دیکۆرات لە تەلارسازیدا تەنها پەیوەندی بە جوانییەوە نییە- هەروەها دەتوانێت وەک سیستەمێکی ساردکەرەوەی کارا کار بکات. لە دیزاینە تەقلیدییەکانی ئێران، هیندستان، ئەندەلوس و مەغریب، ئیلیمێنتە دیکۆراتییەکانی وەک مەشرەبییە و سکرینی جالی و ڕووبەری نەخشێنراو بە نەخشی زەغرەفەی ئیسلامی بە زیرەکی بەکاردەهێنران بۆ ڕێگریکردن لە تیشکی توندی خۆر و ڕێگەدان بە هەواگۆڕکێی سروشتی و پاراستنی تایبەتمەندی و کەمکردنەوەی بەکارهێنانی وزە. توێژینەوەکان کاریگەرییەکانیان پشتڕاست کردۆتەوە: ڕووبەری دیکۆرات دەتوانێت هاتنە ژوورەوەی گەرمی بە ڕێژەی ٣٤% کەم بکاتەوە و داواکاری وزەی ساردکردنەوە تا ٢٨% کەم بکاتەوە. تەلارسازی مۆدێرن ئەم بیرۆکانەی زیندوو کردووەتەوە، پڕۆژەکانی وەک تاوەرەکانی ئەلبەهار لە ئەبوزەبی کە مەشرەبییەی ئیسلامی داینامیکی بەکاردەهێنێت  لەگەڵ خۆردا خۆیان دەگونجێنن و هاتنەژوورەوەی گەرمی و پێویستی ساردکردنەوە بۆ نیوە کەم دەکەنەوە. ئەم ڕێبازە نیشان دەدات کە چۆن دیکۆراتە کۆنەکان لەگەڵ دیزاینی پارامێتری و ماتریاڵێک کە توانای هەناسەدانی هەیە  دەتوانن ڕووکارێک بۆ بیناکان دروست بکەن کە لەگەڵ ژینگە خۆی بگونجێنێت ولەهەمان کاتدا لەڕووی کولتوورییەوە دەربڕینیان هەبێت. لە کۆتاییدا، دیکۆرات دەبێتە زیاتر لە ڕازاندنەوە- دەگۆڕێت بۆ چارەسەرێکی دیزاینی زیرەک و ڕەسەن و وەڵامدەرەوەی کەشوهەوا.