E kau ka haliʻa! E nanea mai i nā kiʻi a me nā wikiō o nā makahiki i hala e ʻike ahuwale ai i ka ʻoiaʻiʻo o ke ola o ka ʻōlelo, ka moʻomeheu, a me ka mauli ola Hawaiʻi mālamalama i loko o kēia hanana kupaianaha ʻo Pūlama.  

Enjoy past Pūlama through images and videos and see the life of our language and culture thrive within our aukahi hoʻōla ōlelo Hawaiʻi.

Pūlama 2024

I ka hoʻi ʻana o ka ʻauwaʻa lawaiʻa i ka paena waʻa o Keanapuka, aia ma nā kōā manamana ʻehā o ka lawaiʻa nā kāuna ʻōpelu e hānai ana i nā lehulehu o Makaweli, Waimea a me Kekaha. Noho nui maila nā ʻohana e ʻai pū i ia mau kaʻau iʻa a me nā ʻumeke poi nō hoʻi kekahi i hoʻowali ʻia i ka wai kahi o Mānā. Ma muli o ia mau kanahā iʻa i hoʻomāhele ʻia, ua ola loko i ke aloha. As the fishing fleet would return to Keanapuka landing, those fishermen would scoop up ʻōpelu four at a time in the gaps of their fingers and feed everyone from Makaweli, Waimea, and Kekaha. Families would come together and partake in those dozens of fish, eaten alongside calabashes of poi mixed with the unifying water of Mānā. As a result of those forty-folds of fish, vitality from within was nourished with love.

He hoʻokahi kaʻau makahiki aku nei, e kilo aku ana ko kākou mau poʻo lawaiʻa i ke kū ʻana mai o nā iʻa e hoʻīnana hou ai i ka lāhui. ʻO kēlā hālō ʻana i ka moana, ʻo ia ka noho ʻakahi ʻana o ka ʻAha Pūnana Leo i ka makahiki 1983. A hala aʻe ka makahiki keu, hao ana ka lima o ka lawaiʻa e kaʻana aku i nā hua maikaʻi o kāna hana ma ka Pūnana Leo o Kekaha i Kauaʻi. Ma laila aʻe, ua māhuahua aʻe i Hilo, i Honolulu, i ʻō, i ʻaneʻi, i kēlā, i kēia kūʻono o ko kākou ʻāina aloha nei. Ua ʻike aku nei kākou he kaʻau makahiki o ka hua ʻana o kā kākou papahana, he kaʻau makahiki o ke ola loa ʻana. Ke kiʻei aku nei nō naʻe nā maka o nā poʻo lawaiʻa i waho o ka moana, no ka mea, aia ke pōloli mau nei ka lāhui i kēlā mau kāuna ʻōpelu ʻono o ke kai. Na kākou e hoʻomalele hou aʻe i ka ʻōlelo Hawaiʻi o kākou a lau ka makahiki o ke ola loa ʻana! Forty years ago, our master fishermen predicted that schools of fish would rise up to reinvigorate our people. Those overseers looking out into the open ocean in 1983 turned out to be the genesis of the ʻAha Pūnana Leo. One year later, the hands of those master fishers would again disperse the fruits of their labors at the Pūnana Leo o Kekaha in Kauaʻi. From there our movement would grow to Hilo, Honolulu, and to every corner of our beloved land. We have witnessed forty years of success and forty years of vitality, and yet, the gaze of our lead fishers are fixed on the horizon, as our people continue to crave those same foursomes of ʻōpelu, as they have for countless generations. It is our duty to continue to distribute our Hawaiian language among those hungry families until our forty years of success reaches another four hundred!

Pūlama 2023

Ma hope o nā haʻawina paʻakikī i ʻalo ʻia ma nā makahiki i hala iho nei, ua pōloli paha kākou i ka wī ʻana o nā ʻono like ʻole. ʻAʻole nō naʻe kākou e hoʻi pākahi i nā kīhāpai kaʻawale e paʻa ai ka houpo ponoʻī iho nō. Akā, e ala huliāmahi kākou i ka hoʻoulu hou ʻana he māla kūāhewa nui o ka naʻauao. ʻAʻohe naʻe kanaka e koe ma ka ʻaoʻao! Aia nā alakaʻi hanohano, aia nā keiki hiwahiwa, pēlā pū nā ʻohana noho papa, a me nā ʻohana mamaka hou. E ʻoni huliāmahi ko kākou mau lehulehu no ka lewa wale ʻana o kā kākou papahana, a māʻona ka ʻōpū o ko kākou lāhui aloha. After the hard lessons we have endured in these recent years, we may find ourselves craving certain delicacies that are now in short supply. However, we should not retreat to our individual gardens to satisfy our solitary stomachs. Instead, let us rise up, unified together, to reinvigorate our vast and fertile fields of knowledge. All of us! From our dignified leaders, to our cherished children, from our families who have been around for generations, to our brand new ʻohana. Although we number so many, we must move in unison to realize the success that is possible, so that the yearning bellies of our beloved nation can continue to be fed.  

