ກອງປະຊຸມສະຫຼຸບວຽກງານຮອບດ້ານປະຈໍາ 06 ເດືອນຕົ້ນປີ ແລະ ວາງທິດທາງແຜນການວຽກງານ 06 ເດືອນທ້າຍປີ 2025. 

  ໃນເວລາ 8:30 ຂອງວັນທີ່ 17 ກໍລະກົດ 2025 ນີ້. ທີ່ຫ້ອງປະຊຸມ, ຫໍສະໝຸດກອງທັບ ໄດ້ເປີດກອງປະຊຸມສະຫຼຸບວຽກງານຮອບດ້ານປະຈຳ 06 ເດືອນຕົ້ນປີ ແລະ ວາງທິດທາງແຜນການວຽກງານ 06 ເດືອນທ້າຍປີ 2025. ໂດຍການເປັນປະທານຂອງ ທ່ານ ພັນໂທ ນ. ຄູນທອງ ທໍາມະວົງ ຮັກສາການຫົວໜ້າອຳນວຍການ ຫໍສະໝຸດກອງທັບ ພ້ອມດ້ວຍພະນັກງານ-ນັກຮົບເຂົ້າຮ່ວມຢ່າງພ້ອມພຽງ.

   ພາຍຫຼັງ ກອງປະຊຸມໄດ້ກ້າວເຂົ້າສູ່ຄວາມເປັນລະບຽບຮຽບຮ້ອຍແລ້ວ ສະຫາຍ ພັນໂທ ນ. ເຕືອນໃຈ ນວນທະລາວົງ ຫົວໜ້າພະແນກບໍລິຫານສັງລວມ ໄດ້ຜ່ານບົດສະຫຼຸບວຽກງານຮອບດ້ານປະຈຳ 06 ເດືອນຕົ້ນປີ ແລະ ຜ່ານທິດທາງແຜນການ 06 ເດືອນທ້າຍປີ 2025 ແລະ ໄດ້ເອົາໃຈໃສ່ປັບປຸງກົມກອງຂອງຕົນໃຫ້ມີຄວາມໜັກແໜ້ນທາງດ້ານການເມືອງ, ມີຄວາມເຂັ້ມແຂງທາງດ້ານການຈັດຕັ້ງ 06 ເດືອນຜ່ານມາກໍ່ໄດ້ເອົາໃຈໃສ່ ຊີ້ນຳປັບປຸງກົມກອງໃນທຸກດ້ານ, ດ້ານການນຳພາແນວຄິດເປັນຕົ້ນແມ່ນໄດ້ປັບປຸງທາງດ້ານທັດສະນະແນວຄິດຂອງພະນັກງານ-ນັກຮົບ, ປັບປຸງທາງດ້ານແບບແຜນວິທີເຮັດວຽກຂອງພະນັກງານແຕ່ລະຂັ້ນ, ປັບປຸງທາງດ້ານການຈັດຕັ້ງພ້ອມໆ ກັບການປັບປຸງທາງດ້ານວິຊາສະເພາະ, ການກໍ່ສ້າງພະນັກງານວິຊາສະເພາະ, ວິຊາການກໍ່ສ້າງພະນັກງານບັນຊາ-ນຳພາໃຫ້ມີລຸ້ນສືບຖອດປ່ຽນແທນສ້າງເງື່ອນໄຂເອື້ອອຳນວຍຄວາມສະດວກໃຫ້ພະນັກງານໄປສຶກສາຮໍ່າຮຽນຢູ່ໂຮງຮຽນ ແລະ ສະຖາບັນຕ່າງໆຢ່າງເປັນຂະບວນການຟົດຟື້ນແຂງແຮງໄປຄຽງຄູ່ກັບວຽກງານດັ່ງກ່າວກົມກອງຍັງໄດ້ເຂົ້າຮ່ວມວຽກງານຕ່າງໆ, ຕໍ່ມາ ໄດ້ຜ່ານຂໍ້ຕົກລົງຍົກຍ້າຍພະນັກງານ 01 ສະຫາຍ ຢູ່ພະແນກບໍລິການອ່ານ-ຢືມ ຍົກຍ້າຍໄປຊວ່ຍວຽກຢູ່ພະແນກສື່ສານບັນນານຸກົມ ເພື່ອໃຫ້ສອດຄອງກັບວຽກງານຕົວຈີ່ງ.

    ຈາກນັ້ນ ທ່ານ ພັນໂທ ນ. ຄູນທອງ ທຳມະວົງ ຮັກສາການອຳນວຍການຫໍສະໝຸດກອງທັບ ກໍ່ໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ, ໄດ້ເອົາໃຈໃສ່ສຶກສາອົບຮົມການເມືອງແນວຄິດ, ໄດ້ຮຽກຮ້ອງໃຫ້ພະນັກງານຫໍສະໝຸດກອງທັບເຮົາ ຈົ່ງເພີ່ມທະວີນໍ້າໃຈຮັບຜິດຊອບຕໍ່ໜ້າທີ່ໃຫ້ສູງ, ເອົາໃຈໃສ່ຝຶກຝົນຫຼໍ່ຫຼອມຕົນເອງ ແລະ ພ້ອມກັນຮັກສາມູນເຊື້ອທີ່ດີຂອງກົມກອງ. ກອງປະຊຸມໄດ້ອັດລົງດ້ວຍຜົນສຳເລັດອັນຈົບງາມໃນເວລາ 11:00 ຂອງວັນດຽວກັນ.