Heiti: Stuðningur í ensku. Fyrir eða eftir áramót.

Fyrir hverja: 8. og 9. bekkur

Námsmat: A-D

Kennari: Anna Kapitóla Engilbertsdóttir

Lýsing: Valgreinin er ætluð þeim nemendum sem vilja styrkja stöðu sína í ensku. Lögð verður áhersla á að þjálfa grunnfærni nemenda í töluðu máli og ritun, auk hlustunar.

Þessi valgrein er ekki heimanám en ef nemendur telja sig þurfa frekari þjálfun í ákveðnum atriðum tengd námsefninu fá þeir stuðning og verkefni við hæfi.

Námsefni frá kennara eða aðgengilegt á bókasöfnum

Heyrnartól

Ipad

Glósubækur

Heiti: Félagsmálafræði

Fyrir hverja:  8. bekkur

Námsmat: A-D

Kennari: Starfsmaður Kjarnans

Lýsing: Nemendur kynnast félagsstarfi unglingastigsins, hvernig það er uppbyggt og hvaða möguleika það býður upp á. Starfsemi félagsmiðstöðvarinnar er kynnt og hvernig hún er breytileg eftir því hvort hún er á félagsmiðstöðva-, svæða- eða landsvísu. Aðstaðan er kynnt, aðbúnaðurinn og sameiginleg tæki- og tól félagsmiðstöðvanna í Kópavogi (FÉLKÓ). Kynntir eru fjölbreyttir hlutverka-möguleikar í félagsstarfinu, sem auðveldar síðan hverjum og einum að finna hvað eigi best við sig. Unnið er með hópefli í gegnum leiki, spil, leiktæki o.fl. 

Nemendur áfangans vinna saman að dagskrárgerð fyrir félagsmiðstöðina, í samvinnu við nemendaráðið og starfsmenn félagsmiðstöðvar og skóla. Auglýsinga- og kynningarmál eru í höndum áfangans og sjá nemendur þannig um að búa til auglýsingar og kynna viðburði og dagskrá fyrir unglingastiginu í heild. Farið er í verkefna- og viðburðarstjórnun og í því tilliti sér áfanginn um undirbúning og framkvæmd ákveðinna dagskrárliða/viðburða (t.d. miðstigsviðburði) í félagsstarfinu. Nemendur taka einnig að sér stærri hlutverk yfir lengri tíma (sbr. tæknimál, sjoppuumsjón, aðstöðuuppbyggingu og önnur sérhlutverk). Hluti áfangans er því verklegur.

Fjallað er um unglingalýðræði. Komið er inn á hvernig unglingar í Kópavogi geta haft áhrif á sín mál á hverfa-, bæjarfélags- og landsvísu (sbr. Skólaráð, Nemenda- og ungmennaráð skóla og félagsmiðstöðva, Félkó (félagsmiðstöðvaráð Kópavogs), Ungmennaráð Kópavogsbæjar og Ungmennaráð Samfés). Kynnt eru þau ráð og nefndir sem unglingar Kjarnans og Kópavogsskóla sitja í (sem fulltrúar sinna samnemenda) og hafa þar ákveðin áhrif. Lögð er áhersla á upplýsingaflæði og hvaða leiðir hægt er að fara til að fylgjast með hvað er að gerast í málefnum ungs fólks hverju sinni. Hópurinn sækir nemendaráð skóla- og félagsmiðstöðvar heim og lærir af þeim um lýðræði.

Kynntir verða ýmsir uppbyggilegir afþreyingarmöguleikar auk þess að nemendur deila sín á milli reynslu sinni af áhugamálum sínum. Í kjölfarið gerir hver og einn afþreyingarlista um hvað viðkomandi langar að prófa, hverjir möguleikarnir eru á því sem valið er og þær forsendur sem þarf að uppfylla (s.s. kostnaður, aðbúnaður, aðstaða, tími o.fl.). 

Heiti: Framhaldsskólastærðfræði I. Eftir áramót

Fyrir hverja: 9. bekkur. Nemendur þurfa að uppfylla ákveðin hæfniviðmið stærðfræðinnar til þess að geta valið þetta valfag.

