打馬膠

（台灣童謠）施福珍 詞曲

打馬膠，粘著跤，叫阿爸，買豬跤，

豬跤箍仔，滾爛爛，飫鬼囡仔流喙涎。

一的抄米香

（流傳唸謠）

一的抄米香，二的抄韭菜，三的強強滾，四的抄米粉。

五的五將軍，六的六子孫，七的蚵仔飼麵線，

八的講伊卜分一半，九的九嬸婆，十的撞大鑼。

打你千打你萬，打你一千零五萬，羞羞羞袂見笑，

猜輸唔甘願，玩輸起蝦龜，唔甘願起蝦龜，

我卜來去投老師，投老師。

大箍呆

（傳統唸謠）

大箍呆哎喲白目眉，無人請你就家己來。

來來大箍呆炒韭菜，燒燒一碗來，冷冷阮無愛。

大箍呆炒韭菜，燒燒一碗來，冷冷阮無愛。

大箍呆，到今你才知，到今你才知。

天烏烏

（台灣北部民謠）

天烏烏，卜落雨，阿公仔夯鋤頭仔卜掘芋。

掘啊掘，掘啊掘，掘著一尾辿鰡鼓，

咿呀嘿都真正趣味。

天烏烏，卜落雨，阿公仔夯鋤頭仔卜掘芋。

掘啊掘，掘啊掘，掘著一尾辿鰡鼓，

咿呀嘿都真正趣味。

阿公仔卜煮鹹，阿媽仔卜煮汫。

二個相拍弄破鼎，咿呀嘿都啷噹叱噹嗆，哇哈哈。

阿公仔卜煮鹹，阿媽仔卜煮汫。

二個相拍弄破鼎，咿呀嘿都啷噹叱噹嗆，哇哈哈。

弄破鼎，弄破鼎，弄破鼎，咿呀嘿都啷噹叱噹嗆，

哇哈哈，哇哈哈，哇哈哈，哇哈哈。

西北雨直直落

（台灣童謠）黃敏 配曲

西北雨直直落，鯽仔魚卜娶某。

鮕鮐兄拍鑼鼓，媒人婆仔土虱嫂，

日頭暗揣無路，趕緊來火金姑，

做好心來照路，西北雨直直落。

西北雨直直落，白鷺鷥來趕路。

搬山嶺過溪河，找無岫跋一倒，

日頭暗卜怎好，土地婆做好心來帶路，

西北雨直直落。

客家歌謠–童年夢

（劉平芳）涂敏恒 詞曲

回想往事多美好，细人仔趣事一米蒌，

故鄉後背有山河，點點滴滴記在腦，

童年夢真真假假，少年伴情無價，

春夏秋冬飛似梭，世事只從忙中老，

故土難離，親人難捨，懷念介事當多。

月光光，

月光光秀才郎，船來等，轎來扛，

一扛扛到河中央，一扛扛到河中央，

蝦公毛蟹拜龍王，蝦公毛蟹拜龍王，

龍王腳下一蕊花，龍王腳下一蕊花，

拿分阿妹轉妹家，拿分阿妹轉妹家，

轉到妹家笑哈哈。