ມອບປື້ມນະວະນິຍາຍອີງປະຫວັດສາດຍຸດທະການ ປຶ້ມວັນນະຄະດີລ້ານຊ້າງ ແລະ ປຶ້ມອື່ນໆ ໃຫ້ຫໍສະໝຸດກອງທັບ 

      ໃນວັນທີ 7 ກຸມພາ 2024 ນີ້, ທ່ານ ແສງຈັນ ສຸຂະເສມ ນັກປະພັນ ສັງກັດ ສະມາຄົມນັກປະພັນລາວ ໄດ້ນໍາເອົາປຶ້ມ ນະວະນິຍາຍອີງປະຫວັດສາດຍຸດທະການ: ຍຸດທະການຫັກປີກແມງປໍ ລາມເຊິນ 719 ມາມອບໃຫ້ ຫໍສະໝຸດກອງທັບ ແລະ ກອງບັນນາທິການ ໜັງສືພິມກອງທັບ ກອງລະ 20 ຫົວ (ລວມມູນຄ່າ 3.600.000 ກີບ), ໂດຍການກ່າວຮັບຂອງ  ສະຫາຍ ພັນເອກ ວຽງທອງ ວິດພາວົງ ອໍານວຍການຫໍສະໝຸດກອງທັບ ແລະ ສະຫາຍ ພັນເອກ ຄໍາສາວ ແກ້ວວິເສດ ຫົວໜ້າບັນນາທິການໜັງສືພິມກອງທັບ.

ໂອກາດດຽວກັນນີ້, ສະຫາຍ ພັນໂທ ຄໍາແສນ ສຸວັນນະຜ່ອງໃສ ຮອງຫົວໜ້າບັນນາທິການ ວາລະສານປ້ອງກັນຊາດ ຕາງໜ້າໃຫ້ ພະອາຈານ ໄພວັນ ມາລາວົງ ໄດ້ນໍາເອົາປຶ້ມ ວັນນະຄະດີລ້ານຊ້າງ ແລະ ປຶ້ມອື່ນໆ ຈໍານວນໜຶ່ງ ມາມອບໃຫ້ຫໍສະໝຸດກອງທັບ ຕື່ມອີກ ເຊີ່ງການມອບປຶ້ມໃນຄັ້ງນີ້ ເປັນປະກອບສ່ວນສໍາຄັນ ເພື່ອໃຫ້ພະນັກງານ-ນັກຮົບ ໄດ້ນໍາໄປຄົ້ນຄວ້າ ແລະ ໝູນໃຊ້ເຂົ້າໃນການປະຕິບັດໜ້າທີ່ວິຊາສະເພາະຂອງຕົນ.