TĪRAMA ANA MAI

Tīrama ana mai ngā whetū o te ata

Ko Puanga kei runga, Takurua kei runga, koia ko Matariki e tiaho iho nei

Ka kitea a Matariki māoka ko te hinu

Ko Tāne te Atua nāna i tohatoha te Whānau marama ki runga i a Ranginui

Kua eke mai ra ki te tau huhua

Mākina ki uta, mātaara ki tai

tērā te haeata tākiri ana mai ki runga o Tararua e tū iho nei

Kakāhuria ana e te tio hukarere.

Whakarongo ake au ki ngā manu o te ata

E pūoro mai ana i te ngutu o te wao.

E rere e te rā ki ngā tihi o te maunga

Whakaonga tonu au ki ngā hīhī o te rä

Kia poipoia nei au e te wera ki te kiri.

Nā te hau makariri, nā te hau koeoeo

E whakapiri nei au i!

Nā Hemi Te Peeti