Bilbo - Irabien

(2023-07-05ean, asteazkena)

Gaur, uztailak 5, asteazkena, Ordiziatik autobusez irten gara goizeko 6:30ean GMBko 44 mendizale (15 emakume eta 29 gizon). Bilbora iritsi eta Zazpi Euskal Hiriburuak lotzen dituen zeharkaldiari hasiera eman diogu; zeharkaldiko lehenengo etapari, hain zuzen. Goizeko 7:50ak aldera abiatu gara, erdi lainotuta baina tenperatura epelarekin. Igotzen hasi eta Pagasarri mendira iritsi gara. Bertatik Bilbo ikusteko aukera paregabea izan dugu. Gero, Ganekogorta mendira joan gara, ibilbideko punturik altuenera. Jarraian, Las Llanas, Pagero eta Kiputxeta tontorrak egin ditugu. Azkenean, beherantz egin eta 13:40ak inguruan Okondo herriko Irabien auzoan amaitu dugu.

Ibilbidea eta denborak:

Artapeta (Bilbo)(115 m), Pagasarriko aterpea (648 m; 4,6 km; 1:20), Pagasarri (669 m; 4,9 km; 1:30), Muinarangolanda (609 m; 6,4 km;2:00), Larrentxu (869 m; 7,4 km; 2:30), Ganekogorta (1.000 m; 8,8 km; 2:55), Las Llanas (946 m; 9,5 km; 3:25), Pagero (961 m; 9,8 km; 3:30), Parapetos (Kiputxeta) (720 m; 12,1 km; 4:15)), Beratza (348 m; 15,2 km; 5:05), A-3632 errepidea (163 m; 16,9 km; 5:35) eta Okondo (Irabien)(147 m; 18,3 km; 5:50).