Ma hope o nā haʻawina paʻakikī i ʻalo ʻia ma nā makahiki i hala iho nei, ua pōloli paha kākou i ka wī ʻana o nā ʻono like ʻole. ʻAʻole nō naʻe kākou e hoʻi pākahi i nā kīhāpai kaʻawale e paʻa ai ka houpo ponoʻī iho nō. Akā, e ala huliāmahi kākou i ka hoʻoulu hou ʻana he māla kūāhewa nui o ka naʻauao. ʻAʻohe naʻe kanaka e koe ma ka ʻaoʻao! Aia nā alakaʻi hanohano, aia nā keiki hiwahiwa, pēlā pū nā ʻohana noho papa, a me nā ʻohana mamaka hou. E ʻoni huliāmahi ko kākou mau lehulehu no ka lewa wale ʻana o kā kākou papahana, a māʻona ka ʻōpū o ko kākou lāhui aloha. After the hard lessons we have endured in these recent years, we may find ourselves craving certain delicacies that are now in short supply. However, we should not retreat to our individual gardens to satisfy our solitary stomachs. Instead, let us rise up, unified together, to reinvigorate our vast and fertile fields of knowledge. All of us! From our dignified leaders, to our cherished children, from our families who have been around for generations, to our brand new ʻohana. Although we number so many, we must move in unison to realize the success that is possible, so that the yearning bellies of our beloved nation can continue to be fed.  Na Pāʻani Kelson

ʻO ka lau i haku ʻia e Nā Mākua Original Hawaiian Designs, he lau hoʻi e kū hōʻailona ai i kēia ʻōlelo mākia o kēia makahiki kula. ʻO ka ʻulu, he ʻai nā kānaka e ola ai ke kino. He hōʻailona pū kēia ʻo ka ulu o nā hanauna a me ka ulu o ka ʻohana hoʻōla ʻōlelo Hawaiʻi. He piha makahiki 40 kēia o ka ʻAha Pūnana Leo, e puka ana ka papa 25 mai Nāwahī aku, a he piha makahiki 20 kēia ʻo ka Pūlama Mauli Ola, he lanakila hoʻi kēia no kā kākou papa hana. Ma ia ulu ʻana o ka papahana, e laha hou aku ai ke ola o ka mauli Hawaiʻi i ʻō a ʻō. E huliāmahi like kākou!  This design that was created by Nā Mākua Original Hawaiian Designs represents the guiding theme of this year. The breadfruit is a traditional food of our people. Figuratively, it represents the growth of our students and our Hawaiian language family. 2023 is a significant year: ʻAha Pūnana Leo celebrates 40 years, Nāwahī will graduate it’s 25th class, and this is the 20th anniversary of Pūlama Mauli Ola, a momentous and celebratory time. As our program flourishes, our Hawaiian essence will be bountiful in all aspects of life. Let us unify together in the process! 

He au hou kēia o kākou, e Hawaiʻi, e noho nei. ʻO ko kākou noho ʻana o ka wā i hala, ua hala. Ua kūpono ke kūkulu hou ʻana. Aia nō naʻe ia kūkulu hou ʻana ma luna o ke kahua paʻa pono, e like me ke aʻo kaulana o kūpuna. No laila mai ka mākia o kēia makahiki kula 2021-2022, “E paepae hou ʻia ka pōhaku.” I paʻa maila ko kākou kahua hale hou. A maluhia nā pua i ka lulu mālie o ka naʻauao. E ala e nā kini, i mua a loaʻa ka lei o ka lanakila.  People of Hawaiʻi, we find ourselves living in a new era. Our lifestyle of the past has passed. It is time to rebuild. We must, however, reconstruct our lives on a solid foundation, just as it is said in that famous teaching of our kūpuna. That is where our motto for the 2021-2022 school year comes from. “E paepae hou ʻia ka pōhaku.” Re-set the stones, so that our home’s foundation is solid. That is how our future generations will be able to enjoy the peaceful serenity of knowledge. Rise up, and move forward to secure the garlands of victory. Na Pāʻani Kelson

