لە ڕیزبەندی زانکۆکانی ئاسیای تایمز ٢٠٢٣، هەشت زانکۆی عێراق پێگەیەکی گرنگیان لە کێبڕکێکان بەدەستهێناوە.

ئەنجامە فەرمییەکانی ( Times Higher Education 2032 - Iraq ) بریتی بوون لە هەڵسەنگاندنی ( شەش سەد و شەست و نۆ) زانکۆ لە سی و یەک وڵاتەوە، لەوانە عێراق تێیدا بەشدار بوون ، زانکۆی بابل لە پلەی ( ١٩٩ ) دا هات،  پاشان زانکۆی تەکنەلۆجیا لە پلەی ( ٢٥١-٣٠٠ )، دواتر زانکۆی ئەنبار لە پلەی ( ٣٠١-٣٥٠ )، زانکۆکانی بەغدا و موسڵ و المستنصرية لە پلەی ( ٥٠١-٦٠٠ )، و بەسرە و کوفە ( ٦٠١ + )

شایەنی باسە ڕیزبەندنی تایمزی زانکۆکانی ئاسیا بە پێی پێنج پێوەری بنەڕەتی هەڵدەسەنگێندرێت لەوانە :

• خوێندن ٢٥٪،

• توێژینەوەی زانستی ٣٠٪،

• سایتەیشن ٣٠٪،

• تێڕوانینی نێودەوڵەتی ٧.٥٪،

• گواستنەوەی زانیاری ٧.٥٪.

شایەنی باسە زانکۆ و پەیمانگاکانی عێراق لە ڕیزبەندیە نێودەوڵەتیەکاندا لە ڕکابەریدان و لە هەوڵی بەدەستهێنانی تۆمار بەرزدان، لەوانەش لە ڕیزبەندی جیهانی شەنگەهای (Global Ranking of Academic Subjects) بۆ بابەتەکانی ئەکادیمی، کە تیایدا زانکۆی بەغدا لە چوارچێوەی پسپۆڕی ئەندازیاری کیمیادا پلەیەکی باشی هەیە و لە ڕیزبەندیەکەدا دەردەکەوێت، لە ڕیزبەندنی (The Times) دا، تێیدا هەشت زانکۆی عێراق هەڵکەوتوون و لە ڕیزبەندیەکەدان، هەروەها لە ڕیزبەندنی  (QS) دا پێنج زانکۆی تێدایە. پاشان زانکۆکان لە ڕیزبەندنی  (Greenmetric) دا حەفتا و سێ زانکۆ و پەیمانگای عێراقی تێیدایە و پێشبڕکێ دەکەن لە بەدەستهێنانی پلەکانی سەرەوەدا ، لە لایەکی ترەوە و لە ڕیزبەندنی (URA) دا چوار زانکۆی عێراقی تێیدا هەڵکەوتووە، ئەمە جگە لە ڕیزبەندنی (Webometrics)، کە تیایدا ناوی زیاتر لە سەد زانکۆ و پەیمانگای عێراقی تۆمارکراوە و ساڵانە لە پلەکانی پێشەوەی ڕیزبەندیەکەدان.

بۆ هەرێمی کوردستان ڕێزبەندیەکە بەم شێوەیەی خوارەوەیە:

• Catholic University in Erbil

• Cihan University – Erbil

• University of Duhok 

• Hawler Medical University

• University of Human Development

• Knowledge University

• Koya University 

• Salahaddin University 

• Soran University 

• Sulaimani Polytechnic University 

بەخشینی بڕوانامەی ڕیزلێنان بە فێرخوازانی بەشی زانستی کۆمپیوتەر لە وانەی Programming بە سەرپەرشتی ڕاگرایەتی پەیمانگە