Námsmat: Námsmat er á vegum FÁ en lokapróf er tekið í Kópavogsskóla.

Kennari: Andri Þór Kristjánsson

Lýsing:  Valfag sem hentar þeim sem vilja áskorun í stærðfræðinámi sínu. Nemendur þurfa að ná lágmarksárangri um áramót í 9. bekk í stærðfræði til þess að geta tekið þennan áfanga. Áfanginn heitir STÆR1GR05 í Fjölbrautaskólanum við Ármúla og verða nemendur skráðir þar inn um áramót 2026. Andri kennir áfangann 1x í viku og styður við nemendur en annars er um fjarnám/sjálfsnám að ræða.

Framhaldsskólastærðfræði II hefur tvöfalt vægi vegna mikils heimanáms, þ.e. gildir sem eitt valfag yfir allt árið þó svo að einungis er kennt í hálft ár. Mjög mikilvægt er að nemandi treysti sér í sjálfstætt nám auk kennlustundar í Kópavogsskóla.

Heiti: Heimsstyrjaldirnar. Fyrir áramót.

Fyrir hverja:  8. og 9. bekkur

Kennari: Birna Björnsdóttir

Námsmat: A-D

Lýsing:  Í þessari valgrein kafa nemendur ofan í stærstu og áhrifamestu átök 20. aldar – fyrri og seinni heimsstyrjöldina. Stríðin mótuðu heiminn sem við búum í í dag – landamæri, stjórnmál, mannréttindi og alþjóðasamvinnu. Við skoðum heimildamyndir og annað efni sem tengist tímabilinu.

Heiti: Íslenska fyrir ÍSAT nemendur sem eru byrjaðir að tala íslensku

Fyrir hverja:  8., 9. og 10. bekkur

Kennari: Fjóla Benónýsdóttir

Námsmat: A-D

Lýsing:  Lærum íslensku með samræðum og spilum. Spil, orðaleikir, íslenskar hefðir, íslenskt samfélag -  alls konar fyrir krakka sem hafa náð smá valdi á íslensku en þurfa að æfa sig meira undir leiðsögn kennara.

Heiti: Forritun I. Eftir áramót.

Fyrir hverja: 8. og 9. bekkur

Kennari: Elfar Freyr Helgason

Námsmat: A-D

Lýsing:  Í þessum áfanga kynnast nemendur grunnatriðum forritunar á einfaldan og skapandi hátt. Við byrjum á Python sem er vinsælasta forritunarmáli í heimi, þar læra nemendur að skrifa sinn fyrsta kóða, nota breytur, lykkjur og skilyrði og leysa litlar þrautir með rökhugsun og útsjónarsemi, hanna jafnvel litlar reiknivélar sem geta reiknað út t.d. flatarmál. Þegar grunnurinn er kominn færum við okkur yfir í Scratch þar sem nemendur geta nýtt sömu hugmyndir til að búa til gagnvirka leiki, sögur og verkefni með sjónrænum kubbum.

Áfanginn leggur áherslu á að byggja upp sjálfstraust, sköpunargleði og hæfni til að leysa verkefni á eigin forsendum. Nemendur vinna fjölbreytt verkefni, bæði einstaklings- og hópverkefni, og fá tækifæri til að þróa sínar eigin hugmyndir í litlum forritunarverkefnum við gætum jafnvel haft kynningar þar sem nemendur kynna það sem þau hafa hannað.

Heiti: Framhaldsskólastærðfræði II. Fyrir áramót

Fyrir hverja: Þá nemendur í 10. bekk sem luku við Framhaldsskólastærðfræði I á vorönn í 9. bekk 

Námsmat: Námsmat er á vegum FÁ og er lokaprófið tekið þar.

