Cawsom ddiwrnod o ddathlu'r Iaith Gymraeg drwy gynnal gemau yn y dosbarth a'r buarth a gwrando ar gerddoriaeth Cymraeg. 

Cafodd dosbarth Tryweryn y fraint o gwrdd â Anni Llyn yn Llyfrgell Rhuthun. Cawsom drafodaeth ar beth sy'n creu stori ffuglen dda ac edrychom ar sgiliau penodol y gallem eu defnyddio ar gyfer ein straeon ein hunain.

Darllenodd ychydig dudalennau o'i llyfr i ni, a chawsom y fraint o dderbyn llyfr wedi'i lofnodi ganddi!  

Cafodd Blwyddyn 3 a 4 gyfle i fynd i fwynhau’r hyn oedd gan Glan Llyn i’w gynnig. Aethon ni i ganŵio ar Lyn Tegid, dringo'r wal a rhaffau uchel. Mwynhaodd blwyddyn 3 yn fawr gan mai dyma oedd eu taith gyntaf iddyn nhw aros dros nos.

Eleni, roedd gennym 2 grŵp yn cystadlu yn yr Ornest lyfrau. Roedd yn rhaid iddyn nhw ddarllen y llyfr yn fanwl ac ateb cwestiynau gan y beirniaid. Darllenodd grŵp 5 a 6 Llanddafad  grŵp 3 a 4 Gardd Gwenno. Da iawn chi drafod yn annibynnol ac yn ateb y cwestiynau yn fanwl ac yn glir.

Mae Diwrnod y Llyfr yn draddodiad mawr yn ein hysgol lle mae'r plant yn gwneud ymdrech enfawr i wisgo fel cymeriad o'u hoff lyfr. Rydym yn chwarae gweithgareddau ac yn edrych ar awduron penodol sydd wedi cael effaith ar yr iaith Gymraeg.

Fel thema rydym wedi bod yn ymchwilio i Ddŵr, ond yn fwy manwl gywir i foddi Tryweryn. Mwynhaodd y plant yr elfen hon o'r thema yn fawr gan ei bod yn agoriad llygaid. Edrychon ni ar drigolion Capel Celyn, ond hefyd yr effaith a gafodd ar yr Iaith ar ddiwylliant Cymraeg ar y pryd. 

Cyn Eisteddfod y cylch gafod plant a oedd yn cystadlu'r fraint i ganu, actio a llefaru o flaen y ddwy ysgol a'i rhieni. Roedd y plant yn wych ac yn hyderus. Braf gweld gymaint wedi trio'r lenni, cymharu â blynyddoedd cynt.

Rhoddodd y llysgenhadon iaith gyflwyniad yn y gwasanaeth. Roedd y criw wedi bod yn arbrofi ac yn ymchwilio i apiau Cymraeg. Ar ôl hyn, creasant daflen gyda'r holl apiau a oedd yn berthnasol ar gyfer plant yr ysgol a rhai a oedd yn dysgu'r Gymraeg. Roedd yna linc i'r 'Appstore' a gwybodaeth am yr ap.

Fel blwyddyn 3, 4, 5 a 6 aethom i'r Ganolfan Grefftau yn Rhuthun i gael gwneud gweithdy cwiltio. Gwnaeth y plant fwynhau'r diwrnod, nid yn unig oeddem ni yn dysgu sut i weu, ond cawsom ni hanes Cymru, edrych ar siapiau gwahanol a chael y cyfle i fynd o gwmpas y ganolfan i edrych ar waith celf dylunwyr eraill.

Fel un o'r targedau, rydym eisiau cynyddu fwy o blant sydd yn gwrando ar gerddoriaeth Cymraeg. Felly mae dewiniaid digidol wedi gofyn i bawb i ysgrifennu lawr eu hoff gan fel eu bod yn gallu creu rhestr chwarae fel mae pawb yn gallu mwynhau