وەک نەریتێکی ساڵانە و لە کۆتایی هەموو وەرزێکدا ( د. زانا عزیز کاکەرەش ) مامۆستا لە بەشی زانستی کۆمپیوتەر، لەو وانانەی دەیڵێتەوە، لەسەر بنەمای بەدەستهێنانی بەرزترین نمرە، فێرخوازی یەکەم و دووەم و سێیەم هەڵدەبژێرێت و ڕێزلێنانیان پیشکەش دەکات . لە کۆتایی ئەم وەرزەشدا شەش خوێندکار لە وانەی Programming لە سەر ئاستی سێمستەری دووەم هەڵبژێردران و لە لایەن ڕاگری پەیمانگەی تەکنیکی کوردستان بەڕێز پ.ی.د. ڕێبوار ملا نبی ڕێزلێنانیان پیشکەشکردن و لە وتەیەکیدا پاڵپشتی ڕاگرایەتی بۆ سەرجەم فێرخوازان دەربڕی و پیرۆزبایی سەرکەوتنی ساڵی یەکەمی لێکرد و هیوای سەرکەوتنی زیاتری بۆ خواستن. 

بەشی زانستی کۆمپیوتەر و بەشی ئەندازیاری دیکۆری ناوەوەوۆرکشۆپێکیان لەسەر پڕۆگرامی نێودەوڵەتی ITECHی وڵاتی هندستان ساز کرد

بەمەبەستی زیاتر ئاشنا کردن و هاندانی مامۆستایان و فێرخوازان د. زانا عزیز کاکەرەش مامۆستا لە بەشی زانستی کۆمپیوتەر و م. شایان سالار احمد سەرۆک بەشی ئەندازیاری دیکۆر وۆرکشۆپێکیان بە ناونیشانی (Enhancing Skills and Collaboration: The ITEC Programme) ساز کرد.

لە وۆرکشۆپەکەدا تیشک خرایە سەر پڕۆگرامی نێودەوڵەتی ITECH وڵاتی هندستان کە خۆی دەبینێیەوە لە پێشکەشکردنی چەندین کۆرسی جیاواز لە سەرجەم بوارەکاندا بۆ مامۆستایان و فێرخوازان بە بێ جیاوازی ، هەروەها باسیان لە شێوازی پێشکەش کردنی داواکاری کرد لەگەڵ ئەو پێویستیانەی کە پیشکەشکار پێویستە ئامادەیان بکات ، لەسەر چۆنیەتی شێوازی چاوپێکەوتن لە سەفارەتی هندستان .

بەڕێوەچوونی پانێڵی فێرخوازانی بەشەکانی زانستی کۆمپیوتەر و تەکنەلۆجیای زانیاری بە ناونیشانی "ڕێگاکانی پەرەپێدانی پڕۆژەی زانستی و چۆنیەتی بەشداریکردن لە فێستیڤاڵەکان"  بە سەرپەرشتی د. زانا عزیز کاکەڕەش. 

لە چوارچێوەی چالاکییەکانی پەیمانگە بۆ پەرەپێدانی ئاستی زانستی فێرخوازان، پانێڵی " تێڕوانین و ئامۆژگاریی فێرخوازان لەسەر چۆنیەتی پەرەپێدانی پڕۆژەی زانستی سەرکەوتوو و شێوازی بەشداریکردن لە فێستیڤاڵەکانی پەیوەست بە زانست و تەکنەلۆژیا" بەڕێوەدەچێت لە ڕۆژی سێ شەممە ڕێکەوتی ٩/٥/٢٠٢٣. 

پانێڵستەکان ئەزموون و شارەزاییە کەسییەکانیان لە بوارەکانی وەک دروستکردنی بیرۆکە ، دیزاینکردنی بەرنامە ، بەشداریکردن لە فیستیڤاڵ و بەڕێوەبردنی پڕۆژە، ، بەیەکەوە باس دەکەن. سەرەڕای ئەوەش،  پانێڵستەکان تیشک دەخەنە سەر سوودەکانی بەشداریکردن لە فێستیڤاڵەکان و ئاماژەدان بەو پڕۆژە سەرکەوتووانەی کە ناسنامە و بودجەیان بەدەستهێناوە. بە گشتی ئامانجی پانێڵەکە ئیلهام بەخشین و تەیارکردنی ئامادەبووانە بەو ئامراز و زانیاریانەی کە پێویستن بۆ سەرکەوتن لە کۆمەڵگەی زانستی و تەکنەلۆژیدا.