Ysgol Caer Elen

Croeso i Ysgol Pob Oed Caer Elen!

Wrth baratoi’r adnodd yma rydym wedi ceisio sicrhau bod gennych fynediad i’r holl wybodaeth sydd ei angen arnoch ynglŷn â’r ysgol. Ein nod yn yr ysgol yw sicrhau bod pob disgybl ac aelod o staff yn cael y cyfle i ffynnu a’u bod yn cael pob cyfle i gyfrannu tuag at y broses o greu ysgol sydd yn sefydliad sydd yn dysgu. Rydym yn ffocysu ar arloesedd a rhagoriaeth ym mhob agwedd o’n gwaith dyddiol boed wrth gefnogi ein disgyblion o safbwynt eu datblygiad academaidd, eu datblygiad personol neu o safbwynt eu lles. Rydym yn gwneud pob ymdrech i sicrhau bod yr ysgol yn gymuned hapus a chynhwysol ac mae ein hethos yn seiliedig ar y gwerthoedd o garedigrwydd, tegwch, cyfrifoldeb, parch a dyfalbarhad. Cofiwch bori trwy’r wefan er mwyn cael trosolwg o’r hyn rydym yn ei gynnig.

Gair y Pennaeth

Ein Disgyblion

Pam Dewis Ysgol Caer Elen?

Ein Hysgol ar Gyfer yr 21ain Ganrif

Pontio

Dilynwch y ddolen isod er mwyn cael mynediad i becyn pontio Ysgol Caer Elen. Cewch gyfle i weld yr ysgol, i gwrdd â’r Staff, ac i ddysgu am y Meysydd Dysgu a Phrofiad . Yn yr un modd, gallwch ddarganfod fwy am holl weithgarwch yr ysgol a derbyn cyngor ar sut i drosglwyddo o'r Cynradd i'r Uwchradd yn effeithiol.

Pecyn Pontio 2021

Ein Blaenoriaethau

Ein Cwricwlwm Arloesol

Ymrwymiad i Ddarparu Addysg Rhagorol

Ein Hethos Gofalgar a Chefnogol

Meysydd Dysgu a Phrofiad

Iaith, Llythrennedd a Chyfathrebu

Mathemateg a Rhifedd

Gwyddoniaeth a Thechnoleg

Iechyd a Lles

Dyniaethau

Celfyddydau Mynegiannol

Sgiliau am Oes

Llythrennedd

Rhifedd

Cymhwysedd Digidol

Cwestiynau Cyffredinol

A oes modd i fy mhlentyn drosglwyddo i Ysgol Caer Elen os yw e/hi yn derbyn addysg cyfrwng Saesneg?

Mae gennym Ganolfan Iaith yn yr Ysgol sydd yn caniatáu i ddisgyblion o Flwyddyn 2 hyd at Flwyddyn 6 i gael eu trochi yn yr iaith Gymraeg. Ers i’r ysgol i agor yn 2018 mae dros gant o blant wedi trosglwyddo’n llwyddiannus o addysg cyfrwng Saesneg i addysg cyfrwng Cymraeg. Yn y Ganolfan Iaith mae’r plant yn derbyn cymorth a chefnogaeth arbenigol gan athrawes er mwyn eu helpu i ddatblygu’r sgiliau llafar, darllen ac ysgrifennu sydd eu hangen i gael mynediad i’r Cwricwlwm.

A fydd fy mhlentyn o dan anfantais gan ei bod/fod yn dod o gartref di-gymraeg?

Rydym yn ymhyfrydu yn y ffaith bod y mwyafrif o’r disgyblion sydd yn mynychu Ysgol Caer Elen yn dod o gartrefi di Gymraeg. Mae’r disgyblion yn yr ysgol yn ffynnu yn y ddwy iaith. Os oes unrhyw ddisgybl yn cael anhawster yn y Gymraeg neu yn Saesneg yna mae gennym raglenni ymyrraeth sydd yn cynnig cefnogaeth arbenigol. Ein nod yw paratoi ein disgyblion i fod yn ddinasyddion dwyieithog sydd yn hyderus yn eu defnydd o’r Gymraeg a’r Saesneg.

Beth fydd yr Ysgol yn ei wneud er mwyn cynorthwyo fy mhlentyn wrth iddo/iddi drosglwyddo i Ysgol Caer Elen?

Mae symud o Flwyddyn 6 i Flwyddyn 7 yn broses cyffrous iawn ond mae e hefyd yn broses sydd yn gallu peri gofid. Yn Ysgol Caer Elen mae gennym gynllun pontio pwrpasol sydd wedi ei lunio er mwyn sicrhau bod pob disgybl sydd yn dewis trosglwyddo yn teimlo’n hollol hyderus ac yn hapus wrth symud o Flwyddyn 6 i Flwyddyn 7. Byddwn yn sicrhau bod cyfle gan bob disgybl sydd yn ymuno â Chaer Elen yn cael cyfle i ymweld â’r campws, i gyfarfod gyda’u hathrawon a’r staff, i ddod i adnabod eu cyd ddisgyblion ac i gael blas o’r gwersi.

Pa gymorth sydd ar gael i gefnogi lles fy mhlentyn?

Yn Ysgol Caer Elen rydym yn rhoi pwyslais mawr ar gefnogi lles ein disgyblion. Gweithredwn ar y cysyniad bod plentyn hapus yn ddysgwr hapus. Mae gennym ystod eang o weithdrefnau a gweithgareddau sydd wedi eu llunio’n benodol er mwyn helpu disgyblion i ymdopi â’r heriau sydd yn gysylltiedig â’r glasoed. Ymhyfrydwn yn y ffaith ein bod ni’i gyd yn wahanol - Mae’n ddyletswydd arnom felly i ddiwallu anghenion lles pob disgybl. Mae’r tîm lles yn cynnwys Uwch Dim Rheoli a Phennaeth Cynorthwyol â chyfrifoldeb am les, Pennaeth Cynnydd a Lles, Athro Dosbarth, CADY, Cwnselydd, Swyddog Ieuenctid, Cynorthwywyr, Mentoriaid Cyfoed a Nyrs yr Ysgol.

A oes cyfleoedd allgyrsiol gall fy mhlentyn manteisio arnynt?

Yn sicr un o gryfderau’r ysgol yw’r holl glybiau a’r cyfleoedd allgyrsiol sydd ar gael i’r disgyblion. Mae’r clybiau a’r gweithgareddau allgyrsiol yn allweddol bwysig er mwyn cynnig cyfleoedd i’r disgyblion i feithrin sgiliau pwysig ac i gymdeithasu gyda’i gilydd gan ddefnyddio’u Cymraeg tu allan i’r ystafell ddosbarth. Mae clybiau iechyd a lles ar gael peth cyntaf yn y bore, adeg egwyl a chinio ac ar ôl ysgol. Beth bynnag yw eich diddordeb ym maes chwaraeon mae yna glwb ar eich cyfer. Mae gennym hefyd Glwb 5x60, Clwb Clonc, Clwb Darllen, Clwb Digidol, Clwb Minecraft, Clwb Gwyddoniaeth, Clwb Coginio, Clwb STEM a Chlwb Dyniaethau. Rydym yn cyfranogi yng Ngŵyl Shakespeare for Schools yn flynyddol ac yn cystadlu’n frwd yn Eisteddfod yr Urdd a chystadlaethau cerddorol lleol a chenedlaethol. Pan fydd rheolau Cofid 19 yn caniatáu byddwn yn trefnu teithiau di ri er mwyn cynnig profiadau cyfoethogi i’r disgyblion.