ຄະນະກວດກາຫ້ອງການເມືອງ ກົມໃຫ່ຍການເມືອງກອງທັບ ລົງຊຸກຍູ້ວຽກງານຂະບວນການຂໍ້ແຂ່ງຂັນພາຍໃຕ້ຄໍາຂວັນ “ ຮັກຊາດ ແລະ ພັດທະນາ ” ຢູ່ຫໍສະໝຸດກອງທັບ.    

   ໃນເວລາ 14:00 ຂອງວັນທີ່ 5 ກັນຍາ 2025. ທີ່ຫໍສະໝຸດກອງທັບ, ໄດ້ມີພິທີຕ້ອນຮັບຄະນະ ກວດກາຫ້ອງການເມືອງ ກົມໃຫ່ຍການເມືອງກອງທັບ ລົງຊຸກຍູ້ວຽກງານຂະບວນການແຂ່ງຂັນພາຍໃຕ້ຄໍາຂວັນ “ ຮັກຊາດ ແລະ ພັດທະນາ ” ເຊີ່ງນໍາໂດຍ ພັອ ບຸນເພັງ ແກ້ວນາທີ ຮອງຫົວໜ້າຫ້ອງ ການເມືອງ ກົມໃຫ່ຍການເມືອງກອງທັບ ພ້ອມຄະນະ. ໃຫ້ກຽດຕ້ອນຮັບໂດຍ ພັທ ນ. ຄູນທອງ ທໍາມະວົງ ຮັກສາການອໍານວຍການຫໍສະໝຸດກອງທັບ. ພ້ອມດ້ວຍພະນັກງານ ຫົວໜ້າ-ຮອງພະແນກ ເຂົ້າຮ່ວມ.

ໃນເບື້ອງຕົ້ນ ສະຫາຍ ພັອ ບຸນເພັງ ແກ້ວນາທີ ໃນນາມຫົວໜ້າຈຸຄະນະກວດກາ ໄດ້ມີຄໍາເຫັນແຈ້ງຈຸດປະສົງຂອງການລົງມາເຮັດວຽກ. ຈາກນັ້ນສະຫາຍ ພັທ ນ. ຄູນທອງ ທຳມະວົງ ກໍ່ໄດ້ຂື້ນຜ່ານບົດສະຫຼຸບການເຄື່ອນໄຫວວຽກງານຂະບວນການແຂ່ງຂັນພາຍໃຕ້ຄໍາຂວັນ “ ຮັກຊາດ ແລະ ພັດທະນາ ” ປະຈໍາປີ 2025 ແລະ ວາງທິດທາງແຜນການປະຈໍາປີ 2026.

ຕໍ່ມາ ສະຫາຍ ພັທ ສອນໄຊ ສີນທະວົງ ຫົວໜ້າພະແນກໂຄສະນາ ຫ້ອງການເມືອງກົມໃຫ່ຍການເມືອງກອງທັບ ຮອງຈຸກວດກາ ກໍ່ໄດ້ຂື້ນຊີ້ແຈງເພີ່ມກ່ຽວກັບການຈັດຕັ້ງປະຕິບັດວຽກງານດັ່ງກ່າວ ໂດຍຕິດພັນກັບຂະບວນການຕ້ອນຮັບ 2 ວັນປະຫວັດສາດທີ່ສໍາຄັນ ຄືວັນຊາດຄົບຮອບ 50 ປີ ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 105 ປີ ນອກນີ້ພວກເຮົາຕ້ອງໄປຄຽງຄູ່ກັບການສ້າງກົມກອງ ແລະ ນັກຮົບວັດທະນະທໍານໍາອີກດ້ວຍ. ພິທີໄດ້ປິດລົງດ້ວຍຜົນສໍາເລັດອັນຈົບງາມໃນເວລາ 15:30 ຂອງວັນດຽວກັນນີ້.