Luperci et alii

L’espressione “per urbem” nell'Eneide

II, vv.246-249: Troia

Tunc etiam fatis aperit Cassandra futuris

ora dei iussu non umquam credita Teucris:

nos delubra deum miseri, quibus ultimus esset

ille dies, festa velamus fronde per urbem.

IV, vv.300-303: Cartagine

Saevit inops animi totamque incensa per urbem

Bacchatur, qualis commotis excita sacris

Thyias, ubi audito stimulant trieterica Baccho

orgia nocturnusque vocat clamore Cithaeron.

IV, vv.663-666: Cartagine

Dixerat, atque illam media inter talia ferro

conlapsam aspiciunt comites, ensemque cruore

spumantem sparsasque manus. it clamor ad alta

Atria: concussam bacchatur Fama per urbem.

VII, vv.373-377: Laurento

His ubi nequiquam dictis experta Latinum

contra stare videt, penitusque in viscera lapsum

serpentis furiale malum totamque pererrat,

tum vero infelix ingentibus excita monstris

immensam sine more furit lymphata per urbem.

VIII, vv.554-555: Pallanteo

Fama volat paruam subito vulgata per urbem

ocius ire equites Tyrrheni ad limina regis.

VIII, vv.663-666: Roma

Hic exsultantis Salios nudosque Lupercos

Lanigerosque apices et lapsa ancilia caelo

Extuderat: castae ducebant sacra per urbem

Pilentis matres in mollibus.

VIII, vv.714-716: Roma

At Caesar, triplici invectus Romana triumpho

moenia, dis Italis votum inmortale sacrabat,

maxuma tercentum totam delubra per urbem.

IX, vv.473-475: Accampamento troiano (cfr. Eneide, IX, 48 “urbi”)

Interea pavidam volitans pinnata per urbem

nuntia Fama ruit matrisque adlabitur auris

Euryali.

IX, vv.783-784: Pallanteo

Unus homo, et vestris, o cives, undique saeptus

Aggeribus, tantas strages inpune per urbem

ediderit?

XII, vv.608-611: Laurento

hinc totam infelix volgatur fama per urbem:

demittunt mentes: it scissa veste Latinus

coniugis attonitus fatis urbisque ruina,

canitiem inmundo perfusam pulvere turpans.