2024-2025

IKASTURTE BERRIA: JADA 3. MAILA

2024-2025 ikasturtea abiatu dugu bi ikastalde berrirekin. Bigarren zikloaren lehen urtea izanik, erronka berriei aurre egiteko ilusioz hasi dugu denok ikasturtea. Pozik bizi eta asko ikasi!

Hona hemen gure taldeak.

3 A

3 B

DEBAKO AUZOAK EZAGUTZEN

Udazkenarekin batera eta lehen gaiarekin lotuz, Debako auzo nagusiak aztertzeko irteera egin genuen urriaren amaieran. Lehenbizi Itsaspen izan ginen, eta bertako kanpina ezagutzeko aukera izan genuen Egoitz nagusiari esker.

Handik Elorriaga auzora abiatu ginen. Auzoko plazatxoan hamaiketakoa egin eta San Sebastian Ermita bisitatu genuen.

Ondoren, Itziarko auzo udalean eskola erakutsi ziguten. Zabalzoro frontoian bazkaldu eta atseden hartu genuen.

Bukatzeko, Itziarko poligonoan zehar autobusez bueltatxoa eman eta Lasturren amaitu genuen gure auzoetako irteera.

Eguraldiak lagun, primeran pasa genuen gure auzoak ezagutzen.

ITSASPE

ELORRIAGA

ITZIAR

LASTUR

ZIENTZIA MUSEORA IRTEERA

Airea gora eta airea behera, zientzia museora irteera!!

Lehenengo, museotik bisita gidatua egin genuen. Zenbat gauza interesgarri ikasi genituen! Fakirraren ohe gainean etzan eta... ene, zenbat giltze zazta egin nahian, baina ez genuen minik hartu!

Pisua, ispiluen labirintoa, argiaren gela, polea... ikusi genituen eta argi izpi eta koloreekin jolastu ere.

Ondoren, egin zizkiguten esperimentuekin gozatu genuen.

Bazkalostean, airea hartuz pixka bat jolastu eta berriz ere museora sartu ginen. Gure kasa museoko jarduera eta jolas ezberdinetan aritzeko aukera izan genuen.

A ze egun ederra igaro genuen!

KIMIKALARI BATEKIN ESPERIMENTATZEN

Otsailak 10ean, astelehena, zientzia asteari hasiera emateko, Goizane kimikalaria etorri zen eskolara eta aireari buruzko hainbat esperimentu egin zizkigun.

Oso interesgarria izan zen eta pila bat gustatu zitzaigun! Eta zenbat ikasi genuen...

Mila esker Goizane! Hurrengo ikasturtean berriz zain izango zaitugu!

ORAINGOAN GEU ZIENTZIALARI

Zientzia astearekin jarraituz, oraingoan geu izan ginen zientzialariak. Asteartean, Haur Hezkuntzako 3 urtekoengana joan ginen aireari buruzko esperimentuak egitera. Globo bat airez bete eta aire hau askatzean, CD bat nola mugitu daiteken ikusi genuen, airezko sugea ere biraka jarri genuen eta tutulu batekin, putz eginez, pilotatxoa dantzan jarri ere bai. Azkenik, tamaina ezberdineko paraxuten lasterketa egin genuen, leihotik bota eta ezetz asmatu zein iritsi zen lehenengo lurrera?

Esperimentuak prestatzen eta egiten asko ikasteaz gain, pila bat disfrutatu geneun eta txikiekin, zer esanik ez!

DCa ETA GLOBOA

SUGEA ETA TUTULUA PILOTATXOAREKIN

PARAXUTAK

PARAXUTEN LASTERKETA

2. MAILAN ERE ZIENTZIALARIAK

Zientzia asteari amaiera emateko, 2. mailara joan ginen eta hainbat esperimentu egin zizkiguten. Gainera, esperimentu hauetan, beraiekin parte hartzeko aukera ere izan genuen. Asko gustatu zitzaizkigun! Eskerrik asko 2. maila!

...

INAUTERIAK

Otsailaren 28an inauteriak ospatu genituen. Mozorrotu eta gure akroesport espektakulua egiteaz gain, besteen emanaldiaz ere gozatu genuen. Dantzatu, jolastu eta txokolatea ere hartu genuen! Egun zoragarria benetan!

AKROSPORT 3B

AKROSPORT 3A

Ze goxoa txokolatea gailetekin!

Aupa 3. mailako artistak!

...

MARTXOAK 8

EMAKUMEAREN NAZIOARTEKO EGUNA

Bihar emakumearen nazioarteko eguna dela eta, gaur eskolan egun berezia izan dugu. Egun honen garrantziaz jabetzen gara eta egunerokotasunean berdintasunaren alde lanean jarraitu beharraz ere bai.

Gu ere feministak gara!

FEMINISMOA = BERDINTASUNA

...

ARANTZAZUKO PARKETXEA!

Ekainak 6an, ostirala, Arantzazuko parketxera joan ginen.

Ba al dakizue zergatik izena duen Arantzazu? Badirudi, artzain batek, ardiak bazkatzera zeramatzan bitartean, arantza artean, amabirjina ikusi zuela. "Arantzan zu?"- galdetu zion. Eta hortik omen dator bere izena.

Inguruak ezagutzeko ibilalditxo bat egin genuen. A ze paisaiak! Ustekabeko lagun bat ere egin genuen eta gurekin egin zuen hamaiketakoa. Astoa alajaina!

Meteorologo izateko hastapenak ere egin genituen, interesgarria izan zen benetan!

Bukatzeko Ipar orratza mapa batean kokatu eta mapako hainbat puntu aurkitzen ikasi genuen. Ondoren, puntu horietara joan ginenean hainbat pista aurkitu genituen eta testu bat osatu genuen pista horiekin. Benetako esploratzaileak sentitu ginen eta oso ongi pasa genuen!

Bukatzeko, Arantzazuko santutegia ere ezagutu genuen eta bertan dagoen, hormairudiz eta beste objektu interesgarriz osatuta dagoen lurrazpiko kripta ere bai.

...

DEBAKO PADURAK

Ekainak 12an, osteguna, Debako Padurak ikustera joan ginen. Diegok, hainbat azalpen eman zizkigun eta ondoren, taldeka, padurako landare ezberdinen argazkiak aurrean hartuta, bilatu genituen. Azkenik, bertako fauna aztertu genuen.

Arratsalde ederra pasa genuen!

...

EKOSISTEMA

Ekosistemak landu ditugunez, bukaerako lana, taldeka maketa eta honen aurkezpena egitea izan da. Asko ikasi dugu eta gainera super gustora aritu gara lanean!

Lehorrekoa: Oihana

Lehorrekoa: Basamortua

Uretakoa: Ibaia

Mistoa: Kostaldea

Uretakoa: Antartika

...

Kurtso amaiera, eguraldi ederra, oporrak hartu nahi ditugu, baina elkarren faltan izango gera.

Ondo pasa, disfrutatu, ondo merezitako oporrez gozatu eta hurrengo kurtsorako pilak kargatu.

Muxu potolo bat eta besarkadak denontzat, munduko poztasun guztia gure 3. maila jatorrarentzat!

Page updated

Report abuse