ຄະນະກວດກາວຽກງານກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ 

ລົງມາເຮັດວຽກນຳ  ຄະນະພັກໜ່ວຍ ຫໍສະໝຸດກອງທັບ. 

        ໃນເວລາ 14:30 ຂອງວັນທີ 14 ກໍລະກົດ 2025 ນີ້. ທີ່ຫໍສະໝຸດກອງທັບ, ໄດ້ມີຄະນະກວດກາພັກ ຫ້ອງການເມືອງ ກົມໃຫ່ຍການເມືອງກອງທັບ ລົງມາກວດກາປະເມີນຜົນການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2025 ແລະ ວາງທິດທາງແຜນການ ປີ 2026 ຂອງໜ່ວຍພັກ ຫໍສະໝຸດກອງທັບ, ນຳໂດຍ ສະຫາຍ ພັນເອກ ບຸນຄໍາ ສຸນັນທາ ຮອງຫົວໜ້າ ຫ້ອງການເມືອງ ກົມໃຫ່ຍການເມືອງກອງທັບ ຫົວໜ້າຈຸກວດກາພັກ ພ້ອມຄະນະ, ມິ ສະຫາຍ ພັນໂທ ນ. ຄູນທອງ ທໍາມະວົງ ຮອງເລຂາໜ່ວຍພັກ ຮັກສາການອຳນວຍການ ຫໍສະໝຸດກອງທັບເຂົ້າຮ່ວມ.

ເບື້ອງຕົ້ນ ສະຫາຍ ພັນເອກ ບຸນຄໍາ ສຸນັນທາ ຮອງຫົວໜ້າ ຫ້ອງການເມືອງ ກົມໃຫຍ່ການ ເມືອງກອງທັບ ຫົວໜ້າຈຸກວດກາພັກ ໄດ້ມີຄຳເຫັນຊີ້ນນຳໃນການຈັດຕັ້ງປະຕິບັດ.

ຕໍ່ມາສະຫາຍ ພັນໂທ ນ. ຄູນທອງ ທຳມະວົງ ຮອງເລຂາໜ່ວຍພັກ ຮັກສາການອຳນວຍການ ຫໍສະໝຸດກອງທັບ ຜ່ານບົດສະຫຼຸບການຕີລາຄາປະເມີນຜົນການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກ ແໜ້ນ ໃນໄລຍະ 1 ປີ ແລະ ວາງທິດທາງແຜນການປີ 2026 ແລະ ໄດ້ສະເໜີໃຫ້ຄະນະກວດ ກາພັກ ຂໍໃຫ້ຄະນະພັກຂັ້ນເທີງຄົ້ນຄ້ວາ ໃຫ້ໜ່ວຍພັກຫໍສະໝຸດກອງທັບ ເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນ ສະໄໝທີ່ VII.

ຈາກນັ້ນທັ້ງ 2 ພາກສ່ວນກໍ່ໄດ້ມີການແລກປ່ຽນບົດຮຽນນຳກັນ. ເພື່ອເຮັດໃຫ້ການລົງມາກວດກາວຽກງານກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ມີຄວາມເປັນເອກະພາບກັນ. ກອງປະຊຸມໄດ້ປິດລົງໃນເວລາ 16:00 ຂອງວັນດຽວກັນດ້ວຍຜົນສຳເລັດອັນຈົບງາມ.