A información en Internet

Cando nos teus estudos necesitas información científica é habitual que a busques na internet. Utilizando un buscador como Google podes rastrexar moitísimos contidos dispoñibles na web. Pero é importante que elixas páxinas, sitios ou documentos fiables, solventes, relevantes: que sexan realmente portadores de coñecemento científico. Buscar na web serache útil se seleccionas ben a información que atopas. Este é o noso punto de partida.

A World  Wide Web, que tanto usamos na vida cotiá, tamén  pode servir ás veces para os teus fins: estudar e aprender, facer traballos, etc. Buscar información na web é un recurso básico e xeral, un punto de partida e un complemento. A web e os buscadores xeneralistas como Google seranche útiles para estas tarefas: 

• Consultar páxinas e sitios web recomendados polo profesorado.

• Utilizar sitios e portais de recoñecido valor como fonte de información.

• Localizar páxinas, arquivos ou documentos previamente coñecidos e confiables.

• Orientarte sobre un tema, achegarte a cuestións pouco coñecidas.

• Buscar datos concretos, definicións, estatísticas, direccións, fórmulas, etc.

• Informarte sobre a actualidade, novas, empresas, a administración pública, etc.

Agora ben, a web é un escenario aberto á libre comunicación de toda clase de información entre todo tipo de organizacións e persoas. A máis das veces non hai ninguén que controle, filtre ou supervise o que se transmite.  A miúdo, quen crea ou produce a información é quen a difunde ou publica, sen filtros. Todo isto outorga grande liberdade, favorece a creación, abre posibilidades.

Para conseguir a información científica que necesitas como “investigador”, es ti quen ten que valorar, xulgar e elixir: usar eficazmente as posibilidades da rede. Os buscadores non che dan o traballo feito.  Isto é case unha vantaxe, se sabes sacar partido diso desenvolvendo a túa capacidade de pensamento crítico, como un verdadeiro cidadán da sociedade dixital.

Se fas unha busca para un achegamento inicial a un tema descoñecido, ou mesmo se buscas datos concretos (definicións, biografías, táboas, listaxes, etc.), tes que filtrar a información que atopes na web,  e elixir aquela que sexa fiable, relevante e acaída para as túas necesidades como “investigador/a”. Lembra, ti buscas, e buscas información científica.

Exemplos de sitios web recomendables

• Consejo Superior de Investigaciones Científicas:   http://www.csic.es

• OpenCourseWare Universidad de Cantabria:  http://ocw.unican.es

• Agencia Española del Medicamento y Productos Sanitarios:  http://www.aemps.gob.es

• Universidade de Santiago de Compostela:  http://www.usc.gal

• Centro de Estudios Políticos y Constitucionales:  http://www.cepc.gob.es

• Springer International Publisher:  http://www.springer.com

• American Psychological Association: http://www.apa.org

• European Molecular Biology Organization: http://www.embo.org

Buscadores xerais

• https://google.com

• https://www.startpage.com

• https://www.exalead.com/search

• https://www.bing.com

• https://duckduckgo.com

 Buscadores especializados

• https://scholar.google.com

• https://www.base-search.net

• https://www.wolframalpha.com

• WorldWideScience

• https://ciencia.science.gov

• https://www.refseek.com

• https://dialnet.unirioja.es

• https://eric.ed.gov

• https://scielo.isciii.es/scielo.php

• https://core.ac.uk

Bases de datos documentais

• https://www.base-search.net

• https://digital.csic.es

• https://scielo.org/es

• https://www.scopus.com

• https://ieeexplore.ieee.org

• https://dialnet.unirioja.es

• http://cchs.csic.es

• https://scielo.isciii.es/scielo.php

• http://dice.cindoc.csic.es/listado_base_de_datos.php

Busca estratéxica

 Estratexias

•  Analiza o teu problema, planea o traballo de busca..

• Pensa e anota que posibles termos de procura usar e vai ampliando a lista.

• Considera que ferramentas de busca empregar, usa varias.

• Examina como se utilizan as ferramentas de procura, aprende a usalas.

• Usa sistemas de procura avanzada (campos, frases, limitacións, combinacións...).

• Busca ordenada, sistematicamente, en varios pasos lóxicos, sen precipitación.

• Garda resultados provisionais, analízaos despois, conserva os definitivos.

• Valora  criticamente os resultados, pensa se son relevantes, dun nivel adecuado.

• Anota e documenta o proceso de procura.

Operadores de busca

Google:  NOT (-)

Cando non queiras que apareza unha palabra na túa procura  terás que poñer o signo -   diante da palabra que queiras excluír. Tamén podes usar o operador  booleano NOT.  É dicir, busca resultados que non inclúan o termo despois do signo - ou do operador  NOT.  A busca física -mecánica   ofrece todos os elementos que conteñan a palabra física pero que non conteñan a palabra mecánica.}

Google: AND 

Cando  queiras que aparezan todas as palabras na túa busca  terás que usar o operador  booleano   AND.  É dicir, busca resultados que inclúan tanto o termo anterior ao  operador  AND como o posterior.  A consulta física  AND mecánica ofrece todos os elementos que conteñan as dúas  palabras física e mecánica.