ʻO ka lau i haku ʻia e Nā Mākua Original Hawaiian Designs, he lau hoʻi e kū hōʻailona ai i kēia ʻōlelo mākia o kēia makahiki kula. ʻO nā pōhaku i paepae ʻia ma nā pūʻulu 3 ma lalo o ka lau, ʻo ia hoʻi nā honua e hoʻoulu ʻia ai ka mauli Hawaiʻi o kākou: ʻo ka honua ʻiewe, ka honua kīpuka, a me ka honua ao holoʻokoʻa. ʻO nā huinakolu o luna ka hale e hōʻike ana i ko kākou mau piko ʻekolu: ʻo ka piko ʻĪ, ʻo ka piko ʻŌ, a me ka piko ʻĀ, ʻo ia hoʻi ka pilina akua i ka lāhui, ka pilina i nā kūpuna me nā mākua, a me ka pilina i nā hana a kākou me nā hanauna e hiki mai ana. This design that was created by Nā Mākua Original Hawaiian Designs represents the essence of our theme for this school year. The interlocking pōhaku shown in three groups of triangles on the bottom represent the places where our mauli is expressed: the close ties to our family, the extended protected environment, and the entire world. The triangular lines firmly supported by the pōhaku form the hale which is embodied by our three connecting centers of our mauli: the spiritual ties to our fontanel, the navel that connects us to our ancestors, and the reproductive area which represent the future generations and all that we create and establish.

I kumu, i lau, i ola!  ʻOiai nā hopo like ʻole o kēia mau lā, e holomua kākou, a ola nui. Ke paʻa pono ko kākou kumu mole, pēlā e lau ai nā pōmaikaʻi o kēia ola kanaka ʻana.  E kumu kākou ma loko o ka mauli ola o kēia ʻāina, a e laupaʻi ana ke ola a me ke aloha ma waena o nā lehulehu a pau o Hawaiʻi. Pēlā ana nō kākou e kū ai he lamakū e hoʻopili ʻia mai i loko o nā hihi a me nā huikau like ʻole o ko kākou kaʻawale kino ʻana. Nani ia, no ʻaneʻi nei nō ko kākou ola, e kumu paʻa, e lau laha,  a e ola nui kākou a pau.

To root, to sprout, to live! Amidst all of today's worries, we push on, and we thrive. When our foundation is firmly rooted, that is how we can seek out the many blessings of life. If we root ourselves in the living mauli of this land, vitality and love will spread amongst the multitudes of Hawaiʻi. That is how we need to stand as a beacon to be followed while we battle the entanglements and confusions of our physical separation.  Since we draw our life from this place, we are firmly founded, we will continue to grow, and we will all flourish into the future.

I MAU ʻO HAWAIʻI HE ʻĀINA ALOHA. ʻO ia ʻōlelo kuʻuna ka mākia e hoʻokele ana i ka holomua o kākou i kēia makahiki a me kā kākou hanana kūikawā, ʻo Pūlama Mauli Ola. ʻO ka lau paleʻili o kēia makahiki, he lau hou i haku ʻia e Nā Mākua Original Hawaiian Designs. Ua hala hoʻi 40 a ʻoi makahiki ma ka paio ʻana no ke ola o kā kākou ʻōlelo makuahine. He paio hoʻi ma ka hoʻokumu ʻia o nei papahana. He paio ma ka loaʻa o kekahi hale kula me nā lako lumi papa. He paio ma ka loaʻa o nā kumu e aʻo ai i nā haumāna. He paio hoʻi ma ka hiki ke aʻo i nā keiki ma ka ʻōlelo Hawaiʻi ma ke kula aupuni; ʻaʻohe wā e pau ai ka paio ʻana! Aia kākou ma ka pae o ka hoʻoulu a me hoʻomāhuahua hou ʻana aʻe i kā kākou hana ma ke aukahi hoʻōla mauli Hawaiʻi i mea e alakaʻi ai nā hanauna hou. Ke ola hoʻi nei ka ʻōlelo me ka moʻomeheu iā kākou akā he pākēneka liʻiliʻi kākou ke noʻonoʻo i ke ao holoʻokoʻa. Pono e mākaukau mau. Pono e ʻimi mau i ka ʻike. Pono e hoʻokalakala mau ʻia kā kākou mau ihe i mea e paʻa hoʻi ai ka pili ʻuhane, ka ʻōlelo, ka lawena a me ka ʻike kuʻuna iā kākou. He kū hōʻailona kēia mau ihe laumeki i ko kākou paio mau ʻana ma ke ʻano he aukahi; ʻo ka Pūnana Leo ʻoe, ʻo Nāwahīokalaniʻōpuʻu ʻoe me ko Ka Haka ʻUla ʻo Keʻelikōlani ʻoe.  Me ia mau manaʻo, he mau kiaʻi hoʻi kākou o kā kākou ʻōlelo i pili ai i ko kākou ʻāina aloha, ko kākou mau kūpuna aloha, a me kā kākou mau hanauna e hiki mai ana. Paio mau kākou!!! 