Kennari: Andri Þór Kristjánsson

Lýsing: Valfag sem hentar þeim sem vilja áskorun í stærðfræðinámi sínu. Áfanginn heitir STÆR2AM05  (Algebra, föll og mengi) í Fjölbrautaskólanum við Ármúla og verða nemendur skráðir þar inn í september 2023. Andri kennir áfangann 1x í viku og styður við nemendur en annars er um fjarnám/sjálfsnám að ræða. Þessi áfangi telur inn í framhaldsskólanám og er 5 einingar.

Framhaldsskólastærðfræði II hefur tvöfalt vægi vegna mikils heimanáms, þ.e. gildir sem eitt valfag yfir allt árið þó svo að einungis er kennt í hálft ár. Mjög mikilvægt er að nemandi treysti sér í sjálfstætt nám auk kennlustunda í Kópavogsskóla.

Heiti: Heimanám og lestur. Fyrir eða eftir áramót, allt árið

Fyrir hverja: 8., 9. og 10. bekkur

Hvenær: Þriðjudagur kl. 8:00-8:30 og fimmtudagur kl. 8:00-8:30 - ath. mæting er báða dagana

Kennari: Birna Vilhjálmsdóttir

Námsmat: A-D

Lýsing:  Nemendur mæta tvisvar í viku og læra og lesa í stuttan stund  áður en skóladagur hefst. Þarna gefst t.d. gott tækifæri til þess að fá aðstoð við lokahnykkinn við prófundirbúning eða þann heimalærdóm sem ekki tókst að ljúka heima áður en tími hefst eða eiga rólega stund við lestur.

Heiti: Rúmfræði. Eftir áramót

Fyrir hverja: 9. og 10. bekkur

Námsmat: Lokapróf

Kennari: Andri Þór Kristjánsson

Lýsing: Horn, þríhyrningar, hringir, flatarmál, rúmmál og kynning á hornaföllum í tengslum við rétthyrnda þríhyrninga.

Námsmarkmið er m.a. að efla skilning á rúmfræði og ýmsum hugtökum henni tengd, þannig að nemendur.

1.   Þekki helstu tegundir horna og hornapara og kunni skil á einslægum hornum.

2.  Þekki ýmsar tegundir þríhyrninga, Kunni regluna um hornasummu þríhyrninga og geti reiknað út hornasummur annarra marghyrninga.

3.  Þekki reglu Pýþagórasar og geti sannað hana.

4.  Skilji eðli og tengsl einshyrnda þríhyrninga og eins þríhyrninga.

5.  Skilji helstu hugtök í sambandi við hringi og geti reiknað stærð horna við   hring.

6.  Öðlist nánari þekkingu og skilning á metrakerfum.

7.  Fái skýrari þekkingu á helstu flatarmyndum og geti reiknað flatarmál þeirra og ummál.

8.  Fái staðgóða þekkingu og skilning á rúmmálseiningum.

9.  Fái yfisrsjón yfir nokkur helstu þrívíddarhugtök og læri að reikna rúmmál þeirra og yfirborðsflatarmál.

10.Kynnist hornaföllum, tangens,sinus og cosínus og reglur sem um þau gilda varðandi rétthyrnda þríhyrninga.

Nemendur læri að nota þessar reglur til að finna óþekkt horn og hliðar rétthyrndra þríhyringa 

Heiti: Bíómyndaklúbbur. Allt árið.

Fyrir hverja: 8., 9. og 10. bekkur.

Námsmat: A-D

Kennari: Iðunn Haraldsdóttir

Lýsing: Langar þig til að horfa á góðar bíómyndir og ræða þær með öðrum? Í Bíómyndaklúbbi horfum við á klassískar íslenskar og erlendar kvikmyndir, ræðum söguþráðinn, persónurnar og það sem gerir myndirnar svona eftirminnilegar. Hér færðu að njóta kvikmynda, segja þína skoðun og kynnast kvikmyndum sem allir ættu að sjá. Fullkomið valfag fyrir alla bíóáhugamenn!

Myndir verða að hluta til valdar í samstarfi við nemendur en dæmi um myndir sem horft verður á:

-Sódóma Reykjavík

-Stella í Orlofi

-Dalalíf

-Monty Python

-Forrest Gump

-The Shawshank Redemption

Heiti: Enska – einstaklingsmiðaður undirbúningur fyrir framhaldsskólaensku – fyrir nemendur í 10. bekk.  Allt árið.

