SITUACIÓN DE APRENDIZAXE

Contexto

O alumnado de 6º de Primaria enfróntase a un reto de investigación dentro da súa propia aula: descubrir quen cometeu un crime ficticio a través da análise de 12 pistas. Esta actividade intégrase no proxecto anual da biblioteca e fomenta a aprendizaxe significativa, a resolución de problemas e o traballo en equipo.

Xustificación

A proposta conecta cos intereses do alumnado a través dun xogo de misterio que lles permite desenvolver pensamento crítico, competencias lingüísticas e sociais. O feito de que toda a clase participe como un único grupo investigador fomenta a comunicación, a negociación e a toma de decisións colectivas. Ademais, contribúe á dinamización da aula como espazo activo de aprendizaxe.

Obxectivos

• Mellorar a lectura comprensiva e a interpretación de mensaxes en diferentes formatos.

• Desenvolver estratexias de dedución e razoamento lóxico.

• Traballar a expresión oral e escrita en lingua galega.

• Favorecer a conversa, o diálogo e o consenso como ferramenta para resolver retos.

• Promover a biblioteca e a aula como espazos de aprendizaxe colaborativa.

Competencias Clave

• CCL: Comprensión e produción de textos orais e escritos.

• CP: Razoamento lóxico e resolución de problemas.

• CD: Uso de recursos dixitais de apoio cando sexa necesario.

• CPSAA: Estratexias para aprender a aprender.

• CC: Participación activa, diálogo, respecto polas ideas dos demais.

• CE: Creatividade na busca de solucións.

Desenvolvemento

1. Cada mércores, ao longo de 12 semanas, preséntase unha pista nova na aula.

2. A pista pode adoptar diferentes formatos (texto manuscrito, imaxe, obxecto simbólico, documento encriptado…).

3. O gran grupo (toda a clase) analiza xuntos a información.4. Realízase un debate colectivo no que cada alumno/a pode achegar as súas hipóteses.

5. A clase debe chegar a un consenso sobre como encaixar esa pista na resolución global do misterio.

6. Na derradeira sesión, coa pista número 12, o grupo debe presentar a súa conclusión final: quen é o culpable e por que.

Avaliación

Instrumentos:

• Observación directa da participación e das intervencións no debate.

• Rexistro de aportacións individuais ao proceso colectivo.

• Valoración final da explicación conxunta do misterio.

Criterios de avaliación (Decreto 157/2022):

• Comprende e interpreta información en distintos soportes.

• Aplica estratexias de dedución e razoamento lóxico.

• Participa activamente en conversas, respectando as quendas e as opinións alleas.

• Coopera na construción dun discurso común para resolver o reto.

Produto final

O produto final é a resolución consensuada do misterio, acompañada dunha explicación oral e

escrita por parte do grupo, recollendo os pasos seguidos para chegar á conclusión.

Temporalización

A actividade desenvólvese ao longo de 12 sesións de 50 minutos, unha cada semana, concretamente

os mércores.