Hawaiʻi shall continue to be our most cherished and beloved place. These traditional words are the motto that will guide our progress for this year and is our theme for our annual Hawaiian Language and Cultural Event, PŪLAMA MAULI OLA. The t-shirt design is an original created by Nā Mākua Original Hawaiian Designs. Through the 40+ years of fighting to revitalize our language and for the right to teach in the public education system through the Hawaiian language; our battle never ends. We are at the stage of preserving and flourishing what we have to make it stronger and more productive for the next generation to follow through. Our culture and our language are alive and well amongst us, but we are still just a small portion of our entire state. We still have battles to conquer and people to convince that this fight is a way of life. Our spears must always be sharp just as our knowledge of the past, present and future must always be sharp to be sure that our culture and language is embedded in our history now and for many years to come. We continue to raise our spears up in protection of our ʻōlelo, our lawena, our ʻike kuʻuna, and our pili ʻuhane, as a culture that thrives from the land around us, the kupuna before us, and our generations to come. 

ʻO ka mahalo ʻana i ka hoʻoilina na ka poʻe kahiko i mālama a hoʻoulu ma luna o nā hanauna hou, a pēlā nō hoʻi i pā ai kākou me nā keiki me nā ʻōpio he hoʻopūnana nō ia i ka manaʻolana no ka wā e hiki mai ana.  “A Hua a Pane, a Pane a Hua.” Na ke keiki hoʻopāpā na Kalapana ia ʻōlelo e hōʻike ai i kona ʻaʻa i ka ʻimi i ka lanakila. ʻO ia ʻōlelo kuʻuna kaulana ka mākia e hoʻokele ana i ka holomua o kākou i kēia makahiki a me kā kākou hanana kūikawā, ʻo Pūlama Mauli Ola. ʻO ka lau paleʻili o kēia makahiki, he lau hou i haku ʻia e Nā Mākua Original Hawaiian Designs. He hoʻohanohano hoʻi kēia lau i ka poʻe ʻimi ʻike, ʻo ka poʻe hoʻomākaukau nui, ʻo ka poʻe hoʻokō hoʻi; ʻo ka poʻe like hoʻi me Kalapana i kaulana i kēia hana hoʻopāpā. E ʻaʻa mau ana nā ʻano mea like ʻole iā kākou ma ke ola a na kākou ka ʻae a me ka hōʻole. Akā ma ka ʻae ʻana, he kuleana ko laila e hoʻomākaukau pono a e hoʻokō aku nō. He kū hōʻailona kēia papamū a me ka pāʻani kōnane i kēia mākia no kona ʻano kālailai a me nā ʻano alaina like ʻole e ʻaʻa ana paha iā kākou. ʻO ka wai ma ka lau he hōʻailona pū kēia o ka loli mau o ke ola a me ko kākou ʻimi mau ʻana i ka lanakila ma luna o nā alaina a me ko kākou ʻaʻa mau ʻana i ka lanakila ma nā pōʻaiapili like ʻole. Me ia manaʻo, e hoʻohana noʻeau ʻia ka ʻike o nā kūpuna i waiho ʻia no kākou a e paio like kākou no ka pono nui. Ola!!! 

 We join together in appreciation of the inheritance that our ancient forebarers maintained and grew with subsequent generations, postitively affecting us, our children, and our youth. This inheritance forms a nest for our hopes for the future before us. “A Hua a Pane, a Pane a Hua;” ʻShow your knowledge with an answer, give an answer that produces knowledge.’ These words come from Kalapana, the boy famous for his expertise in Hoʻopāpā verbal dueling. They were used by him to demonstrate his courage in seeking victory. Those traditional words are the motto that will guide our progress for this year and is our theme for our annual Hawaiian Language and Cultural Event, PŪLAMA MAULI OLA. The t-shirt design is an original created by Nā Mākua Original Hawaiian Designs. This design was inspired by the great riddlers of old Hawaiʻi such as Kalapana. As with all games of skill, as in life, the challenge is offered and accepted with a response. Kōnane was used as a symbol of these challenges in life. Like life, kōnane is a game of strategy, where our success is often based on our response to actions against us, but to truly master the game, we must see the bigger picture and initiate action to create the outcomes we desire. Like water these outcomes are fluid, always changing, as we respond to life, and it responds to us. We display our knowledge and an answer that produces knowledge will be given. This is the game we call life.