Fyrir hverja: Nemendur í 10. bekk 

Hvenær: Miðvikudagar 

Námsmat: A-D

Kennari: Anna Kapitola Engilbertsdóttir

Lýsing: Unnið verður út frá hæfni nemenda í lok 9. bekkjar. Stefnt er að því að styrkja færni nemenda í hlustun, tali, lestri og ritun. Áhersla er lögð á aukinn orðaforða, málfræði og skilning.

Farið verður sérstaklega í uppbyggingu ritgerða á framhaldsskólastigi ásamt heimildaskráningu. Námsefni verður aðlagað eftir þörfum nemenda, bæði hvað færni varðar og eins ef móðurmál nemanda er annað en íslenska. Námsefni mun endurspegla námsefni framhaldsskólanna. Nemendur sem hyggjast sjálfir skrá sig í fjarnám í framhaldsskólaensku fá aðstoð og stuðning við námið.

• Námsefni frá kennara eða aðgengilegt á bókasöfnum

• Heyrnartól

• Ipad eða fartölva (fartölva er æskilegri)

• Glósubækur 

Heiti: Enska fyrir byrjendur. Allt árið.

Fyrir hverja: 8., 9. og 10. bekkur

Námsmat: A-D

Kennari: Iðunn Haraldsdóttir

Lýsing: Valgreinin er ætluð þeim nemendum sem vilja styrkja stöðu sína og þurfa byrjendagrunn í ensku. Lögð verður áhersla á að þjálfa grunnfærni nemenda í hlustuðu og töluðu máli, ritun og málfræði. Alltaf er unnið markvisst með orðaforða. Valfagið er sett upp með ÍSAT nemendur í huga.

Heiti: Spilaklúbbur. Fyrir eða eftir áramót, allt árið.

Fyrir hverja: 7., 8., 9. bekkur

Kennari: Anna Guðný Ólafsdóttir

Námsmat: A-D

Lýsing:  Spilum á alls konar spil - borðspil og handspil.

Heiti: Stuttmyndagerð. Fyrir áramót.

Fyrir hverja: 7. og 8. bekkur

Hvenær: Miðvikudaga 

Námsmat: A-D

Kennari: Hlynur Þorsteinsson, leikari

Lýsing: Í þessum áfanga munum við læra hvernig sögur eru sagðar í formi kvikmynda og stuttmynda. Nemendur munu læra að koma auga á þá þætti sem gera góða sögu góða. Nemendur læra að sjá hvað þarf til þess að koma sögunni til skila í formi handrits og síðan í formi stuttmyndar.

Nemendur munu fá kennslu í tjáningu fyrir framan myndavél og öðlast þekkingu í þeim atriðum sem leikari þarf að vita til þess að leika í kvikmyndum. Notast verður við spjaldtölvur nemenda.

Meðal fyrirhugaðra verkefna.

-Hugmyndavinna

-Handritaskrif, atburðarskrá.

-Leiklist og tjáning

-Upptaka á mynd

-klipping

Stuttmyndagerð hefur tvöfalt vægi sem valfag vegna tímalengdar valfagsins, 80-100 mínútur hver tími

Heiti: Badminton. Fyrir áramót.

Fyrir hverja: 7., 8., 9. og 10. bekkur.

Hvenær: Miðvikudagar kl. 14:10-15:00 í Smáranum

Námsmat: A-D

Kennari: Ragnar Róbertsson

Lýsing: Badminton er skemmtileg íþróttagrein sem hægt er að stunda svo lengi sem maður stendur í fæturna.  Í ár er hægt að velja að mæta í Smárann einu sinni í viku til þess að æfa sig í badminton.  Lögð verður áhersla á að nemendur læri reglur leiksins og öðlist frekari færni með spaðann.  Auk þess að spila leikinn verður farið í ýmsa upphitunarleiki, gerðar verðar léttar líkamsæfingar og sett verður upp mót.  Farið verður í heimsókn í Tennishöllina og nemendur fá að kynna sér bæði tennis og padel.

