ກອງຫໍສະໝຸດກອງທັບ ໄດ້ເປີດຂະບວນການສົ່ງເສີມການອ່ານ ຄັ້ງທີ່ II ປະຈຳປີ 2025 ຂື້ນຢ່າງເປັນທາງການ.

  ໃນຕອນເຊົ້າຂອງວັນທີ່ 6 ພຶດສະພາ 2025. ທີ່ຫໍສະໝຸດກອງທັບ ໄດ້ເປີດພິທີການສ້າງຂະບວນການສົ່ງເສີມການອ່ານ ດ້ວຍການອັດຄີບເລົ່າເລື່ອງເຫດການປະຫວັດສາດສຳຄັນຕ່າງໆ ຜ່ານ ເພສເຟສບຸກ ຫໍສະໝຸດກອງທັບ, ເພື່ອເປັນການສ້າງຂະບວນການ ຂໍ່ານັບຮັບຕ້ອນສະເຫຼີມສະຫຼອງ 3 ວັນປະຫວັດສາດທີ່ຈະມາເຖີງນີ້ເຊັ່ນ: ວັນສ້າງຕັ້ງພັກປະຊາຊົນປະຕິວັດລາວຄົບຮອບ 70 ປີ, ວັນສະຖາປານາ ສປປ ລາວ ຄົບຮອບ 20 ປີ ແລະ ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 105 ປີ ໃຫ້ມີບັນຍາກາດຟົດຟື້ນມວ່ນຊື່ນ. ໃຫ້ກຽດເປັນປະທານໂດຍ ສະຫາຍ ພັທ ນ. ຄູນທອງ ທຳມະວົງ ຮອງອຳນວຍການຫໍສະໝຸດກອງທັບ ພ້ອມດ້ວຍພະນັກງານ-ນັກຮົບ ພາຍໃນກົມກອງ ກໍ່ມີໜ້າເຂົ້າຮວ່ມ. ແລະ ເພື່ອເປັນການປຸກລະດົມ ສົ່ງເສີມການອ່ານ ໃນຍຸກທີ່ທັນສະໄໝກໍ່ຄືການນຳໃຊ້ເຕັກໂນໂລຢີເຂົ້າມາຊວ່ຍ ໃນການບໍລິການໃຫ້ວ່ອງໄວຂື້ນຕື່ມ ແລະ  ເພື່ອເປັນການສົ່ງເສີມການອ່ານແບບອອນໄລ ເພື່ອໃຫ້ພະນັກງານນັກ-ຮົບໄດ້ເຂົ້າເຖີງແຫຼ່ງຂໍ້ມູນໄດ້ຫຼາຍຊ່ອງທາງ, ໂດຍສະເພາະ ຂໍ້ມູນຂ່າວສານທາງປະຫວັດສາດຂອງຊາດຂອງພັກ.