Ma ka noho ʻana i kēia ao kanaka nei, he pili mai nei nā kānaka o nā moʻo kuahiwi mamao o ka ʻāina. Ua ʻōʻā ʻia nā laina manana o nā moʻokūʻauhau ʻohana he lehulehu, ʻaʻole o kana mai nā moʻolelo kāʻokoʻa o nā piliolana kaʻawale.   Hihi kaunaʻoa, hihi Mānā, aloha wale ia lāʻau kumu ʻole. Hoʻokahi nō naʻe moʻo e piʻi aku ai kākou, e nā makamaka.  Hoʻokahi kākou i ke aloha ʻāina.  Hoʻokahi kākou i ka ʻōlelo Hawaiʻi.  Hoʻokahi kākou i ka mauli ola Hawaiʻi.  ʻO ia aʻela ko kākou moʻolelo hoʻokahi e kani ai moʻopuna, a ola loa kākou.  E piʻia aku nō. In this world we live in, we are in contact with all types of people from all over the world.  Our genealogies are mixed with countless ethnicities; our individual stories are numerous beyond compare.   It is too easy to become entangled like the rootless kaunaʻoa vine covering Mānā. There is, however, only one succession by which we will advance as a people.  We are united in aloha ʻāina.  We are bonded in our language.  We are one in our mauli ola.  We shall press on.

 “HOʻOKAHI NŌ MOʻO E PIʻI AKU AI.” ʻO kēia hoʻi kā kākou mākia no ka makahiki kula a me kā kākou hanana kūikawā, ʻo Pūlama Mauli Ola. ʻO ka lau paleʻili o kēia makahiki, he lau hou i haku ʻia e Nā Mākua Original Hawaiian Designs. ʻO nā pōʻai ʻekolu he mau kū hōʻailona i nā piko 3 o kākou a he pilina hoʻi i nā māhele 3 o ke aukahi hōʻola ʻōlelo Hawaiʻi, ʻo ka Pūnana Leo, Nāwahīokalaniʻōpuʻu a me Ka Haka ʻUla ʻO Keʻelikōlani. Ua hoʻohana ʻia ka ihe laumeki a me ka hala he mau kū hōʻailona i ka wā i hala a me ka wā e hiki mai ana me ka paio ʻana no ka pono o ke ola o ka ʻōlelo Hawaiʻi. Hōʻike ʻia ka hala ma ʻekolu ʻano ʻokoʻa no ka hōʻike ʻana i ka pae pēpē, ka pae ʻōpio me ka pae makua o kā kākou papahana a me ko kākou piʻi mau ʻana ma ke ala hoʻokahi.  This is our theme for this school year and for our annual Hawaiian Language and Cultural Event, PŪLAMA MAULI OLA. The t-shirt design is an original created by Nā Mākua Original Hawaiian Designs. The three circles of the design are significant of our 3 piko or our spiritual connection, our ancestral connection, and our geneological connection to incorporate our three entities, Pūnana Leo, Nāwahīokalaniʻōpuʻu, and Ka Haka ʻUla. The ihe laumeki spear and the pandanus fruit are used to symbolize our past and foundation and our present forward movement. The inner circle of hala represents the young fruit of the keiki Pūnana Leo, the center ihe laumeki symbol shaped as a mature hala fruit signify the growing strength of the youth, and the lauhala weave in the outer ring symbolizes Ka Haka ʻUla the mature student or adult intertwined together. These 3 rings are in progression for continual growth of our culture and language.

I ke ola loa o nā kūpuna, a kau i ka pua aneane, a pala lauhala, a haumakaʻiole.  Pili aku nā moʻopuna i aloha nui ʻia, puana aʻela ke noi koʻikoʻi o ke ola kū hanauna, "I KUA NAʻU."  Ili ke kuleana i nā pulapula e noho ana i ke ao nei, a ola nā iwi kūpuna o ka pō.  E ola loa kākou.  E ola ka ʻōlelo Hawaiʻi. ʻO kēia hoʻi kā kākou mākia no ka makahiki kula a me kā kākou hanana kūikawā, ʻo Pūlama Mauli Ola. ʻO ka lau paleʻili o kēia makahiki, he lau hou i haku ʻia e Nā Mākua Original Hawaiian Designs. ʻO ke kāʻeikua, he lau ʻohe kāpala no uka a no kai, ʻo ia hoʻi nā hana me nā haʻawina a pau e hoʻoulu ai iā kākou ma ko kākou ola kanaka ʻana. ʻO ke kanaka me ka ʻauamo ma kona kua,ʻo ia hoʻi ka hōʻailona o ko kākou ʻauamo ʻana i nā ʻano kuleana like ʻole e ola ai kākou. ʻO ke kalo hoʻi, he kū hōʻailona i nā hanauna hou a kākou e hoʻoulu nei a me ka pilina ma waena o nā kūpuna, nā mākua, a me nā keiki ma ka hoʻōla ʻana i ka mauli Hawaiʻi o kākou. 