Heiti: Lopapeysan mín. Eftir áramót

Fyrir hverja: Nemendur í 8.-10. bekk

Námsmat: A-D

Kennari: Árný Jóna Stefánsdóttir

Lýsing: Nemendur mæta í eina klukkustund í hverri viku í eina önn. Nemendur velja sér lopapeysu úr lopablaði, hefur möguleika á að útfæra eða breyta mynstri að vild í samráði við kennara. Notast verður við plötulopa og prjónastærð 4mm.

Heiti: Smiðjur og klúbbar. Hægt að velja fyrir og eftir áramót eða allt árið.

Fyrir hverja:  8., 9. og 10. bekkur

Námsmat: A-D

Kennari: Kjarninn félagsmiðstöð 

Lýsing: Nemendur geta tekið þátt í ýmsum smiðjum og klúbbum. Stíll hönnunarkeppni, danskeppni, spurningakeppni, söngkeppni, skreytingar, leiktæki, spil og leikjatölvur. Nemendur hafa mikil áhrif á það sem gert er í þessu vali.

Heiti: Nemendaráð. Allt árið

Fyrir hverja: 8., 9. og 10. bekkur

Námsmat: A-D

Lýsing: Hér gefst þeim nemendum sem eru í nemendaráði að fá þá miklu vinnu metna sem valgrein. 

Ekki er hægt að skrá sig í þennan áfanga heldur þarf að gefa kost á sér í hann í haust og verður kosið á milli frambjóðenda. Fjórir nemendur úr hverjum árgangi eru í nemendaráði.

Heiti: Árbók. Eftir áramót.

Fyrir hverja: 10. bekkur

Hvenær: Nemendur og kennari ákveða í sameiningu hentugan dag.

Námsmat: Lokið/ólokið

Kennari: Óvíst

Lýsing: Eftir áramót er unnið að árbók sem útskriftarnemendur fá afhenta í útskriftinni. 

Heiti: Framhaldsskóla áfangar - heimilt er að meta framhaldsskólaáfanga sem valfag ef nemendur ljúka náminu.

Hvenær: Sjálfsnám/fjarnám í framhaldsskóla

Námsmat: Samkvæmt lýsingum viðkomandi skóla

Kennari: Kennarar framhaldsskólans

Lýsing: Nemendum sem stunda fjarnám í framhaldsskóla geta fengið það metið sem heilt valfag, hver áfangi, en kennt er fyrir eða eftir áramót. Markmiðið er að nemendur stundi nám við hæfi og þurfa foreldrar að aðstoða börn sín við utanumhald í námsins. Náms- og starfsráðgjafi skólans aðstoðar nemendur við að skrá sig inn í Innu óska þeir eftir því.

Nemendur þurfa sjálfir að útvega þau námsgögn sem þarf fyrir hvern áfanga fyrir sig og minnum við á skiptibókamarkaði.

Námsmat: Einkunnir úr framhaldsskóla á bilinu 0-10.

Heiti: Fjármálalæsi. Eftir áramót.

Fyrir hverja: 8., 9. og 10. bekkur

Námsmat: A-D

Kennari: Andri Þór Kristjánsson

Lýsing: Megintilgangur námskeiðsins er að hjálpa nemandanum að skilja og ráða við persónuleg fjármál sín í nútíð og framtíð. Skilja nauðsynlegt samhengið milli tekna og gjalda og eðli þessara hugtaka. Hvaðan tekjurnar koma og hvernig þær verða til og hvernig gjöld hljóta óhjákvæmilega að greinast í ýmsa flokka, nauðsynlega og ónauðsynlega, til einkanota og til samfélagslegra þarfa.

Reynt verður að kenna nemendunum að meta gildi peninga og nauðsynja þess að afla þeirra, eiga og nota, en þess jafnframt gætt að sporna við þeirri peningadýrkun, sem stundum virðist einkenna samfélag mannanna um of.

