Mōteatea

Nei Au te Pupuri

Nei au te pupuri i ngā tini mahara e,

taka ko roto nei ka māwherangi au,

pa mai ki ahau whakahiangongo ai ē

mō aku mate tau tini he aroha nei au e

E Kimi Noa Ana

E Kimi Noa.m4a

Rongo Kōrero au

E Hine Aku

Ka eke ki Wairaka ka tahuri whakamuri,

Kāti ko te aroha te tiapu i Kakepuku

Kia rere arorangi te tihi ki Pirongia

Kei raro koe Toko, taku hoa tungāne

Nāku anō koe i huri ake ki muri

Mōkai te ngākau te whakatau iho

Kia pōruatia e awhi-ā-kiri ana.

Kotahi koa koe i mihia iho ai

Ko taku tau whanaunga nō Toa i te tonga

Nō Mania i te uru, ka pēa tāua.

I ngākau nui ai he mutunga mahi koe.

Kāti au ka hoki ki taku whenua tupu,

Ki te wai koropupū i heria mai nei

I Hawaiki rā anō e Ngātoro-i-rangi

E ōna tuāhine Te Hoata u Te Pupū

E hū rā i Tongariro, ka mahana i taku kiri.

Nā Rangi mai anō nāna i mārena

Ko Pihanga te wahine, ai ua, ai hau,

Ai marangai ki te muri e

Kōkiri!

Tau Mai e Kāpiti

WHAKARONGO MAI

Whakarongo mai

te taringa ki te hau o Tainui

e hau mai nei

Toia Tainui kia tapotu ki te moana

Ma wai e tō mā te whakarongo?

He tarawai nuku

he tarawai rangi

tini a mōnoa

nau mai mau mai rā

e Tane

Ka kau taua kia matakitākina

koe te tini o te tāngata

Nāku koe tiki atu ki te Wao nui o Tane

He Tane Miroi

He Tane Koakoa

He Tane Rangahau

i patua mai ana e

te komuri hau na runga o wāhi

panekeneke ihu o te waka

turuki, turuki

paneke, paneke

ā ka rewa e, kā u

Whangaparaoa

Hauraki

Rakau Mangamanga

Motu Kōkako

Whiwhia

Aukanapanapa

Muriwhenua

hoki i reira ko Tamaki e

He moana nui kei tua ko Tainui ka toia

kahore i paneke te maunga iho ana mau tonu

Whakahuatia te karakia

Ka rewa ki Manukau

rere atu whakatetonga

ka kite i te wai

heke ana mai

ko Waikato

Heoi ano ka kite i te nui o te ika o reira

ko Kawhia

A ka toia Tainui ki uta

Takoto ai!

Ihu o te waka

Turuki, Turuki

Paneke, Paneke

Turuki, Turuki

Paneke, Paneke

Hara mai te toki!

Haumie, Hui e,

Taiki e!

Rongo kōrero au e ko Tūkino

Te tuku mai nei

E haramai ana pea

Ki te tiki mai Irawaru

Kia whakakurī au,

Kia whakapai au

He kāewaewa, he rau harakeke

Te āhua o taku kōiwi.

Papaki rawa iho

Ki te tau o taku ate

He pōare tonu ana

Kei te tarawa putu

Kōkō, he ruru tōna kai

E rā i i.

Ko te kai rā tēnā

I hua ai te kitatanga

O te Tarakihi, te Waru

He Haku kei te moana

Ka pāheke te ākau i i.

Tae rawa atu au

Ki Tīuriuria,

Ki runga riro rā

Ki te kāinga i paea ai e

Te Kura-ā-Tauninihi.

Koia rānei e Ngāti Raukawa

Me hoki au ki Maungatautari

Ki te kāinga hoki i whakarērea nei e te ngākau

Me hoki kōmuri au ki te whenua

Kia whakawaia mai au e te ruru

He raru tōku ki te nohanga pahī.

Rongo Kōrero Au - Nā Te Whatanui nō Ngāti Raukawa

Ngā kupu

He waiata whakautu kōrero tēnei nā Te Whatanui, he tupuna rongonui a Ngāti Raukawa i heke mai i Maungatautari me Ngāti Tūwharetoa. He waiata whakakahore ki Te Heuheu kei raru ia i ngā kōrero kia hoki a Ngāti Raukawa ki Maungatautari.

Nā Kāti Au i Kōnei tēnei whakamārama.

Maramataka

Whiro, Tirea, Hoata

Ōuenuku, Okoro, Tamatea Āio

Tamatea-a-ngāna, Tamatea-kai-ariki

Tamatea Tūhāhā

Ariroa, Huna

Mawharu, Ōhua, Atua Whakahaehae

Turu, Te Rākaunui, Rākaumātohi

Takirau, Oike, Korekore tuatahi

Korekore Rawea, Korekore Whakapiri

Tangaroa

Tangaroa-ā-mua, Tangaroa-ā-roto, Tangaroa Whakapau

Tangaroa Whāriki kiokio,

Ōtāne, Ōrongonui, Ōmutu, Mutuwhenua e.

Tera ia nga tai o Honipaka

Ka wehe koe I ahau e

He whakamaunga atu nāku

Te ao ka tākawe

Nā runga mai o Te Motu

E tū noa mai rā koe I ahau, e

Nāku ia rā koe I waiho I taku whenua iti

Te rokohanga, te Taranga i a tāua

Ka mihi mamao au ki te iwi rā ia

Moe noa mai I te moenga roa

Ka paria e te tai, piki tū, piki rere

Piki tākina mai rā, tē kawea au e te tere Te Kawau I Muriwhenua

Tēnā taku manu, he manu ka onga noa

Runā ki te whare, te hau o Matariki

Mā te whare-pō-rutu-e

Mā te rahi Āti Awa

E kautere mai rā

Whakaurupā taku aroha, nā i

E pa to Hau

E pā tō hau he wini raro,

He hōmai aroha

Kia tangi atu au i konei;

He aroha ki te iwi

Ka momotu ki tawhiti ki Paerau

Ko wai e kite atu?

Kei whea aku hoa i mua rā,

I te tōnuitanga?

Ka haramai tēnei ka tauwehe,

Ka raungaiti au, e.

Tirotiro kau au

Nā Kararaina Anaru i tito - Ngāti Pareraukawa. He waiata tangi

Tirotiro kau au ki marae kāinga, e rā

Kei whea koutou e ngaro nei e te iwi, e rā

Taku aroha ki ngā tai e ngunguru, e rā

E rite mai ki te iwi, e ngunguru noa nei, e rā

Tangihanga: Takoto mai i runga i te atamira, e rā

Ka tōkia tō kiri e te anu mātao, e rā.

Kia U

Kaea: Kia u

Katoa: Kia u ki uta

Kaea: Kia u

Katoa:Kia u ki tae e

Kaea: Kia u

Katoa: Kia u ki tēnei tauira

Ko te mauri o papa, ko te mauri o rangi

Ko te mauri o tēnei matua iwi

Ko te mauri o tēnei puawaitanga e

Hoturoa

Hoturoa te tangata

Ko Hotuhope

Ko Hotumatapu

Mōtai tangata rau

Ko Ue

Rākamamao

Kākati

Tawhao

Tūrongo te matua

Raukawa e !!

Poia Atu Taku Poi

Report abuse