As kūpuna reach the extremities of life, the closest loved ones gather close.  In this critical moment, generations of youth and vigor plead, "I KUA NAʻU."  As their legacies are born on the backs of their descendants, kūpuna who have passed into the night live on forever. We shall live forever.  E ola ka ʻōlelo Hawaiʻi. This is our theme for the new school year and for our annual Hawaiian Language and Cultural Event, PŪLAMA MAULI OLA. The t-shirt design for this year is an original created by Nā Mākua Original Hawaiian Designs. The backgroud of the design is a tradtional bamboo stamp pattern that reminds us of the different responsibilites and learning opportunities that arise in our lives. The person carrying the ʻauamo stick on his back signifies our kuleana in fulfilling the various responsibilities in life and our growth as a people through these life long lessons. The kalo is our connection to our past, our present, and our future generations. 

 ʻO kēia hoʻi kā kākou mākia no ka makahiki kula a me kā kākou hanana kūikawā, ʻo Pūlama Mauli Ola. ʻO ka lau paleʻili o kēia makahiki, he lau hou i haku ʻia e Nā Mākua Original Hawaiian Designs. ʻO ke aku ma ke kāʻeikua o ka lau, he kū hōʻailona i ka iʻa nui a i ʻole ka pahuhopu a kākou e ʻimi mau ana. ʻO ke aho a i ʻole ke kaula e hilo ʻia nei, ʻo ia hoʻi kākou, ka poʻe e ʻimi mau ana i ka pahuhopu a ʻo ka mākau, ʻo ia hoʻi ka pono hana e loaʻa mai ai ka iʻa nui. ʻO ka uliuli āhiehie ka waihoʻoluʻu o ka paleʻili. He wiwoʻole ka lawaiʻa loea ma ka huki ʻana mai i kāna iʻa nui mai loko mai o ke kai hohonu.  E like me ke ʻoʻoleʻa wīkani o kona mau lima, pēia pū ko kākou ikaika ma ka ʻimi ʻana i ka naʻauao mai loko mai o ko kākou mauli Hawaiʻi e pūlama ʻia nei. He mākaukau ka lawaiʻa o ke kai hohonu ma nā kuleana a pau e pili pū ana i kāna ʻoihana hanohano.  E like me kona kilo ʻana i nā ʻōuli o ka lani a me nā ʻale o ke kai, pēia pū ko kākou kuhikuhi pono ʻana i nā au iki a me nā au nui o ka ʻike makamae o kūpuna. He hānai manawaleʻa ka lawaiʻa o ka iʻa nui i ka ʻōpū o ka ʻohana, ʻaʻohe lā pōloli.  E like nō hoʻi me kona mālama ʻana i ka māʻona mau o nā makamaka lehulehu o uka, pēia pū ko kākou laulaha ʻana o ka ʻōlelo Hawaiʻi ma nā kihi a pau o ka ʻāina. He lawaiʻa kākou o ke kai hohonu o ka iʻa nui.

This is our guiding focus for this school year as well as our theme of our annual event, Pūlama Mauli Ola. The design for this year’s shirt is a new design created by Nā Mākua Original Hawaiian Designs and integrated in this design are symbols related to our theme. The aku fish swimming in the background symbolize our goals that we continue to accomplish. The cordage that is being braided to create fishing line symblize us, the people that are striving for our goal and the hook being the tools that we use to achieve our goals. The shirt will be a lighter shade of blue this year. The master fisherman is fearless in drawing up his fish from within the depths of the ocean.  Just as the tendons of his hands are strong, so is our strength in our pursuit of the wisdom lying within our identity as Hawaiians. The fisherman of the deep sea is prepared in all aspects of his honored profession. Just as he observes the omens of the skies and the swells of the ocean, so are we carefully aware of the vast expanses and the minute details of our ancestral knowledge. The fisherman of the giant fish of the sea feeds the stomachs of his families. Just as he cares for the hunger of his loved ones far and wide, so do we spread the Hawaiian language to every corner of the earth. We are fishers of the giants of the deep sea. 

