Mahalo palena ʻole i nā kānaka i hāʻawi pau i ko lākou ola no ka pono o ke ola o ka ʻōlelo Hawaiʻi. I 40 makahiki aku nei ua paio hahana a palaualelo ʻole nā alakaʻi wiwo ʻole ma ka paio naʻauao ʻana i ke aupuni no ka hoʻonaʻauao ʻia o nā keiki ma ko kākou ʻōlelo makuahine o Hawaiʻi nei. Ma muli o ke kuʻupau, ua wale ʻia ke ala hele no kākou i kēia lā me nā hanauna e hiki mai ana. ʻO ke kaʻau hua o nā koa wiwo ʻole i kūpaʻa mai kinohi loa, eia ke ku nei a puni ka paeʻāina o Hawaiʻi kilohana. He ʻōlelo ola ka ʻōlelo Hawaiʻi a ʻaʻole loa kākou e ʻae hou i ke kāohi ʻia o ko kākou ʻōlelo makamae. E ola ka ʻōlelo Hawaiʻi a e ola hoʻi nā papahana ʻōlelo Hawaiʻi no 40 hou aku makahiki a mau loa aku. He Hawaiʻi mau a mau! Kaʻau hua, kaʻau Ola!