Si Carlos “Botong” Villaluz Francisco (Nobyembre 4, 1912 – Marso 31, 1969) ay isang kilalang muralista at Pambansang Alagad ng Sining sa Pintura. . Isa siya sa mga tagapagtatag ng "Thirteen Moderns," isang grupong nagpasimula ng modernong sining sa Pilipinas noong 1938. Kilalang-kilala si Botong sa kanyang mga makulay na mural na naglalarawan ng kasaysayan, kultura, at pagiging makabayan ng mga Pilipino. Kabilang sa kanyang mga tanyag na likha ang “Bayanihan” (1962), na makulay at simbolikong mural na naglalarawan ng diwa ng bayanihan na isang mahalagang aspeto ng kulturang Pilipino. “The Progress of Medicine in the Philippines” (1953), na isang makasaysayang mural na naglalarawan ng pag-unlad at pagbabago sa larangan ng medisina sa bansa, at “Filipino Struggles Through History” (1964), na nagpapakita ng mga mahahalagang eksena sa kasaysayan, na matatagpuan sa Manila City Hall.