O noso obxectivo

Imos facer unha campaña de sensibilización partindo de toda a información recollida:

• Cada equipo cooperativo vaise converter nunha empresa de publicidade.

• Cada empresa/equipo terá unha misión diferente:

  • unha infografía

  • un podcast

  • un vídeo

  • un folleto ou díptico

• Por último, deseñaremos a promoción da campaña nas redes sociais do centro e no blog da biblioteca.

1, 2, 4

Imos empregar a estrutura 1, 2, 4 para facer esta proposta:

• Primeiro creamos individualmente un cadro de recollida de datos seguindo as indicacións que aparecen a continuación.

• Despois, en parellas, poñemos en común o traballo.

• Por último, compartimos as propostas os catro integrantes do equipo.

• No cadro final deberá aparecer información de todos os integrantes do equipo.

Cadro de recollida de datos

Para poder seleccionar e organizar a información vas seguir os seguintes pasos:

1. Crea un cadro de recollida de datos coa información relevante sobre o teu tema.

2. Busca a información nas páxinas seleccionadas no apartado de fontes.

3. Extrae os contidos.

4. Anota as referencias: as páxinas webs que consultaches.