Martxan da Energiaren Udal Bulegoa

Kontsumoaren murrizketa eta efizientzia energetikoa sustatzeko xedez, herritarren eta enpresen zerbitzura dagoen aholkularitza bulegoa abian jarri du Udalak. Enherkom energia berriztagarrien aldeko kooperatibako adituek kudeatuko dute udal zerbitzua. "Energia Berriztagarrien Udal Planak jasotzen du udal bulegoa eta egun, krisi larria jasaten ari garen honetan, inoiz baino beharrezkoago ikusi dugu zerbitzu hau eskaintzea", esan dute udal arduradunek.