Me ke ohohia i hoʻomaka ai ko Ka Hoʻolako hoʻolālā ʻana i kā kākou hanana nui, ʻo Pūlama Mauli Ola.  I kēia makahiki, e mālama ʻia ana ʻo Pūlama ma ka lā 14 o Pepeluali, 2015 ma ke kahua kula o Nāwahī. Ua kumu ka mākia ʻo "He ʻĀina Ke Aloha" mai loko mai o ka hoʻokāʻau ʻana i ka ʻōlelo mana kahiko, ʻo "He Aloha ʻĀina." ʻO ia aloha ʻāina ke kia kaulele kūāmau a nā ʻahi kananā o ke aupuni mōʻī i sila paʻa ʻia i loko ma ka ʻimi mau ʻana i ka pono o ko Hawaiʻi nei a puni. Pēia hoʻi, he ʻāina, he honua paʻamau hoʻi o kēlā me kēia, ia mea he aloha e kia kaulele ai ko kēia au i ka pono nui o ko Hawaiʻi nei a puni. ʻO ka lau paleʻili o kēia makahiki, he lau hou i haku ʻia e Nā Mākua Original Hawaiian Designs. Loaʻa hoʻi nā kū hōʻailona no ke aliʻi, no ke kanaka, ʻo ia hoʻi ke kalo, a me ka wai, ʻo ia hoʻi ka ʻōlelo e ola mau ana ma waena o kākou a pau. He ʻāhinahina ka waihoʻolulu o ka paleʻili. 

With excitement, Ka Hoʻolako has begun planning for our school-wide event, Pūlama Mauli Ola.  Pūlama will be on Saturday, February 14th, 2015 at Nāwahī. Our Pūlama Mauli Ola theme this year, “He ʻĀina Ke Aloha,” is a play on the traditional phrase, “He Aloha ʻĀina, which demonstrates a deep love for the land. This perspective shall continue to flourish and remind us of the connection between our land and our people; without our land, we would simply not be who and where we are today. As we move forward together in unity, our Hawaiian language movement shall remind us to always seek the greater good for the land and her people. The design for this year’s shirt is a new design created by Nā Mākua Original Hawaiian Designs and integrated in this design are symbols of our cheifs, our people (the taro), and our language (the water).  The teeshirt will be dark gray this year. The interweaving of the symbols represent the respect and love of the land that will always guide us on a path of righteousness to assure our Hawaiian perspective, the vibrancy of our culture, our land, our people, and most of all, our own Hawaiian language. He ʻĀina Ke Aloha!!! Ola!!!

Me ke ohohia i hoʻomaka ai ko Ka Hoʻolako hoʻolālā ʻana i kā kākou hoʻoulu kālā nui, ʻo Pūlama Mauli Ola.  I kēia makahiki, e mālama ʻia ana ʻo Pūlama ma ka lā 15 o Pepeluali, 2014 ma ke kahua kula nō ʻo Nāwahī.  ʻOiai ʻo kēia ka piha makahiki 20 o Ke Kula ʻO Nāwahīokalaniʻōpuʻu, ua koho ʻia he mākia no kā kākou papahana, e hoʻomanaʻo ana i ka nuʻukia o ke kula o Nāwahī, ʻo ia hoʻi ʻo “NO ʻANEʻI NŌ KO KĀKOU OLA.”   E aʻoaʻo mai ana ia ʻōlelo iā kākou i ka mea nui o ko kākou kuleana ma ka ʻohana, ma ke kula, a me ka huakaʻi hele o ke ola. Ma ka pōʻaiapili o ko kākou ʻāina, ma ka ʻike ʻana i nā moʻolelo nui a me nā moʻolelo liʻiliʻi kākou e kamaʻāina piha ai. He paipai pū ia ʻōlelo iā kākou e ʻimi i nā moʻolelo o ka wā ma mua a e hoʻohui pū me ko kākou ʻike o kēia au i naʻauao hou aʻe kākou no kēia ʻāina aloha nui ʻia.ʻO ka lau paleʻili o kēia makahiki, he lau hou i haku ʻia e Nā Mākua Original Hawaiian Designs.  Ma ia lau e ʻike ʻia ai ka pūhala e wehiwehi ai ko kākou ʻāina nei ʻo Puna.  E laʻa hoʻi me nā ʻaʻa o ka   pūhala, he pilina paʻa ko kākou i ka ʻāina. He kū hōʻailona kēia i ka pilina i nā kūpuna a me ko kākou kuleana ma ke ao nei no nā hanauna e hiki mai ana. 