Google: OR

Á hora de incluír palabras na procura podemos considerar o operador  booleano  OR. Dita procura ofrece resultados que inclúan o termo anterior ao operador, o posterior ou os dous.  A consulta  Historia  OR Moderna ofrece todos os elementos que conteñan a palabra Historia ou a palabra Moderna (ou ambas).}

Google: ""

Cando queiras atopar exactamente unha frase dentro dunha páxina, utiliza as comiñas ("").  Poñer entre

comiñas unha frase permite buscar as palabras exactas na mesma orde.  A consulta "A mecánica  cuántica          

de bucles'' ofrece todos os elementos que conteñan a frase buscada, respectando a orde das palabras.

Google: AROUND

Cando queiras buscar temas relacionados podes utilizar o comando   AROUND(X). A X é o número de palabras de distancia que poderá haber entre o primeiro e o segundo termo como máximo. A consulta análise  AROUND 5 funcional ofrece todos os elementos que conteñan as palabras  análise funcional cunha distancia máxima de 5 palabras entre ambas. 

Google: ∼

Cando queiras obter resultados relacionados na busca, aínda que non inclúan exactamente as túas palabras,

coloca o carácter  virgulilla  ∼ antes da palabra. Con isto obterás resultados sinónimos para a devandita palabra.

A consulta matemática  ∼programa  ofrece todos os elementos que conteñan a palabra matemática xunto coa       

 palabra programa e os seus sinónimos, por exemplo aplicación ou software. 

Google: plalabras chave

Cando queiras obter resultados nos cales as palabras chave seleccionadas aparezan nos títulos das páxinas     

deberás usar o  comando  intitle: , se queres que conteñan a palabra chave especificada no título, ou o  

comando  allintitle: , se queres que conteña unha frase completa no título. A busca intitle:biomedicina ofrece todos 

os elementos que conteñan a palabra biomedicina no título.

A consulta  allintitle:a medicina  rexenerativa ofrece todos os elementos que conteñan a frase ``a medicina  rexenerativa'' no título.  

Google: plalabras chave

Cando queiras obter resultados nos cales as palabras chave seleccionadas aparezan nos textos das páxinas deberás usar o comando  intext: , se queres que conteñan a palabra chave especificada no texto, ou o comando allintext: , se queres que conteña unha frase completa no texto. A consulta   intext: multiverso ofrece todos os elementos que conteñan a palabra  multiverso no texto. A consulta   allintext:os universos paralelos  ofrece todos os elementos que conteñan a frase ``os universos paralelos'' no texto.

Google: plalabras chave

Cando queiras obter resultados nos cales as palabras chave seleccionadas aparezan nos textos de ancoraxe  (anchor  text) das páxinas deberás usar o comando  inanchor:  , se queres que conteñan a palabra chave especificada no texto de ancoraxe, ou o comando  allinanchor:   , se queres que conteña unha frase completa no texto de ancoraxe. A consulta   inanchor:xenes  ofrece todos os elementos que conteñan a palabra xenes no texto de ancoraxe. A consulta  allinanchor: os xenes dos mamíferos ofrece todos os elementos que conteñan a frase ``os xenes dos mamíferos'' no texto de ancoraxe. 

Google: URLS

Cando queiras obter resultados nos cales as palabras chave seleccionadas aparezan na URL das páxinas deberás usar o comando   inurl: , se queres que conteñan a palabra chave especificada na URL, ou o comando  allinurl: , se queres que conteña unha frase completa na URL.  A consulta   inurl: cronobioloxía  ofrece todos os elementos que conteñan a palabra  cronobioloxía na URL. A consulta   allinurl: os ritmos  circadianos ofrece todos os elementos que conteñan a frase ``os ritmos  circadianos'' na URL. 

Google: Intervalo de números

Cando queiras buscar entre un rango de cifras específicas utiliza dous puntos (..) entre as devanditas cifras. Mostraranse resultados que estean entre o rango de números especificados. A procura libros 2020 .. 2021 mostrará resultados dos libros publicados entre 2020 e 2021. 

Google: Ligazóns dirixidas a unha páxina determinada

 Para atopar páxinas web que teñen ligazóns dirixidas a unha páxina web determinada, utiliza o comando 

link :

A busca   link :  home.web.cern.ch  mostra todas as ligazóns dirixidas á páxina web da organización  CERN. 

Google: Buscar nun sitio web concreto

Se queremos saber cantas páxinas ten Google  indexadas sobre un sitio web utilizaremos o comando de procura  site: . Ao devandito comando pódenselle incluír palabras chave ou frases para recuperar resultados sobre un tema concreto en determinada páxina. A consulta  site:www.bne.es mostra todas as páxinas da Biblioteca Nacional de España  indexadas por Google. E a consulta   site:www.bne.es lectura  mostra todas as páxinas da Biblioteca Nacional de España  indexadas por Google e que falan de lectura. 

Google: Obter información sobre un sitio web

Para obter información sobre un sitio web concreto basta con usar o comando  info:  . Co devandito comando poderás informarte sobre que é un sitio web a través da descrición que se achega no sitio. A consulta  info:www.bne.es  mostra a descrición da Biblioteca Nacional de España. }

Google: Definir palabras

Para obter definicións de palabras de maneira rápida utiliza o comando define: A consulta 

define:cronobioloxía  mostra a definición de  cronobioloxía. 

Google: Buscar por tipo de arquivos

Na procura de arquivos específicos, como PDF,  PPT ou  XLS, agrega o comando  filetype:  seguido da abreviatura de tres letras do tipo de arquivo. A consulta  filetype:pdf Julián Marías   busca todos os documentos en pdf de Julián Marías  indexados en Google.