ກົມວິທະຍາສາດ-ປະຫວັດສາດການທະຫານ ມອບປື້ມໃຫ້ຫໍສະໝຸດກອງທັບປະຊາຊົນລາວ. 

     ໃນຕອນເຊົ້າຂອງວັນທີ່ 12 ສິງຫາ 2025. ທີ່ກົມວິທະຍາສາດ-ປະຫວັດສາດການທະຫານ ໄດ້ມອບປື້ມຈຳນວນ 20 ຫົວ, ເປັນມູນຄ່າ 2,500,000 ກີບ. ໃຫ້ຫໍສະໝຸດກອງທັບ. ກ່າວມອບໂດຍ ສະຫາຍ ພັອ ທອງດີ ລິດທີເດດ ຫົວໜ້າຫ້ອງຂໍ້ມູນຂ່າວສານ ກົມວິທະຍາສາດ-ປະຫວັດສາດການທະຫານ, ກ່າວຮັບໂດຍ ສະຫາຍ ພັທ ນ. ຄູນທອງ ທຳມະວົງ ຮັກສາການອຳນວຍການຫໍສະໝຸດກອງທັບ.

ທ່ານ ໄດ້ສະແດງຄວາມຂອບໃຈ ແລະ ຮູ້ບຸນຄຸນຢ່າງສູງ ຕໍ່ຄະນະພັກ-ຄະນະບັນຊາ  ກົມວິທະຍາສາດ-ປະຫວັດສາດການທະຫານ ທີ່ໄດ້ນຳເອົາປື້ມທີ່ມີເນື້ອໃນສຳຄັນດ້ານປະຫວັດສາດມາມອບໃຫ້ແກ່ຫໍສະໝຸດກອງທັບໃນຄັ້ງນີ້ ເພື່ອເປັນການປະກອບສວ່ນ ໃນງານວາງສະແດງປື້ມນຳກະ ຊວງວັດທະນະທຳ ແລະ ການທ່ອງທ່ຽວ ແລະ ເພື່ອເປັນທີ່ລະນຶກ ມອບໃຫ້ແກ່ການນຳ ແລະ ຄະນະຜູ້ແທນທີ່ມາຮ່ວມພິທີໂຮມຊຸມນຸມໃຫ່ຍໃນໂອກາດສະເຫຼີມສະຫຼອງ ວັນສື່ມວນຊົນ ແລະ ການພິມຈຳໜ່າຍ ຄົບຮອບ 75 ປີ. ເພື່ອເປັນການປະກອບສວ່ນເຂົ້າໃນສົ່ງເສີມການອ່ານ ແລະ ການ ຄົ້ນຄ້ວາຮໍ່າຮຽນ ໃຫ້ມີຄວາມເຕີບໃຫ່ຍຂະຫຍາຍຕົວເຮັດໃຫ້ພະນັກງານ-ນັກຮົບໄດ້ເຂົ້າເຖິງແຫຼ່ງຂໍ້ມູນທີ່ຫຼາກຫຼາຍ.