ທ່ານ ນ. ບຸບຜາ ອ່ອນມະນີ ອາດີດພະນັກງານແພດ, ໄດ້ມອບປື້ມເພັງໃຫ້ຫໍສະໝຸດກອງທັບປະຊາຊົນລາວ.

  ໃນວັນທີ 16​ ສິງຫາ 2023 ນີ້, ທ່ານ ນ. ບຸບຜາ ອ່ອນມະນີ , ອາດີດພະນັກງານແພດໂຮງໝໍ102ນາວີດຊຳເໜືອ, ແຂວງຫົວພັນ, ໄດ້ມອບປື້ມເພັງຈຳນວນ 40 ຫົວໃຫ້ຫໍສະໝຸດກອງທັບປະຊາຊົນລາວ, ກ່າວຮັບໂດຍ ທ່ານ ພັ.ທ ດຸມເພັດ ສະຫຼຽນຄຳ ຄະນະອຳນວຍການຫໍສະໝຸດກອງທັບ. ປື້ມທີ່ນຳມາມອບໃນຄັ້ງນີ້ແມ່ນເພື່ອປະກອບສ່ວນເຂົ້າໃນການສົ່ງເສີມການອ່ານ, ການຄົ້ນຄ້ວາໃນກອງທັບໃຫ້ກ້ວາງຂວາງ ເພື່ອເຮັດໃຫ້ຫໍສະໝຸດມີຜະລິດຕະພັນທີ່ອຸດົມສົມບູນ ແລະ​ ເພື່ອເປັນການຊຸກຍູ້ວຽກງານສົ່ງເສີມການອ່ານພາຍໃນກົມກອງໃຫ້ມີຄວາມເຕີບໃຫຍ່ຂະຫຍາຍຕົວ, ເຮັດໃຫ້ພະນັກງານ - ນັກຮົບໄດ້ເຂົ້າເຖິງແຫຼ່ງຂໍ້ມູນຂ່າວສານດ້ວຍຫຼາຍຊ່ອງທາງ.