ACLE Recruitment, matagumpay na idinaos

Alyssa Gael D. Aquino

MANILA, Philippines — Matagumpay na idinaos ang Alternative Classroom Learning Experience (ACLE) Recruitment Week 2024 sa pamamagitan ng ACLE Exhibit sa ikalawang palapag ng St. Vincent Ferrer Building ng Colegio de San Juan de Letran-Manila, mula Lunes hanggang Huwebes, Agosto 19 - 22, 2024.

Pinangunahan ang ACLE Recruitment ng Letran Senior High School Student Council (LSHSSC) kasama sina Bb. Mylene Masangya, Student Council Adviser, at G. Jerry Escultura, Student Development Coordinator. 

Sa isang pahayag ay pinasalamatan ni G. Escultura ang Letran Student Council at bawat clubs moderators sa pag oorganisa para sa panuruang taong 2024 ACLE recruitment. 

“This event would not have been possible without the invaluable assistance of our LSHS Student Council, who played a key role in planning the exhibit and facilitating the recruitment process and our club moderators, with the support of their members, made a significant effort to promote their respective clubs,” wika niya.

Dagdag pa ni G. Escultura, patuloy ang trabaho ng kanilang departamento upang matulungan ang mga estudyanteng hanggang ngayon ay hindi pa rin miyembro ng kahit anong club.

“The Student Development, in collaboration with the LSHS Student Council, is working diligently to help these students find the right club that aligns with their interests,” pagsisiguro niya.

Binubuo ang ACLE ng iba’t ibang kategorya simula sa Religious Clubs; Letran SHS St. Vincent Liem de la Paz Youth Ministry, Socio-Civic Clubs; Letran SHS Danza En Ritmo Performing Group, Letran SHS The Templar, Letran SHS Impresarios Guild, Letran SHS - Squires Athletic Alliance, at ng Academic Clubs; Letran Senior Squires Executives - LSSE, Letran SHS Creative Hub, The Letran SHS Erudites, at Letran SHS Team of Quatre Epices. 

Nagkaroon ng matinding pagbuhos ng ulan sa unang araw ng recruitment na sinabayan pa ng volcanic smog (Vog) mula sa pagputok ng Bulkang Taal, dahilan upang ituloy ang ACLE recruitment noong Agosto 20 gamit ang Google Workspace kung saan sumailalim ang ilang mag-aaral sa online application gaya ng pagpasa ng portfolio, video presentation, at iba pa. 

“The exhibit is for our fellow Senior Squires to fully discover what club may help them to grow holistically and nurture their skills and capabilities,” wika ni Stephen Ray Pastrana, ang Pangulo ng LSHSSC. 

Higit pa rito ay pinasalamatan din ni Pastrana ang mga naging dahilan ng matagumpay na ACLE exhibit ngayon taon. 

Samantala, sa panayam kay Denize Reiyan Lomboy ng STEM11D, sinabi niyang hindi lamang nakaaaliw ang naturang exhibit kung hindi ay informative at engaging din. 

“Hindi siya boring or overwhelming, instead, parang guided journey siya through the exploration of the different clubs po, and I think po it’s a great way of recruitment,” ani Lomboy.

Dagdag pa niya, naipakita rin ang core values at objectives ng bawat clubs mula sa kanilang mga visual aids, infographics, at charts.

Bilang pampanid na gawain, kinilala ng LSHSSC ang mga nagwagi bilang “Best ACLE Exhibit” ngayong taon, kabilang na rito ang Letran SHS Le Toque sa unang gantimpala, ang Letran SHS The Templar sa ikalawang gantimpala, at ang Letran SHS Creative Hub naman ang itinanghal para sa ikatlong gantimpala.

Samantala, patuloy pa ring tumatanggap ng mga miyembro ang mga sumusunod na clubs: Letran SHS Executives, Erudites, Le Toque, Danza En Ritmo, Impressarios Guild, at Vincent Liem de la Paz Youth Ministry.