With excitement, Ka Hoʻolako has begun planning for our school-wide fundraiser, Pūlama Mauli Ola.  Pūlama will be on Saturday, February 15th, 2014 at Nāwahī.  Since this is the 20th anniversary of Ke Kula ʻO Nāwahīokalaniʻōpuʻu, the theme we have chosen is  “NO ʻANEʻI NŌ KO KĀKOU OLA.” “Our greatest contributions are made in our homeland.” This saying reminds us of the importance of knowing our responsibility in our ʻohana, our school and our life journey in a complete fashion, the apparent as well as the subtle attributes of our homeland.  Through this idea we are encouraged to seek out the knowledge, big and small, of our kupuna, so that our foundation may be grounded in the past and strong enough to carry the weight of all modern knowledge we aim to acquire. The design for this year’s shirt is a new design created by Nā Mākua Original Hawaiian Designs. In this design we see the pandanus, or hala tree, that is abundant in Puna. Like the hala tree, we are all connected to our roots or ancestors, sending out new roots, and creating a strong and stable foundation for the future generations. This continues to remind us where we come from, where we are now, and where we are going in our life journey.

Me ke ohohia i hoʻomaka ai ko Ka Hoʻolako hoʻolālā ʻana i kā kākou hoʻoulu kālā nui, ʻo Pūlama Mauli Ola.  I kēia makahiki, e mālama ʻia ana ʻo Pūlama ma ka lā 16 o Pepeluali, 2013 ma ke kahua kula nō ʻo Nāwahī.  ʻOiai ʻo kēia ka 10 o nā makahiki e mālama ʻia ai ʻo Pūlama Mauli Ola, ua koho ʻia he mākia no kā kākou papahana, e hoʻomanaʻo ana i ka ʻāina nona mai ko kākou ola, ʻo Hawaiʻi mokupuni.  “ʻIke i ke Au Nui me ke Au Iki o Hawaiʻi, Hawaiʻiloa, Hawaiʻinuiākea.”  E aʻoaʻo mai ana ia ʻōlelo iā kākou i ka mea nui o ka ʻimi mau i ka piha o ko kākou ʻike.  Ma ka pōʻaiapili o ko kākou ʻāina, ma ka ʻike ʻana i nā moʻolelo nui a me nā moʻolelo liʻiliʻi kākou e kamaʻāina piha ai.  He paipai pū ia ʻōlelo iā kākou e ʻimi i nā moʻolelo o ka wā ma mua a e hoʻohui pū me ko kākou ʻike o kēia au i naʻauao hou aʻe kākou no kēia ʻāina aloha nui ʻia. ʻO ka lau paleʻili o kēia makahiki, he lau hou i haku ʻia e Nā Mākua Original Hawaiian Designs.  Ma ia lau e ʻike ʻia ai kekahi mau hiʻohiʻona kamaʻāina o Hawaiʻi mokupuni, e like hoʻi me Maunakea lāua ʻo Maunaloa.  ʻO ka lā e piʻi ana i hope o nā mauna, he lehua ia e kū hōʻailona ana no ka pua nani e wehi mau ai.  ʻO nā huinakolu i loko o nā mauna he mau hōʻailona no nā kūpuna o ka wā i hala a no nā hanauna hou o ka wā e hiki mai ana.  A, ʻo ke kai, ua kaha ʻia kohu moena ulana ʻia e kū hōʻailona ana no ka pilina i waena o ke ao kūlohelohe me ke ao kanaka e ola pū nei nō.

With excitement, Ka Hoʻolako has begun planning for our school-wide fundraiser, Pūlama Mauli Ola.  This years event will take place on Saturday, February 16th, 2013 at Nāwahī.  Since this will be Pūlamaʻs 10th year, the saying we have chosen as our theme is “ʻIke i ke Au Nui me ke Au Iki o Hawaiʻi, Hawaiʻiloa, Hawaiʻinuiākea.”  “Know the big waves and small waves of Hawaiʻi, Hawaiʻi in its length, Hawaiʻi in its breadth.”  This saying serves to remind us of the importance of knowing, in a complete fashion, the apparent as well as the subtle attributes of our homeland.  Through this idea we are encouraged to seek out the knowledge, big and small, of our kūpuna, so that our foundation may be grounded in the past and strong enough to carry the weight of all modern knowledge we aim to acquire. The design for this years shirt is a new design created by Nā Mākua Original Hawaiian Designs.  In this design we see some familiar land features of Hawaiʻi such as Maunakea and Maunaloa.  The sun rising in the background also symbolizes the lehua flower that adorns our island home.  The big and small triangles within the mountains represent the past, present and future generations, and below that, the sea is portrayed as a woven mat, reminding us of the delicate balance of co-existence between the natural world and man.

