Valgreinar 2024-2025

Hér á eftir er lýsing á þeim valáföngum sem verða í boði veturinn 2024 – 2025. Nemendur eru í þremur valfögum á ári. Mikilvægt er að velja val 1 og 2 fyrir amk. 3 daga.

Nú er mikilvægt að lesa lýsingarnar vel og velja þá áfanga sem þú hefur áhuga á. Valið getur verið vandasamt og hvetjum við ykkur til að ráðfæra ykkur við foreldra/forráðamenn. Nú er valfögum skipt upp eftir dögum. Þessi skipting gæti hugsanlega breyst en við reynum að halda þessu eins og er.

Vakin er sérstök athygli á því að hægt að fá tómstundastarf (íþróttir, listir o.fl.) metið sem valgrein. 

Nemendur sem stunda tómstundir utan skóla t.d. íþróttir, tónlist, myndlist ofl. undir stjórn þjálfara/kennara í 1-2 klukkustundir eða meira á viku geta fengið það metið í stað einnar valgreinar. Nemendur sem stunda þessar greinar í í 3 eða fleiri klukkustundir á viku geta fengið það metið í stað tveggja valgreina.

​Að hausti fá nemendur eyðublað á skrifstofu skólans, skrá á það æfingatíma ásamt því að fá undirskrift foreldra og þjálfara því til staðfestingar. Þeir sem skila inn þessu eyðublaði verða í einu eða tveimur valfögum yfir veturinn. 

Ekki er hægt að skipta um valáfanga eftir að hann er byrjaður.

Hver nemandi fyllir út Google forms umsókn fyrir sitt valfag og þá er mikilvægt að vera inni á sínu skólanetfangi.  Hver árgangur finnur sitt eyðublað undir bekkjarsíðunni hérna. Munið að horfa vel á hvaða daga valfögin eru kennd þannig að þið séuð ekki að velja eingöngu valfög kennd á sama degi.

Síðasti dagur til þess að skila inn valblaði er miðvikudagurinn 15. maí 2024.