Efnisþættir, meðal þeirra atriða og efnisþátta sem fjallað verður um eru: persónulegar tekjur og gjöld sveitarfélaga og ríkisins, einkaneysla og samneyslu.

Helstu hugtök sem menn fást við í sambandi við lífsafkomuna verða útskýrð, svo sem eignir og skuldir,gjöld og tekjur. Rætt verður nokkuð ítarlega um lán og sparnað, innláns- og útlánsvexti. Í því sambandi verða ýmsar tegundir vaxta útskýrðir, eins og flestir vextir, vaxtatímabil, vaxtavextir, vanskilavextir o.fl. Einnig verður rætt um verðbólgu, verðbætur,verðtryggingu og reynt að útskýra þessi hugtök eins ítarlega og kostur er miðað við aldur og þroska nemendanna. Í Lokin verður svo fjallað um skatta, beina og óbeina, virðisaukaskatt og tekjuskattur. Stuðst verður við námsefni frá Fjármálaviti.

Heiti: Veggmynd - allt árið

Fyrir hverja: 8., 9. og 10. bekk

Hvenær: Nemendur og kennari ákveða í sameiningu hentuga daga.

Námsmat: A-D

Kennari: Brynja Rut Guðmundsdóttir

Lýsing: Nemendur vinna að hönnun og framkvæmd veggmyndar í skólanum. Skapandi ferli þar sem nemendur taka þátt í hugmyndarvinnu, rannsóknum, hönnun og framkvæmd á sameiginlegu listaverki. 

Heiti: Frístund - starfsmaður í þjálfun. Fyrir eða eftir áramót, allt árið

Fyrir hverja: 8., 9. og 10. bekkur

Hvenær: Nemendur og forstöðumaður Frístundar ákveða dag fyrir hvern nemanda fyrir sig

Námsmat: Lokið/ólokið

Kennari: Þórný Edda Að

Lýsing: Nemendur sem óska eftir þessu valfagi fara í stutt viðtal til Diddu og þar er farið yfir tímaskipulag og tími fundinn sem hentar hverjum og einum. Nemendur aðstoða starfsfólk Frístundar í sínum störfum með börnum í 1.-4. bekk, eina klukkustund í senn, einu sinni í viku. Þarna getur verið um að ræða kaffitíma, útivist, stöðvavinna og margt fleira. 

Nemendur eiga þess kost að fá meðmælabréf frá forstöðumanni sem þau geta nýtt í leit að sumarstarfi.

Heiti: Fingrasetning

Fyrir hverja: 8., 9. og 10. bekkur

Hvenær: Óvíst. Kennt að hluta til með fjarkennslusniði

Námsmat: Lokið/ólokið

Kennari: Óvíst. Valgreinin er skipulögð í samvinnu við grunnskóladeild Menntasviðs.

Lýsing: Farið verður markvisst yfir fingrasetningu á lyklaborði og þjálfunaræfingar unnar. Þjálfunin skiptist í tækni annars vegar og hraðritun hins vegar. Nemendur vinna einstaklingsmiðað og setja sér markmið. Þjálfunarforrit þjálfa nemendur í notkun allra tíu fingra við vélritun. Hugbúnaður sem einkum verður notaður er www.typing.com þar sem nemendahópurinn er skráður inn í gegnum Google og kennari getur fylgst með námsframvindu nemenda sinna. Persónulegur aðgangur nemandans nýtist í hvaða nettengdri tölvu með lyklaborði sem er en nemendur geta einnig fengið lyklaborð sem tengist spjaldtölvu að láni heim á meðan á námi þessu stendur. 

Heiti: Aðstoðum húsvörðinn

Fyrir hverja: 8., 9. og 10. bekkur

Hvenær: Tími ákveðinn í samráði við Sigga

Námsmat: Lokið/ólokið

Kennari: Sigurður Kjartansson, húsvörður

Lýsing: Nemendur í þessu vali aðstoða Sigga við hin ýmsu verkefni sem húsvörður sinnir, miðað við aldur og þroska.