ທ່ານ ພັນໂທ ສົມສັກ ວົງສະຫງ່າ ໄດ້ນຳເອົາປື້ມຄູ່ມືອາຊີບແລະປື້ມແບບຮຽນ ມາມອບໃຫ້ຫໍສະໝຸດກອງທັບ

ຍ້ອນເຫັນໄດ້ຄວາມສຳຄັນຂອງວຽກງານສົ່ງເສີມການອ່ານ ແລະ ການຄົ້ນຄ້ວາໂດຍສະເພາະແມ່ນການເຄື່ອນໄຫວວຽກງານຫໍສະໝຸດ ທ່ານ ພັນໂທ ສົມສັກ ວົງສະຫງ່າ ເລຂາໜ່ວຍສະຫະພັນນັກຮົບເກົ່າ ບ້ານທາດຫຼວງເໜືອ, ອາດີດຄະນະພັກ-ຄະນະອຳນວຍການຫໍສະໝຸດກອງທັບໄດ້ນຳເອົາປື້ມຄູ່ມືອາຊີບແລະປື້ມແບບຮຽນຈຳນວນ42ຫົວທີ່ຕົນເອງແລະລູກຫຼານພາຍໃນຄອບຄົວຊົມໃຊ້ໃນຜ່ານມາ,ມາມອບໃຫ້ຫໍສະໝຸດກອງທັບເພື່ອເປັນຂໍ້ມູນໃຫ້ນາຍ ແລະ ພົນທະຫານລຸ້ນສືບທອດໄດ້ສຶກສາຄົ້ນຄ້ວາ, ໃນນັ້ນ ທ່ານ ພັ.ທ ນາງ ຕາມົນ ສິງງາມ ວ່າການຫົວໜ້າພະແນກເຕັກນິກສິ່ງພິມຫໍສະໝຸດກອງທັບກໍ່ໄດ້ກ່າວຂອບອົກຂອບໃຈຢ່າງຈິງໃຈຕໍ່ ທ່ານ ພັນໂທ ສົມສັກ ວົງສະຫງ່າ ເຊິ່ງທ່ານກໍ່ ຜູ້ໜຶ່ງທີ່ເຫັນໄດ້ບົດບາດຄວາມສຳຄັນໃນການສຶກສາຄົ້ນຄ້ວາ ໂດຍສະເພາະແມ່ນການຕອບສະໜອງຂໍ້ມູນຂ່າວສານຂອງວຽກງານຫໍສະໝຸດໃນກອງທັບ.