Esperientzi pilotu honetan 4.DBHko IKT ikasgaia aukeratu duten 15 ikasle aritu dira eta Informatika mintegiko bi irakasle.

JolasmATIKA proiektuko 55 minutuko 20 saiotan hartu dute parte gure ikasleek. Saio hauek bi motakoak izan dira:

• EZAGUTZAK JASOTZEKO SAIOAK:

10 saiotan UPV/EHUko bi ikasle etorri dira gure ikastetxera 4. DBHko ikasleekin jarduteko. Saio hauetan informatikarekin lotura duten zenbait kontzeptu azaldu eta kontzeptu hauek transmititzeko estrategiak landu dituzte.

Parte-hartzaileak:

• Ikastetxeko ikasleei ezagutzak transmititzeko Informatika fakultateko bi ikasle, biak Orixe BHI-ko ikasle ohiak.
• Behaketa lanak egiteko Informatika fakultateko irakasle bat eta Orixe BHI-ko IKT irakaslea.

• EZAGUTZAK TRANSMITITZEKO SAIOAK:

Beste 10 saiotan Orixeko ikasleak Samaniego ikastetxeko LH6ko ikasgeletara joan dira aurreko saioetan ikasi eta landutakoa transmititzeko.

Antolaketa: Samaniegoko ikastetxeak LH6 mailan hiru talde dituenez talde bakoitzean Orixeko 5 ikasle aritu dira jasotako ezagutzen transmisioa egiten. Gela bakoitzean bost talde antolatu dira eta Orixeko ikasle bakoitzak talde hauetako baten ardura hartu du.

Parte-hartzaileak:

• 4.DBHko 15 ikasle: IKT A taldea.
• Samaniego ikastetxeko LH6ko 75 ikasle (hiru talde)
• Behaketa lanak egiteko: Orixe BHI-ko bi irakasle, Informatika fakultateko bi irakasle Samaniego Ikastetxeko irakasle bat gela bakoitzean.