Ua hoʻomaka mākou, ʻo Ka Hoʻolako, i ka hoʻolālā ʻana a me ka hoʻolaukaʻi ʻana i kā kākou ʻimi kālā ʻo Pūlama Mauli Ola e mālama ʻia ana ma ka lā 18 o Pepeluali, 2012. No laila, makemake kākou e ʻoka koke i nā paleʻili no ia hanana i mākaukau kākou no ia lā. Ua haku ʻia kahi lau hou no kēia makahiki e Nā Mākua Original Hawaiian Designs. ʻO ka ʻōlelo ma ka paleʻili o kēia makahiki, ʻaʻole hoʻi he ʻōlelo kahiko, he ʻōlelo naʻe ia no loko mai o ke mele huakaʻi e hoʻomanaʻo ana  iā Puna, ʻo ia ka mākia o Pūlama Mauli Ola 2012.  I ka wā ma mua mai, ua ʻōlelo ʻia, “Inā ʻaʻole i ʻike iā Puʻulena, ʻaʻole i ʻike iā Puna.”  ʻO ia hoʻi, ʻaʻole i hiki i ke kamahele ke ʻōlelo no kona kamaʻāina iā Puna, inā ʻaʻole i hōʻea aku i ke kapakai o Puʻulena ma Kaimū mā.  I kēia mau lā nō naʻe, ua uhi ʻia ia kapakai i ke ʻā pele a paʻa nā hune one liʻiliʻi a pau o ia ʻaekai he kilohana pōhaku pele.  A no laila, he hoʻomanaʻo kēia ʻōlelo ʻo,“Hune one o Puʻulena, ʻĀina Kilohana a ka Wahine,” iā kākou, i ka mea nui o ka paʻa o nā moʻolelo o ko kākou ʻāina i loko lilo, ʻoiai i loko nō o ka loli o ka wā a me ka ʻāina nō paha, ʻaʻohe mea i hiki ke haʻi mai i ko kākou pilina i ia ʻāina ke naʻauao no nā moʻolelo aloha ʻāina o ko kākou moʻokūʻauhau ponoʻī. Ma ka lau o ka paleʻili e ʻike ʻia ai nā hōʻailona kaulana o Puna, e like hoʻi me nā meakanu wehi o ka ʻāina ʻo ka lehua, ʻo ka hala, a ʻo ka hāpuʻu, a e like hoʻi me ka mākau lawaiʻa, nā iʻa o ke kai, ka makani Puʻulena, a me ke ʻā pele e kaulana loa ai ia ʻāina ʻo ia ka home noho o ka wahine o ka lua. 

Ka Hoʻolako has started the planning and organization of our schoolwide fundraiser, Pūlama Mauli Ola,that will take place on Saturday, February 18th, 2012. We encourage all ʻohana to order their shirts early in order to prepare for this event. A new design was created this year by Nā Mākua Orignal HawaiianDesigns. The saying on this yearʻs shirt is “Hune one o Puʻulena, ʻĀina Kilohana a ka Wahine,” which translates to, “The sands of Puʻulena, now a revered prize land of Pele.”  Although it is not a traditional ʻōlelo noʻeau, it is an ʻōlelo noʻeau created particularly for this yearʻs Pūlama theme: Puna, that reminds us of a very important saying amongst kūpuna, “If you have not seen Puʻulena, you have not seen Puna.”  According to tradition, Puʻulena was a beautiful beach in Kaimū, famous for the scent of līpoa.  If one had not been lucky enough to have ventured into the heart of Puna to experience Puʻulena, one could not properly say he had been to Puna.  The shores of Puʻulena, however, have since been covered by Peleʻs flow, and now sit beneath the revered prize lands of Pele, and although we are not able to visit Puʻulenaʻs sandy shore, this ʻōlelo noʻeau reminds us that if we retain the knowledge held in the many moʻolelo aloha ʻāina, we are able to visit Puʻulena still, and say that we have truly seen Puna. In the design of the shirt, the famous elements of Puna are symbolized: the lehua, the hala and the hāpuʻu, fishhooks of the fisherman and various fishes of the sea, the Puʻulena wind, and of course the lava of Pele.

"Hō mai lā ko mālamalama." He kū hōʻailona kēia lau o ko kākou mauli Hawaiʻi ʻana. E mau ana ka ʻike, ka naʻauao, a me ka ʻimi ʻana i ia mālamalama i loko o kākou pākahi a pau. Ma o ka lā, nā lau kukui, nā lau ʻohe kāpala, a me ka lau o ka ulana lauhala, e wehi mau ai kākou i ia lei o ka mālamalama. Ua ao Hawaiʻi, ke ʻōlino nei.

Bestow upon us your radiant light.... inspired by this olelo, this design is a representation of that inner light within all of us. At the center is the sun, the piko, with its radiant energy framed by kukui, enlightenment. It is the energy that inspires us, manifesting itself in the many ways we express ourselves such as the patterns of ʻohe kapala and the intricate weaving of lauhala.