JARRERA MAHAI AURREAN
Ordenagailu baten aurrean eserita ordu asko ematen dituztenek edo ikasten denbora asko ematen dutenek "jarrera txarra" izatearen ideia dute askotan, bizkarreko, gerrialdeko edo zerbikaletako mina izaten baitute.
Niri gertatzen zait, eta ziur nago oso gaizki esertzen naizela. Aulkian zuzen jartzen saiatzen naiz, baina beti edonola amaitzen dut...
Has gaitezen jarrera hori zer den argitzen, ziurrenik akatsa hor hasiko baita. Ezin dugu jarrera gauza estatiko bat gisa ulertu, posizio mugiezin bat, modu ezin hobean lan egiteko. Jarrera hori balitz ere, ezinezkoa litzateke gorputz-tentsio guztiak ezabatuko lituzkeen posizio zehatz perfektu bat zehaztea, hori ez da existitzen.
Jarrera gauza dinamiko gisa ikusten hasi behar dugu. Gure gorputzak jarrera-doikuntzak egiten ditu etengabe, eskatzen diogun zeregin bakoitza egiteko, baita eserita egotea bada ere.
Beraz, ezin dugu esan jarrera "ona" edo "txarra" denik; egituretan estres gehiago edo gutxiago sortzen duten jarrerei buruz hitz egingo dugu ordez. Argi dago bizkarra zuzen duzula esertzen bazara aulkian, gorputz-pisuaren karga modu homogeneoagoan banatzen dela, eta, ondorioz, zure gorputzaren zati batek soilik ez duela estres mekaniko hori guztia jasotzen, baina horrek ez du estres mekanikoa desagertzea egingo.
Estres mekanikoa desagertzen ez bada... ez al dago modurik bizkarreko mina kentzeko? Zerbait egin dezaket, ezta?
Hain ohikoak diren eragozpen horiek saihesteko modua honako hau da:
1- Aurkitu posizio eroso eta neutroa, non zure gorputzaren pisua gutxi gorabehera banatuta egongo den, eta non denbora gehienean lan egin ahal izango duzun.
Ahaztu gomendio postural orokor eta robotiko horiek, eroso egon behar duzu lan egin ahal izateko.
2- Egin sarritan jarrera-aldaketa nabarmenak, ez zentimetro batzuk bakarrik, aldatu gorputzaren posizioa osorik.
Jarri mahaiaren gahinean bermatuta, gero bizkarraldean, gurutzatu hankak pixka batean, oinak bermatu, hurbildu edo urrundu idazmahaitik... mugitu!
Eta ahal bada, zutitu, ibili, hartu haize freskoa, luzaketa sinpleren bat egin, mugimendu zabalago eta aktiboagoak. Ez zenuke ordubete baino gehiago eman behar mahaialdean.
3- Identifika ezazu zein den zure "puntu" ahula, eta, profesional baten laguntzarekin, luzaketa-errutina bat eta indartzeko ariketak sor itzazu, zure bizkarra osasuntsu mantentzen lagunduko dizutenak.
Ez konplitu, bilatu luzaketa pare bat eta ariketa pare bat bakarrik, egunean 10 minutu bakarrik egiteko, zure gorputza aktibo eta osasuntsu mantentzeko.
Baina, batez ere, egon zaitez aktibo. 8 orduz lo egiten baduzu, 8 orduz eserita lan egiten baduzu, lanera autoz joaten bazara eta sofan esertzen bazara egunero Netflix-eko pasarte pare bat ikustera, astean 2 aldiz gimnasioan ordubete egiteak ez dizu zure bizimodu sedentarioari aurre egingo. Mugitu!