ʻO ka lau i haku ʻia e Nā Mākua Original Hawaiian Designs, he lau hoʻi e kū hōʻailona ai i kēia ʻōlelo mākia o kēia makahiki kula. ʻO ka ʻulu, he ʻai nā kānaka e ola ai ke kino. He hōʻailona pū kēia ʻo ka ulu o nā hanauna a me ka ulu o ka ʻohana hoʻōla ʻōlelo Hawaiʻi. He piha makahiki 40 kēia o ka ʻAha Pūnana Leo, e puka ana ka papa 25 mai Nāwahī aku, a he piha makahiki 20 kēia ʻo ka Pūlama Mauli Ola, he lanakila hoʻi kēia no kā kākou papa hana. Ma ia ulu ʻana o ka papahana, e laha hou aku ai ke ola o ka mauli Hawaiʻi i ʻō a ʻō. E huliāmahi like kākou!  This design that was created by Nā Mākua Original Hawaiian Designs represents the guiding theme of this year. The breadfruit is a traditional food of our people. Figuratively, it represents the growth of our students and our Hawaiian language family. 2023 is a significant year: ʻAha Pūnana Leo celebrates 40 years, Nāwahī will graduate it’s 25th class, and this is the 20th anniversary of Pūlama Mauli Ola, a momentous and celebratory time. As our program flourishes, our Hawaiian essence will be bountiful in all aspects of life. Let us unify together in the process! 

Pūlama 2022

He au hou kēia o kākou, e Hawaiʻi, e noho nei. ʻO ko kākou noho ʻana o ka wā i hala, ua hala. Ua kūpono ke kūkulu hou ʻana. Aia nō naʻe ia kūkulu hou ʻana ma luna o ke kahua paʻa pono, e like me ke aʻo kaulana o kūpuna. No laila mai ka mākia o kēia makahiki kula 2021-2022, “E paepae hou ʻia ka pōhaku.” I paʻa maila ko kākou kahua hale hou. A maluhia nā pua i ka lulu mālie o ka naʻauao. E ala e nā kini, i mua a loaʻa ka lei o ka lanakila.  People of Hawaiʻi, we find ourselves living in a new era. Our lifestyle of the past has passed. It is time to rebuild. We must, however, reconstruct our lives on a solid foundation, just as it is said in that famous teaching of our kūpuna. That is where our motto for the 2021-2022 school year comes from. “E paepae hou ʻia ka pōhaku.” Re-set the stones, so that our home’s foundation is solid. That is how our future generations will be able to enjoy the peaceful serenity of knowledge. Rise up, and move forward to secure the garlands of victory. Na Pāʻani Kelson

ʻO ka lau i haku ʻia e Nā Mākua Original Hawaiian Designs, he lau hoʻi e kū hōʻailona ai i kēia ʻōlelo mākia o kēia makahiki kula. ʻO nā pōhaku i paepae ʻia ma nā pūʻulu 3 ma lalo o ka lau, ʻo ia hoʻi nā honua e hoʻoulu ʻia ai ka mauli Hawaiʻi o kākou: ʻo ka honua ʻiewe, ka honua kīpuka, a me ka honua ao holoʻokoʻa. ʻO nā huinakolu o luna ka hale e hōʻike ana i ko kākou mau piko ʻekolu: ʻo ka piko ʻĪ, ʻo ka piko ʻŌ, a me ka piko ʻĀ, ʻo ia hoʻi ka pilina akua i ka lāhui, ka pilina i nā kūpuna me nā mākua, a me ka pilina i nā hana a kākou me nā hanauna e hiki mai ana. This design that was created by Nā Mākua Original Hawaiian Designs represents the essence of our theme for this school year. The interlocking pōhaku shown in three groups of triangles on the bottom represent the places where our mauli is expressed: the close ties to our family, the extended protected environment, and the entire world. The triangular lines firmly supported by the pōhaku form the hale which is embodied by our three connecting centers of our mauli: the spiritual ties to our fontanel, the navel that connects us to our ancestors, and the reproductive area which represent the future generations and all that we create and establish.

Pūlama 2021

I Kumu, I Lau, I Ola!

I loko nō o nā ālaina like ʻole o ka makahiki 2021 i hoʻokū i ka ʻākoakoa maʻamau ʻana o kākou no kā kākou hanana kūmakahiki, ua kūpaʻa nō a kō ka pahuhopu. Ua hoʻopaʻa ʻia nā wikiō i hoʻolele ʻīwā ʻia ai. Ua wae ʻia nā ʻelele haumāna o nā pae papa a pau loa a ua mālama nō i ka hōʻikeʻike haumāna. Ua ʻākoakoa nā puʻukani maʻamau o kā kākou papahana a ua nani hoʻi ka hua. Ua hoʻolele ʻīwā ʻia ka papahana a ua kākoʻo ʻia e nā ʻohana he nui i noho a nanea i hanana ma ka ʻenehana i kahi maluhia a palekana o ka hale. Eia mai ka wikiō o ka papahana o ka makahiki 2021. Despite the challenges and changes in 2021 that prevented us from gathering as usual, we fulfilled our kuleana. Videos were created and student representatives were chosen from each grade level to gather in person and showcase hula and mele. Our usual musicians gathered to perform together in the piko and the entire program was broadcasted live to all our ʻohana who enjoyed the event in the comfort and safety of their own homes. Here is the video of our 2021 Pūlama program. 

Pūlama 2020

Pūlama 2019

Pūlama 2018

Pūlama 2006-2014