຊີ່ງດຳເນີນມາແຕ່ວັນທີ່ 13-17 / 05 / 2024.

ຈາກນັ້ນກໍ່ມີພິທີມອບໃບຢັ້ງຢືນໃຫ້ແກ່ ນັກສຳມະນາກອນ ຈຳນວນ 18 ສະຫາຍ ຈາກ 4 ກົມກອງຂ້າງເທີງ. ຕໍ່ມາກໍ່ໄດ້ມີພິທີມອບປື້ມໃຫ້ແຕ່ລະກົມກອງເຂົ້າຮວ່ມ, ຈາກນັ້ນພິທີໄດ້ຮັບຟັງການໃຫ້ກຽດໂອລົມ ສະແດງຄວາມຂອບໃຈຈາກ ທ່ານ ພັອ ວົງສອນ ຢ່າຈົ່ງຕົວ ຄະນະພັກ - ຄະນະບັນຊາ ກອງບັນຊາການທະຫານແຂວງຊຽງຂວາງ ແລະ ໄດ້ຮັບຟັງຄຳເຫັນໂອ້ລົມ, ກ່າວປິດພິທິຢ່າງເປັນທາງການຈາກ ທ່ານ ພັທ ນາງ ຄູນທອງ ທຳມະວົງ ຮອງອຳນວຍການກໍສະໝຸດກອງທັບ ຫົວຫນ້າຄະນະຊີ້ນຳບັ້ນຝຶກອົບຮົມ. ພິທີໄດ້ປິດລົງດ້ວຍຜົນສຳເລັດອັນສະຫາ່ງງາມຢໃນເວລາ 9:30 ຂອງເຊົ້າວັນດຽວກັນນີ້ ຢ່າງມີເນື້ອໃນຄວາມໝາຍສຳຄັນຢ່າງເລີກເຊີ່ງ.