لە کتێبی (Mediactive ) کە لەلایەن دان گلیمۆر، نوسەری بواری تەکنەلۆژیا و بەڕێوبەری گشتی News Co/Lab لە بەشی ڕۆژنامەوانی زانکۆی ئەریزۆنا نوسراوە و چەندین رێنمایی کردەیی دەدات بە بەکارهێنەری میدیا لەسەردەمی دیجیتاڵیدا ، ئەم پەرەگرافە سەرنجڕاکێشە دێتە بەرچاو:

(بەخێربێن بۆ سەدەی ٢١ی میدیا، بەخێربێن بۆ سەدەی دیموکراسی و لامەرکەزی ڕیشەیی لە دروستکردن و بڵاوکردنەوە، کە هەرکەسێک دەتوانێت هەرشتێک بڵاوبکاتەوە، و هەروەها بدۆزێتەوە کە ئەوانیتر بڵاویانکردۆتەوە، بەخێربێن بۆ سەدەی زۆری زانیارییەکان. هەروەها بەخێرێبێن بۆ سەدەی سەرلەشێواوی : بۆ زۆرێک لە ئێمە، ئەم سەلێشێواویە لە لافاوێک دەچێت لە لێشاوێک داتادا دەمانخنکێنێت، بەشێوازێک نەتوانین بڕیار لەسەر ڕاست و دروستییان بدەین. مرۆڤ تەنیایە ئەگەر نەزانیت باوەڕ بەچی بکات، بەڵام لەڕاستیدا،  پێشتر هەرگیز ئەوەندەی ئێستا ڕێگامان لەبەردەستدا نەبووە، بۆئەوەی باش و خراپ لەیەکتر جیابکەینەوە: چەندین ئامراز و تەکنیک هاتووەنەتە ئاراوە لە ئەنجامی هەمان ئەو پێکدادانەی کە لەنێوان  میدیا و زانیارییەکان ڕوویداوە و  سەرلێشێواویان دروستکردووە. هەروەها ئەوە لە بیر مەکە گرنگترین ئامراز لەنێو هەمویاندا مێشکت و زانینخوازی خۆتە. 

ئەم دەقەی سەرەوە هەرچەند کورتبێت هەڵگری مانای قوڵە، ئەو بارودۆخەیە کە ئێستا مرۆڤایەتی پێیدا تێدەپەڕێت، دەمانخاتە بەردەم پرسیارێکی قوڵ لەسەر وجودمان لەناو ئەم پێکدادانە ئاڵۆزەی میدیا و زانیارییەکان، دەمانوەستێنێت و کەمێک بیردەکەینەوە، چەندین پرسیاردێت بە مێشکماندا. بەڕاست چۆن نەخنکێن لەناو ئەم هەموو سەردێڕە هەمەچەشنە، پۆلیس لە دادگا بەشەق لە خوشکێکی تارقی بەقاڵ دەدات، کەسوکاری تارقی بەقاڵ سوکایەتییان بە دادگا کردووە، قوباد تاڵەبانی داوای لێبوردن لە خوشکەکەی تارقی بەقاڵ دەکات، داوای لێبووردنەکەی قوباد تاڵەبانی خۆڵکردنە چاوی خەڵکە، ……هتد، ئەمە نموونەیەکی بچووک بوو کە چەند ڕۆژێکە لەسەر ئاستی ناوخۆی کوردستان زۆرترین قسەی لەسەر کرا.. باشە چۆن مرۆڤ پارێزراوبێت لە هێرشەکانی ئەم گوتارە جیاوازانە کە بەخەندەوە پێشکەشکارێکی دەنگ خۆش یان گۆرانیبێژێک  دەیئاخنێتە بوونمانەوە و  ڕەنگە تا ئاستی سلوک و هەڵوێست بڕوات.

پێشکەشکردنی سیمینارێک لە سکوڵی ڕۆژنامەوانی زانکۆی ئەریزۆنا- ویلایەتە یەکگرتووەکانی ئەمریکا

چەند سیمینارێکی زانستی سەبارەت بە زانیاری چەواشەکاری و هەڵە بۆ بەشداربووانی پرۆگرامی سوسی ڕێکخرا

سەردانێک بۆ کەناڵی تەلەفزیۆنی NBC, 12 NEWS