Dysgu Proffesiynol Powys
Powys Professional learning

Mae’r Safle Google hwn yn manylu ar holl amrywiaeth y cymorth a’r cyfleoedd dysgu proffesiynol sydd ar gael oddi wrth ein timau, i ymarferwyr ac arweinwyr ledled Powys.

Mae’r cynnig dysgu proffesiynol cyffredinol sy’n cael ei amlinellu wedi cael ei ddatblygu gan roi ystyriaeth i anghenion ysgolion, lleoliadau a chlystyrau, ac mae wedi cael ei strwythuro mewn modd hyblyg i sicrhau amrywiaeth o hyfforddiant a dysgu proffesiynol sy’n gydamserol ac anghydamserol.

Ein gobaith yw y bydd y ddewislen o gefnogaeth yn diwallu anghenion ysgolion ar yr adeg hon, yn ogystal â chynnig cwmpas i ysgolion ac ymarferwyr i ddatblygu eu meddwl wrth i ni barhau ar ein taith tuag at y Cwricwlwm i Gymru.

Gan fod pob ysgol a chlwstwr ar amrywiol gamau wrth barhau â’u taith tuag at y Cwricwlwm i Gymru, mae dysgu a chymorth proffesiynol pwrpasol hefyd ar gael ar ofyn. Cysylltwch â’ch Cynghorydd Gwella Ysgolion a Chris Davies (christopher.davies2@powys.gov.uk) i drefnu cymorth pwrpasol.

Nodwch y bydd y safle hwn yn cael ei ddiweddaru’n rheolaidd â chyfleoedd newydd cyffrous a bydd y rhain yn cael eu hysbysebu drwy ein ffrydiau cyfathrebu arferol.