ຄະນະກົມໂຄສະນາອົບຮົມ ກົມໃຫ່ຍການເມືອງ ລົງມາພົບປະໂອ້ລົມ ພະນັກງານ-ນັກຮົບ ຫໍສະໝຸດກອງທັບ. 

ໃນເວລາ 9:30 ຂອງເຊົ້າວັນທີ່ 11 ມີຖຸນາ 2025 ນີ້, ທີ່ຫໍສະໝຸດກອງທັບ, ໄດ້ຈັດຕັ້ງພິທີຕ້ອນຮັບ ສະຫາຍ ພັທ ໄຊຊະນະ ສະເຫຼີມສັກ ຮອງຫົວໜ້າກົມໂຄສະນາອົບຮົມ ກົມໃຫ່ຍການເມືອງກອງທັບ ພ້ອມຄະນະ ລົງມາຢ້ຽມຢາມພົບປະໂອ້ລົມ ພະນັກງານ-ນັກຮົບຫໍສະໝຸດກອງທັບ ໂດຍການຕ້ອນຮັບຈາກ ຄະນະພັກ-ຄະນະບັນຊາ ຕະຫຼອດຮອດພະນັກງານ-ນັກຮົບໝົດທຸກຮວ່ມຢ່າງພ້ອມພຽງ.

ເບື້ອງຕົ້ນສະຫາຍ ພັທ ນ. ຄູນທອງ ທຳມະວົງ ຮັກສາການອຳນວຍການ ຫໍສະໝຸດກອງທັບ ຂື້ນລາຍງານສະພາບການເຄື່ອນໄຫວວຽກງານຫໍສະໝຸດໃນໄລຍະຜ່ານມາໂດຍຫຍໍ້ ພ້ອມທັ້ງຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ ແລະ ຄຳຂໍສະເໝີຕໍ່ຂັ້ນເທີງຈຳນວນໜື່ງ.

  ຕໍ່ມາສະຫາຍ ພັທ ໄຊຊະນະ ສະເຫຼີມສັກ ປະທານພິທີກໍ່ໄດ້ໃຫ້ກຽດຂື້ນໂອ້ລົມ ສະຫາຍໄດ້ຍົກໃຫ້ເຫັນສະພາບການເມືອງສາກົນແລະພາຍໃນ ໄດ້ຍົກໃຫ້ເຫັນຫຼາຍບັນຫາທີ່ສຳຄັນ ຈາກນັ້ນສະຫາຍກໍ່ໄດ້ສະແດງຄວາມຍ້ອງຍໍ້ຊົມເຊີຍຕໍ່ຜົນງານທີ່ຫໍສະໝຸດຍາດມາໄດ້ໃນໄລຍະຜ່ານມາ ແລະ ໄດ້ຍົກໃຫ້ເຫັນບົດບາດສຳຄັນຂອງຫໍສະໝຸດກອງທັບ ເປັນສູນລວມຄວາມຮູ້ດ້ານສະຕິບັນຍາຕ່າງໆຂອງມວນມະນຸດ ເປັນກົມກອງໜື່ງທີ່ເຮັດວຽກໂຄສະນາ ແນວທາງການເມືອງຂອງພັກ ລະບຽບວິໄນຂອງກອງທັບ ແລະ ສະຫາຍ ຍັງໄດ້ຮຽກຮ້ອງໃຫ້ພະນັກງານ-ນັກຮົບຫໍສະໝຸດກອງທັບ ຈົ່ງເພີ່ມທະວີນ້ຳໃຈຮັບຜິດຊອບຕໍ່ໜ້າທີ່ໃຫ້ສູງ, ເອົາໃຈໃສ່ຝຶກຝົນຫຼໍ່ຫຼອມຕົນເອງ ແລະ ພ້ອມກັນຮັກສາມູມເຊື້ອງອັນດີງາມຂອງກົມກອງ ແລະ ຮັກສາຄວາມສາມັກຄີພາຍໃນ-ພາຍນອກເປັນປືກແຜ່ນ.