15.GIH: Lur lehorreko bizitza. Basoa

Otsailak 9, asteazkena, DBH 1.mailako ikaslek Hondakinen kudeaketaren inguruko egindako ikastaroa

1.D ikasleak hondakinen kudeaketaren inguruko ikastaroan

Lehen gaiak nondik datozen azaltzen....

kudeaketaren arazoak aipatzen...

Sortutako hondakin kopurua aipatuz....

Lehenengo zikloko ekoordezkariak

Bigarren zikloko ekooerdezkariak

Ideien bilketa

UDAL-FOROA BERGARAN

Pasa den maiatzaren 11ean, Bergarako udaletxean bildu ginen udal-ordezkariekin EA2030ren biatan landutakoa erakutsi eta proposamenak luzatzeko. Gure ikasle ordezkariak diren Jokin Zeziagak eta Mara Aranesek, euren aldetik, eukalipto-landaketen inguruko proposamenak eta kotxe-erabileraren ingurukoak luzatu zizkieten Bergarako udal-ordezkariei.

VID_20220511_102116.mp4

ENERGIA ARGITU tailerra Bergaran

Gipuzkoako Foru Aldundiko Ingurumen eta Obra Hidraulikoetako Departamentuak, Bergarako Udalarekin elkarlanean, Energia Argitu programaren baitan, energia modu eraginkorrean erabiliz eta erosotasunik galdu gabe energia eta dirua aurrezteko gomendioak ezagutzera emateko tailerra antolatu du, maiatzaren 26an, 18:00etan, Irizarko Euskaldunberri aretoan.

Denok erabiltzen dugu energia (argiterian, berokuntzan, sukaldean…) gure egunerokotasunean, horregatik da guztiontzako interesgarria saio hau. Norberak bere etxean ezarri ditzakeen eraginkortasun neurrietarako beharrezko materialak erakutsiko dira eta energia aurrezteko balio duten ohitura aldaketak zein diren azalduko da. Parte hartzen dutenei, “Energia-aurrezkiari eta –eraginkortasunari buruzko aholku praktikoen gida” banatuko zaie. Gida honetan modu erraz eta ulergarrian azaltzen dira energia aurrezteko eta eraginkorragoak izateko baliagarriak diren hainbat aholku.

Tailer honetan parte hartu nahi duten herritarrek, maiatzaren 24a baino lehen izena ematea beharrezkoa da, saioak aurrera egiteko ezinbestekoa baita aldez aurretik ikasleen kopurua ezagutzea. Horretarako, honako bideak erabil daitezke:

Posta elektronikoa bidaltzea ondorengo helbidera: argitu@gipuzkoa.eus
Honako telefono zenbakira deitzea: 628-532-248 (astelehenetik ostiralera. Ordutegia 9:00-18:00)
Informazio osagarria: www.argitu.eus

Bergaran aurten Argitu programaren baitan bi tailer antolatuko dira, maiatzaren 26koa lehena, eta bigarrena ekainaren 14an antolatuko dena “Nola egokituko etxeko kontsumo elektrikoa tarifa berrietara erotu gabe”.

MUGIKORTASUN OSASUNTSUA

EA2030tik Mugikortasun jasangarri eta osasuntsuaren aldeko apustua egiten jarraitzen dugu.

Hala, aurten, scooter motako patineteentzako aparkalekua jarri dugu DBHko patioan, bizikleten aparkalekuen ondoan.

Gainera, aparkalekua Gasteizeko Itano enpresa batek ekoiztutakoa izanik, bertatik bertarako ekonomia ere butzatzea izan dugu helburu.

MARTXOAK 22: URAREN NAZIOARTEKO EGUNA

Lurpeko urak ikusezinak dira, baina haien eragina leku guztietan ikus daiteke.

Bistatik kanpo, gure oinen azpian, lurpeko urak gure bizitza aberasten duen altxor ezkutua dira.

Munduko ur geza likido ia guztia lur azpiko ura da.

Klima-aldaketak okerrera egin ahala, lur azpiko urak gero eta kritikoagoak izango dira.

Elkarrekin lan egin behar dugu baliabide eder hori modu iraunkorrean kudeatzeko.

Lurpeko urak bistatik kanpo egon daitezke, baina ez dira burutik kanpo egon behar.

WWD2022_groundwater.mp4

BASOEN ASTEA

KUKUBASO Elkartearen eskutik eta Bergarako udalaren laguntzaz, aste honetan bertan hasita, oso egitarau interesgarria daukagu Bergaran.

Hasteko, larunbat honetan bertan, MARTXOAREN 12an "Zuhaitzak landatzen zituen gizona" antzezlana ikusteko aukera izango dugu Seminarixoan.

Animatu parte hartzera!

BERGARAKO ESKOLEN ARTEKO FOROA

Pasa den martxoaren 2an, Bergarako UNEDen egoitzan, bergarako Eskolen Arteko Foroa osatzen dugun ikastetxeen bilkura egin genuen. Gure ikastetxetik 6 ekoordezkari bertaratu ziren: 1.zikloko ordezkari Peru Urzelai eta Nora Ruiz; 2. ziklokoak Mara Aranes eta Maialen Aranguren; eta batxilergoko ordezkari Ander Mugika eta Ander Verguizas.

Guztien artean maiatzean Bergarako udal ordezkariei aurkeztu beharreko proposamen eta konpromisoak adostu zituzten.

ERAKUSKETA

EUSKAL HERRIKO ZUHAITZ ETA ZUHAISKEN HERBARIOA

4.Bko ikasleek Jeuxekin batera Euskal Herrian topa ditzakegun hainbat zuhaitz eta zuhaisken hostoak bildu eta lehortzen jarri ostean, Batxilergoko harrera nagusian erakusgai jarri dituzte. Ea horietatik zenbat ezagutzen dituzuen!

ESPEZIE INBADITZAILEAK GUREAN

1.DBHko ikasleek espezie inbaditzaileen problematika landu dute Biologia-Geologia ikasgaiaren baitan. Hala, espezie autoktonoak zer diren eta espezie aloktonoak zer diren ikasi dute, eta azken hauen artean, espezie inbaditzaileen arriskuaz hausnarketa egin dute.

Ondoren, taldeka, Euskal Herrian behatu den espezie inbaditzaile baten inguruko hormairudiak prestatu dituzte eta erakasgai jarri dituzte euren lanak DBHko eraikineko 1. solairuan.

Animatu erakusketa ikustera!