Benvidos
Benvidos ao marabilloso mundo dos cogomelos!
Benvidos á exposición de exemplares naturais de diferentes tipos de fungos e cogomelos. Benvidos á exposición de literatura científica sobre estes exemplares.
Esta exposición déume unha idea: por que non damos vida a este mundo científico con personaxes de ficción? Por que non entramos neste mundo dos cogomelos a través das nosas lecturas infantís? Véñenme á memoria uns parentes meus que viven baixo os cogomelos, os gnomos; tamén os pitufos, o país das marabillas de Alicia, algunha aventura de Tintín... Recordade os fungos e cogomelos da vosa infancia e sabede, agora que sodes algo maiores algo que -se cadra- non vos contaron: hai que ter cuidado con eles, non a todos lles sentan ben (mirade o que lle pasa a Radagast en O Hobbit) e mesmo poden matar... Non o credes? Preguntádello ao emperador Claudio e a Buda. E que me dicides do que andan a dicir de Papá Noel e os renos? Iso non vale nin para contar...
Socas
E, xa que estamos, recordamos a importancia de "Ler ciencia na biblioteca escolar":
.
Importancia da lectura de textos de carácter científico, de textos divulgativos ou de textos literarios que tratan temas relacionados coa ciencia.
Selección e produción de información en todos os soportes, moi especialmente os recursos electrónicos.
Aprender a valorar a información que se atopa en internet con criterios de credibilidade, veracidade, cientificidade, etc. [ALFIN]
Imaxes sen filtrar por licenza. Uso didáctico.
Este é un ESPAZO ABERTO á participación dos alumnos do IES Sofía Casanova, para que elaboren e presenten traballos relacionados cos fungos e cogomelos (aspectos científicos e/ou literarios).
Poderán ser elaborados/presentados en calquera SOPORTE (tradicional / electrónico) e en calquera formato. Entre os traballos e material presentados haberá un SORTEO: premiarase ao gañador deste sorteo.
A continuación aparecen unha serie de seccións relacionadas con cogomelos e referencias literarias. Como podedes ver, son só unha base para que vós a completedes...